"Agora sobre Serka sanitária no konfinamentu obrigatóriu ne'e ita bele dehan halo moris povu la dun di’ak, tanba povu labele book-an, liliu povu ne’ebé ho de'it vida negósiu”, hatete nia ba www.tempotimor.com iha nia rejidénsia Hera, domingu (06/06).

Durante aplika regra Konfinamentu obrigatóriu, povu kbi'it la'ek iha Hera sempre ejize atu governu fó apoiu ai-hán ruma.

Husi preokupasaun ne'e rasik, parte autoridade aprezenta ona dadus kbi'it la'ek hamutuk 227 iha Suku Hera, kompostu husi aldeia 6 ba Ministériu SosidariedadeSosial no Inkluzaun, maibé to'o agora seidauk iha rezultadu.

Ho ida ne'e, husu MSSI atu buka solusaun ba situasaun ne'e liliu povu sira ne'ebè mak kbi'it la'ek.

"Sira iha promete hela de'it, dehan ajuda maibé até agora seidauk iha informasaun ne'ebè klaru”, afirma nia.

Enkuantu totál uma-kain iha Suku Hera hamutuk 2201 no abitante 10172 mai husi aldeia Akanunu Mota-Ki'ik, Hali-dolar, Ailok-Laran, Sukaer Laran no Aldeia Moris foun. (*)