Tuir inofmrasaun ne’ebé www.tempotimor.com asesu iha loron sesta (08/03) katak, delegasaun ne’e hamutuk na’in-sanulu-resin-haat kompostu husi Ministériu Prezidénsia Konsellu Ministru, Fidelis Manuel Leite Magalhães ho ekipa, Vise-Ministru Finansas, Antonio Freitas, Reprezentante husi Ministériu Edukasaun, Joventude no Disportu (MEJD), Diretór Jerál Antoninho Pires, Reprezentante husi Ministériu Ensinu, Superior, Siénsia no Kultura (MESSC), Diretór Jerál Maria Fernanda Lay, Prezidenti Bee Timor-Leste (BTL,E.P), Carlos dos Reis Peloi ho Diretór Ezekutivu Nasíonal Compact Development Team Timor-Leste (CDT-TL), Embaixadór Constâncio Pinto no ekipa.
Delegasaun sei hela iha Washington, D.C, husi loron 7 to’o 17 abril 2022, Ministru Fidelis Manuel Leite Magalhães hatete, “Objetivu husi misaun neé mak atu negoseia kona-ba akordu kompaktu MCC ba Timor-Leste. Negosiasaun sei hahú iha loron 11 fulan-abril tinan 2022 no hanoin katak sei konklui iha loron 17 fulan-abril tinan 2022. Ami dezeiza rezultadu ne'eebé eselente husi negosiasaun ne’ebé sei lori ita ba asina akordu kompaktu entre Timor-Leste ho Estadus Unidus America".
Konsellu Ministrus delega ona kompeténsia ba Ministru Prezidénsia Konsellu Ministrus, Fidelis Manuel Leite Magalhães hodi negoseia no asina akordu Compact ho Estados Unidos da Amérika nia Ajénsia Millennium Challenge Corporation (MCC).
Investimentu ne’e sei foka ba Programa Kompaktu boot rua mak hanesan projetu tratamentu Bee, Sanementu no Drenazen ne’ebé inklui disinfesaun bee iha nível nasíonal, esgotus, sistema drenazen, hametin instituisaun sira ho orgaun reguladór sira, no kriasaun ba abastesimentu sólido de água ho esgotu ba uzu domestiku ne’ebé ho nia prosedimentu avansadu no enjeñaria nível internasíonal ho Projetu Edukasaun ne’ebé sei inklui Sentru Exelénsia foun ida ba formasaun manorin sira iha ne’ebé sei asegura estandarizasaun kualidade ba lideransa sira.
Pakote asisténsia tinan lima ne’e ho nia estimativa orsamentu tokon rihun-haat-ualunulu-resin-haat dolar amerikanu ($ 484.000.000,00) iha ne’ebé envolve tokon rihun-haat-ruanulu dolar amerikanu ($420.000.000,00) husi MCC, hamutuk ho tokon neenulu-resin-haat dolar amerikanu ($64.000.000,00) kontribuisaun husi Governu Timor-Leste. (*)
