Print this page

Governu Oferese millaun $5 ba Conferência Epíscopal Timorense

Primeiru Ministru Taur Matan Ruak asina akordu ho Prezidente Konferensia Episkopal, Don Norberto Amaral iha palasiu governu, sesta (13/11). Primeiru Ministru Taur Matan Ruak asina akordu ho Prezidente Konferensia Episkopal, Don Norberto Amaral iha palasiu governu, sesta (13/11). Foto Midia PM

Tempotimor (Dili)- Governu oferese millaun $5 husi Orsamentu Jerál Estadu (OJE) tinan fiskál 2020 ba Igreja Timor-Leste liuhusi Conferência Epíscopal Timorense (CET).

Primeiru Ministru Taur Matan Ruak relata, Orsamentu millaun $5 ne'ebé fó ba CET ne'e, bazeia ba konkordánsia entre governu ho CET.

"Tinan-tinan ita asina akordu ida ne'ebé bazeia ba konkordánsia governu hodi propoin Orsamentu Jerál Estadu ba Conferência Epíscopal Timorense", PM Taur hateten lia hirak ne’e, hafoin asina akordu ho Conferência Epíscopal Timorense iha palasiu governu, Sesta (13/11).

PM Taur dehan, akordu ne'ebé ohin asina governu atu fó millaun $5 ba Conferência Epíscopal Timorense ne'e ba tinan 2020 nian no hahú iha ne'e ba oin governu kompromete tau millaun $15 tuir mandatu konkordata ne'ebé iha.

"Tanba ne'e mak priviléjiu boot ida, governu hakarak servisu hamutuk nafatin ho Conferência Epíscopal Timorense, ho ami ni dispozisaun tomak, saida de'it mak bele ajuda no kontribui atu hadi'a transparánsia no responsabilizasaun, ami prontu atu kontinua ajuda CET iha jestaun rekursu finanseiru ", PM Taur deklara.(*)

 

PUBLISIDADE

Rate this item
(0 votes)
Last modified on Saturday, 14 November 2020 00:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items