"Grupu asosiasaun agrikultór Norte Territóriu nian, iha Darwin, foin halo zoom ho ha'u katak, sira hetan tiha ona aseitasaun husi governu Austrália atu lori 155 traballadores Timor-oan sira, ba hahu servisu iha fulan Marsu (2021), iha to'os pateka nian.  Foin hetan aprovasaun hotu ohin. Se buat hotu-hotu la'o di'ak, sira atu hahú ona prosesu rekrutamentu semana oin mai, atu ba servisu iha Darwin" Embaixadora Timor-Leste iha Camberra, Austrália, Inês Almeida, informa ba Tempotimor, foin lalais ne'e.

Relasiona ba Pandemia Covid nune'e Timoroan sira ne'ebe sei ba Darwin ho fazeadamente.

"Depois ita- nia timor-oan sira ne'e sei ba fazeadamente katak 20 pesoas kada semana ida tanba situasaun kuarentena iha Darwin ne'e entaun sira labele lori hotu 155 mai dala ida, maibé sira sei lori 20 mai kada semana ida pur faze", Ines hateten.

Embaixadora ne'e vizita Norte Territóriu iha fulan-dezembru tinan 2020 liubà hodi buka oportunidade ba Timoroan sira.

"Ami ba teritoriu Norte iha tinan kotuk, ami ba halo lobby Chief head Officer maka keras liu (tos liu) lakohi husik lai timor-oan tama, tanba situasaun Covid. Mas agora komesa situasaun di'ak ona entaun loby nia rezultadu di'ak mas serbisu sira ne'e hotu tenke iha koordena ho SEFOPE no Ministériu Negósiu Estranjeiru no Kooperasaun," dehan nia. (*)