“Objetivu husi atividade ohin mak ita fó formasaun ba traballadór sira ne'ebé mak atu ba servisu iha Austrália liuhusi Programa Pacific Labour Scheme. Programa PLS ne'e nia durasaun mak mínimu tinan 1 no másimu tinan 3”, dehan Diretór Nasional Diresaun Nasionál Empregu Exterior, Filomeno Soares iha Salaun STVJ Kamea, Bekora (17/02).
Traballadór sira ne’ebé atu aranka ba Austrália iha fulan-marsu ho totál 41 pesóal, feto na'in-9 no mane na'in-32.
Husi Traballadór sira ne'e sei fahe etapa dahuluk desloka ba Austrália iha loron 9 fulan-marsu enkuatu etapa daruak sei ba loron 23 fulan-marsu agora.
Programa PLS ne'e, programa foun no Governu foin assina MoU iha tinan 2019 ne'eba maibé ladun haruka traballdór ba Austrália tanba Surtu Covid-19.
“Antes ita hasoru Pandemia Surtu Covid-19, prepara ona traballadór hamutuk 104 ba programa PLS nian kuaze 71 Pesóal iha prosesu nia laran balun hetan moras no impedementu sira seluk mak agora ita haruka tan traballdór sira ne'e ba tan atu kompleta ba 100 ital pesóal”, esplika nia.
Tamba ne'e husu ba traballadór sira servisu kumpri regra husi empreza no nafatin mantein iha sistema nia laran, labele halai ses husi sistema nune' labele prejudika fali sira-nia an.
Reprezentante Traballadór Timoroan, Marco Claudio, sente kontete tanba buat sira esforsu durante ne’e iha ona rezultadu depois hetan impedementu ba Surtu Covid-19.
“Ha’u agradese tebes tanba iha solusaun ba traballadór timoroan inklui ha’u”, dehan nia. (*)