“Husi meza disponibiliza tékniku no asesór sira ne'ebé durante ne'e fasilita ita, husi parte parlamentu ninian, e klaru ke husi parte Governu ninian sei ajuda fasilita mós, para ohin bele trata hotu redasaun finál, orsida loraik meza bele envia ona diploma ne'e ba Prezidente Repúblika atu hetan promulgasaun”, dehan Prezidente Parlamentu Nasionál (PN), Aniceto Longuinhos Guterres Lopes, iha plenária PN, kuarta (11/05).

Tanba Parlamentu Nasionál (PN) iha loron kuarta (11/05) konsege aprova ona Proposta Lei Orsamentu Retifikativu (OR) hamutuk billaun $1.129 iha faze finál globál ho rezultadu votasaun afavor 36, kontra 22, abstensaun 5, no deputadu na'in-2 aujensia.

Ho planu urjénsia ida ne'e, meza PN hakarak fó kompeténsia tomak ba Prezidente Komisaun C, Maria Angelica Rangel atu agora kedas organiza membru no tékniku sira antes oras almosu nian atubele aselera prosesu tomak ihs redasaun finál.

Iha ne'e, Meza husu ba tékniku sira husi Governu no Parlamentu nian, atu koolabora ho komisaun C oinsá bele fasilita servisu ida ne'e. (*)