"Entaun ida ne'e mak ha’u hakarak fó ha’u-nia matenek ida ne’ebé mak iha hanesan mós sobrevivente 12 novembru ninian ne’ebé mak ha’u partisipa katak, ha’u sei fó formasaun ne'ebe mak di’ak ba sira, atu lori sira ba koiñese di’ak liután ba dezenvolvimentu ne’ebé mak ita agora dadauk iha”, deklara nia hafoin partisipa iha selebrasaun loron Asosiasaun Misaun Antigu Kombatente (AMAC) ba dahuluk iha Seroja, Komoro, sábadu (14/08).
Tanba haree ba prezensa feto sira-nia iha Asosiasaun ida ne'e, nu’udar oportunidade tanba ne'e sobrevivente 12 novembru haree katak presiza lori papel feto oinsá mak atubele koiñese di’ak liután dezenvolvimentu, tanba dala-barak feto maluk sira halerik hela hakarak partisipa
"Ida ne'e mak sira hakarak konvida ha’u mai para partisipa sira-nia loron AMAC ne’ebé mak espesiál iha tinan ida ne'e ninian”, dehan nia.
Nune'e, formasaun ne’ebé atu fasilita, liliu tanba iha loron (13/08), hala'o ona enkontru ida ho grupu kooperativa balun tanba sira husu atu organizasaun sobrevivente atu koopera ho sira, oinsá mak bele fasilita formasaun iha área produtividade ninian.
Tanba ne'e antes ne'e iha ona moto ida hakarak apoiu feto ba feto, prepara sira atu ba moris ne’ebé mak di’ak, liuhusi fasilita informasaun ba sira, nomós fó formasaun kooperativa ba sira atubele sira rai sira-nia osan ne’ebé mak di’ak.
Aleinde, promove mos feto maluk sifa atu hasa'e sira-ninia ai-hán sira ne’ebé mak sira prepara hela hanesan kuda iha toos, buat ne’ebé mak fó buras ona ba sira, no oinsá mak atu halo esportasaun ba rai liur.
"Hanesan ha’u enkontru ona ho grupu kooperativa lubuk ida ne’ebé mak sira hakarak hau mos koopera hamutuk ho sira. Atu lori ita-nia inan feto no aman sira ne’ebé mak agora dadauk prepara hela sira-nia ai-hán”, dehan nia.
Sekretáriu Jerál Asosiasaun Misaun Antigu Kombatente iha Timor-Leste, João Evangelinho dos Santos de Araujo hatete, nia parte fó apresiasun boot ba parte sobrevivente 12 novembru ne'ebé mak ho hanoin atu mai fasilita formasaun ba feto maluk sira ne'ebé hamahon-an iha AMAC. (*)