“Ha'u book estrutura iha Ministériu da Justisa book Diretór nasionál sira ne'e, book xefe departamentu sira ne'e, ha’u simu tiha ona despaixu husi komisaun funsaun públika, mudansa boot iha Terras no Propriedade, halo mudansa ba Diretór Nasionál tolu halo mudansa ba xefe departamentu lubuk boot ida halo mudansa mós ba direitór munispal sira Terras e Propriedade”, informa Ministru Manuel Cárceres hafoin hasoru malu ho Primeiru Ministru, Taur Matan Ruak, iha Rezidénsia Farol, tersa (06/07).
Hahú iha fulan-Jullu, mudansa boot ba diresaun servisu notariadu, maske iha mudansa kiik ba servisu sentrál Ministériu Justisa, tanba mudansa Diretór ida de'it maibé mudansa hirak ne'e orizontál hasai husi Xefe departamentu ba xefe departamentu seluk.
Ho mudansa ne’e atu labele kria konvinendia servisu ne'e tenke iha mudansa orizontál atu fó emfaze atu servisu di'ak liután.
"Ha’u-nia filosofia karik dehan kleur demais iha fatin ida kria kankuru (kanker jabatan) ne'ebé di'ak liu mudansa, ne'ebé fó liu efetividade, halo mudansa ba ninia pensamentu halo mudansa ba nia espiritu servisu hodi nune'e servisu di'ak liután”, esklarese nia. (*)