Prosesu julgamentu rasik prezide husi Juisa Maria Solana, Defensor publiku Sergio Quintas no Ministeiru publiku reprezenta husi Lidia Soares.
Tuir observasaun www.tempotimor.com nota katak, julgamentu LP hahu iha 09:00 ne'ebé partisipa mos husi Familia inklui maluk servisu.
Antes ne'e Polisia Nasionál Timor-Leste (PNTL) liu-husi Servisu Investigasaun Kriminál (SIK) ho ekipa borgól eis Prezidente KFP, LP no lori sai hosi nia servisu fatin edifisiu Ministériu Negósiu no Kooperasaun (MNEK).
SIK, ohin (02/12) hala’o asaun detensaun ne’e hodi ezekuta mandadu detensaun primeiru interogatóriu Tribunál Distritál Dili (TDD) ho NUC0077/17.PGGCC.
Suspeitu LP rasik deskonfia envolve iha kazu krime partisipasaun ekonomia liu hosi negosiu ne’ebé kontra Kódigu Penál artigu 299 kona-ba ninia envolvimentu partisipasaun ekonomia bainhira asume knaar nu’udár Prezidente KPF iha tinan 2017.
Hafoin remata mandatu nu’udar prezidente KPF, LP kontinua presta nia servisu iha MNEK nu’udár Diretór Ajente Coopercão Timor-Leste (ACTL) durante tinan 2017 to'o oras ne’e.(*)