Tuir informasaun ne’ebé www.tempotimor.com, asesu iha pájina ZEEM TL, segunda (14/08) katak, reprezentante Departamentu Indústria, Agostinho Colo haktuir, sira hetan Orientasaun husi Sekretáriu SRCI hodi halo Komunikasaun ho Kompaña Tryaswar Unipessoal, Lda, tanba Kompaña refere halo negósiu no tetu produto lokál  sira hanesan Nehekteen, Poran, Kemiri no seluk tan.

Diretór Kompaña Tryaswar Unipessoal, Lda, Tryandi Sulistyo hatete, Kompaña ne'e hahú halo negósiu no tetu Nehekteen, Poran no Kamii iha Kefamenanu, Kupang, iha tinan 2002.

Nune’e Andy agradese tebes ba Governu Timor Leste, liliu Autoridade RAEOA liuhusi Diresaun Nasionál Quarentena no Bioseguransa ho Númeru Ref. 246/Exp/ DNQB/VII/2022 Autoriza Kompaña refere hodi halo esportasaun ba produtu lokál sira hanesan Nehekteen, Poran, Camii no seluk tan.

Bainhira hala'o negósiu bilaterál ne'e hahú iha Oekussi-RAEOA no hein katak sei tulun no hasa'e ekonomia komunidade Atoni Oekussi nian.

Maibé iha parte seluk Emprezáriu Indonziu, Andy mós rekomenda ba Komunidade sira ne'ebé lori sira-nia produtu lokál nehekteen labele kahur ho fatuk ka rai henek.

Tanba ne'e, hamenus kualidade Nehekteen no husu Autoridade RAEOA atu fó hanoin ba Diresaun Nasionál Floresta no Quarenta hodi hafasil birokratika ne'ebé ba to'o Dili kedan no di'ak trata dokumentu hirak ne'e iha RAEOA de’it.

Entretantu Kompaña Tryaswar Unipessoal, Lda durante tetu ona produtu lokál Nehekteen totál hamutuk toneladas 20, no hein de’it Autoridade Quarentena no Floresta Nasionál mai halo inspensaun no hafoin mak halo esportasaun ba Indonézia liuhusi Fronterisa Sacato-Wini RAEOA. (*)