“Estrada ne’ebé atu reabilita ho naruk kilómetru 38.03 no valór globál ne’ebé estima maka $22.366.181,74”, dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, sesta (13/05).

Totál konstrusaun ba estrada diresaun Postu Laga no Baguia ne'e mak totál orsamentu hamutuk Millaun $.22.

Ba objetivu husi obra reabilitasaun estrada ne’e mak hodi garante asesibilidade no dezenvolvimentu ekonómiku nasaun nian.

Antes ne'e, Administradór Postu Administrativu Baguia, António Ramos kontinua husu Primeiru Ministru (PM), Taur Matan Ruak kona-ba promesa ne’ebé atu hadi’a estrada diresaun Postu Administrasaun Laga ba Baguia, Munisípiu Baukau.

“Ami Kelikai, Baguia kontinua tanggan diatas, sua eselénsia (Taur Matan Ruak) sei iha Prezidente dehan bainaka mak hán uluk, uma na'in hán ikus, maibé agora mandatu hela de'it ona tinan-ida bainhira mak ami han, tanba ne'e ita-nia inan aman sira rona dehan, Primeiru Ministru mai Baukau sira hameno hela, ami lahan etu di'ak karik hán netik etu mutuk, se ami la hán etu mutuk karik ami sei mate tiha de'it la hán etu mutuk ida”, dehan nia.

Tanba, estrada públiku hanesan diresaun Baukau ba Dili, Baukau ba Vikeké konstrui ona husi emprezáriu internasionál, maibé iha Munisípiu laran liga ba Postu Administrativu sira balun kontinua aat, tanba ne'e submete proposta ba parte relevante, maibé laiha rezultadu. (*)