TDD “Liberta” Eis Prezidenti KFP

Eis Prezidente KFP akompania husi PNTL tama iha kareta hafoin Julgamentu Primeiru Interogatoriu iha TDD, Sesta (4/12) Eis Prezidente KFP akompania husi PNTL tama iha kareta hafoin Julgamentu Primeiru Interogatoriu iha TDD, Sesta (4/12) Foto Tempo Timor

Tempotimor (Dili) - Tribunal Distrital Dili (TDD) liu husi julgamentu primeiru interrogatóriu koordena ona atu liberta eis Prezidenti Komisaun Funsaun Publika (KFP) ho inisial LP ne'ebé deskonfia involve iha krime partisipasaun ekonomia.

Defendor publiku Sergio Quintas iha TDD Bebora Dili esplika, Tribunal koordena ona liberdade asistidu nune'e arguidu bele fila ba uma hanesan sidadaun babain no hein aban, Sabadu (5/12) iha obrigasaun ba TDD atu rona despasu no medidas kuasaun husi Juis hodi aplika ba LP.

"Tribunal koordena tiha ona imediata liberdade arguidu nian, ohin nia (LP) bele fila tanba prazu detensaun 72h ne'e hotu ona tuir lei," dehan defendor publiku Sergio Quintas iha TDD Bebora Dili, Sesta (4/12).

Antes ne'e Polisia Nasionál Timor-Leste (PNTL) liu-husi Servisu Investigasaun Kriminál (SIK) ho ekipa borgól eis Prezidente KFP, LP no lori sai hosi nia servisu fatin edifisiu Ministériu Negósiu no Kooperasaun (MNEK).

SIK hala’o asaun detensaun ne’e hodi ezekuta mandadu detensaun primeiru interogatóriu Tribunál Distritál Dili (TDD) ho NUC0077/17.PGGCC.

Suspeitu LP rasik deskonfia envolve iha kazu krime partisipasaun ekonomia liu hosi negosiu ne’ebé kontra Kódigu Penál artigu 299 kona-ba ninia envolvimentu partisipasaun ekonomia bainhira asume knaar nu’udár Prezidente KPF iha tinan 2017.

Prosesu julgamentu primeiru interrogatóriu rasik halao naktaka ne'ebé prezide husi Juisa Maria Solana, Ministeiru publiku reprejenta husi Lidia Soares, no arguidu LP hetan asistensia leg husi defensor publiku Sergio Quintas.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks