Xefe Suku Samalari, Rui Sertori Magno Siqueria hatete, natar ne'ebé atu funsiona iha tinan 2022 hektar 1.583, la funsiona iha hektar 83, maibé dadaun natar na'in sira hahú reativa tan kabubu pur-volta ekarreta 30-resin.

"Ami sempre ko'alia tinan-tinan ita hasoru natureza diferente, iha suku samalari dezafiu ida ne'ebé ami hasoru mak hadi,a irigasaun”, dehan Rui, ba www.tempotimor.com, sesta (14/01).

Tanba, natar hektar 1.583 iha Suku Samalari ne'ebé atu funsiona iha tinan 2022 uza de'it irigasaun tradisional, nune’e relata preukupasaun parte irrigasaun ba parte relevante sira atu rezolve.

"Dadauk ne'e, tempu udan hahú tun ona ameasa hela, natar mota ninin sira ne'e iha 50 ou 60 hektares hanesan ne'e mota estraga ona," nia dehan

Tanba ne'e, Ministéiru Agrikultura no Peskas (MAP) presiza tau atensaun, atu labele afeita to'o natar seluk.

Suku Samalari iha Aldeia-4, hanesan Aldeia Fistau, Ossoluga, Samalari inklui Aldeia Sorulai, ho xefe família hamutuk 683 no totál polulasaun 3.113. (*)