Reuniaun ne’ebé hala’o iha salaun enkontru Ministériu Finansas, Aitarak Laran, segunda (04/08/2023), hodi haree sustentabilidade husi Fundu Infraestrutura liga diretamente ba prioridade estratéjiku sira atu dezenvolve ekonomia, ho impaktu sosiál no ambientál, ne’ebé la’o sorin-sorin ho objetivu sira Dezenvolvimentu Sustentável no Planu Estratéjiku Dezenvolvimentu 2011-2030.
Aliende ne’e, aprova mós ajenda reuniaun nian bazeia ba assuntu importante sira ne’ebé nesesita desizaun imediata husi KAFI, teknikamente diskute no konfirma ona iha nível pre-KAFI iha loron 15, 17 no 21 agosto 2023 & 28 agosto 2023.
Ajenda reuniaun ne’e aktualiza nafatin servisu KAFI nian, bazeia ba koordenasaun, diskusaun tékniku inklui dokumentu justifikativu sira ne’ebé tenke fornese husi projetu nain, Inklui mós aktualiza nafatin pre-reuniaun KAFI sira ne’ebé hala'o ona, liuhusi aprezentasaun sumáriu aktualizasaun pre-Reuniaun KAFI 2023.
Iha reuniaun KAFI ne’e atualiza mós Minutas reuniaun ne’ebé hala’o iha loron 25 Agostu ne’ebé halo ona aprovasaun ba extensaun kontratu Shanghai Construction Group Co.,Ltd. ba projetu New Construction of Quartel Geral da PNTL Office Building in Caicoli, Dili, Timor-Leste ne’ebé aprova iha reuniaun KAFI, iha loron 25/08/2023.
Reuniaun KAFI ne’e partisipa husi Ministra Finansas, Santina Cardoso, Ministru Planeamentu Investimentu Estratejiku, Gastão Sousa, Ministru Obras Públika, Samuel Marçal partisipa iha reuniaun no membru sira, inklui Diretór Ezekutivu Ajénsia Dezenvolvimentu Nasionál, Institutu Públiku (ADN, I.P), Eng. Mariano Renato Monteiro da Cruz, no Prezidente Komisaun Nasionál Aprovizionamentu (CNA), Hermingardo Albano Soares. (*)