Orientasaun ne’e, Xefe Governu fó, hafoin hamutuk ho Ministru Obras Públika, Samuel Marçal, Ministra Saúde, Elia A. A. dos Reis Amaral no Ministru Planeamentu Investimentu Estrateziku, Gastão Francisco de Sousa hala’o vizita no obserbasaun direita kondisaun fiziku rezedénsia komesa aat.
“Ita presiza hadi’a urjénsia para fasilita dotor sira bele hela ho di’ak”, dehan PM Xanana.
Hafoin halo obserbasaun, Ministru Obras Publiku, Samuel Marçal koordena kedas ho Ministra Saúde, Elia no Ministru Planeamentu Investimentu Estrateziku, Gastão hodi halo preparasaun reabilita iha semana ne’e.
Rezidénsia ne’ebé halo komesa tempu Indonézia nian kompostu hosi uma boot tolu, no coby house rua dadaun ne’e kondisaun fiziku komesa aat hanesan, uma kakuluk kalen komesa kuak no plafon dodok hotu ona, inklui moru protesaun ne’ebé halo haleu uma komesa nakosu hotu. (*)