"Despaixu Tribunál mak Liberta, kapturasaun buska aprensaun ne'ebé dehan iha ami nia arguidu ne'e ilegál entaun Tribunál deklara nulu dehan katak la vale tudo", dehan nia ba Mídia iha rezidénsia PSIK, Kaikoli, Kuarta (19/01).

Nia hatutan, iha posibilidade liberta ema hotu bainhira prosesu kapturasaun buska aprensaun ne'ebé hala'o ba arguidu balun la tuir formalizmu legal tuir lei kodigu prosesu penal.

"Ami nia kliente livre tiha ona, fila ona ba uma", dehan nia.

Nia laiha komentáriu kona-ba lei, atu kondena Longuinhos Monteiro kona-ba armas sira ne'ebé rai iha nia uma, tanba haree de'it ba formalizmu kapturasaun aprensaun buska ne’e la iha mandadu husi Tribunal.

Tanba, buska aprensaun tenke bazeia ba mandadu, Tribunal tenke hasai despaixu ida hodi ka’er ema ida, buska ba ema nia dominisiliariu eh halo aprensaun ba ema nia sasán ne’e, so Tribunál mak iha kompetensia.

"Tribunál hateten kapturasaun foin dadaun halo ne'e, fora emflagrante delitu, tanba nia mai aprezenta iha ne'e (PSIK), maibé iha ne'ebá la iha", dehan nia

Nune’e, konsidera parte investigadór sira ne'ebé halo aprezentasaun ba Longuinhos Monteiro ne'e illegal, tanba la bazeia ba mandadu husi Tribunál.

Maibé, arguidu Longuinhos Monteiro kontinua nia prosesu investigasaun hodi hatene loloos motivu kazu rai kilat iha nia uma rasik.

"Bele kontinua ba prosesu", afirma nia.

Tanba ne'e, kuandu halo buska aprensaun tenke iha mandadu Tribunál. (*)