Reprezentante Amu Papa iha Timor-Leste, Marco Sprizzi, sente kontente, wainhira simu karta komvite husi Dioseze Baukau atu selebra misa solienidade festa ba tinan São João Bosco ho sarani sira iha Munisípiu Baukau, tanba Dom Bosco bainhira halo tinan-9 asume ho vokasaun espesial ida.

"Ita nia halibur malu iha ne'e, loos duni ofensas São João Bosco nian, ita fó ondra ba nia, imi hotu mai hamutuk iha ne'e, fó sasin tebes, povu sira hadomi tebes salezianu sira iha parte lorosa'e ne'e, sira nia misaun hanesan imi hotu koiñese, tanba ne'e hatudu imi nia kariñu imi nia ondra ba São João Bosco," dehan Marco Sprizzi iha katedral vila antiga Baukau, segunda (31/01).

Husu mós ba joven sira iha Munisípiu Baukau atu hapara violénsia, tanba hanesan joven no kristaun lialos, tenke halo duni buat ne'ebé Jesus Kristu hanorin mai, atu ita nia relasaun di'ak nafatin ho ema hotu.

Tanba, Dom Bosco forma aan los no sai ema ne'ebé di'ak, maske sidade ne'ebé moris ba iha kiak no hamlaha barak, iha mós korupsaun, iha dezigualidade, maibé Dom Bosco nafatin iha hakarak atu nia emar sira sai sidadaun responsabilidade ba ema hotu iha moris.

"Dezenvolvimentu no kresimentu ida ne'e mak kontrariu ba ema hotu atu bele hamutuk bele halo moris sidade ne'e sai di'ak liután, iha selebrasaun ida ne'e, reza atu ita hotu iha festeza loron ida ne'e, los duni sai sarani ne'ebé los atu la'o iha ita nia moris ba oin halo di'ak liután," nia hatete

Maske, foinsa'e balun nafatin hatudu hahalok violénsia, falta religião no falta morál.

"Iha mehi ida ne'e, ita nia nain feto hatudu Dom Bosco transforma asu fuik sira ba bibi malae sira i lori sira atu tama fali iha hanoin sira diak, liliu ba muda aan nian, tanba ne'e, nia tama Amu lulik atu muda foinsa'e sira ba di'ak," nia kompara

Tanba, Dom Bosco nia liafuan hatete, joven sira nafatin sai joven ne'ebé di'ak hadomi malu, nune'e husu joven sira nafatin hakbesik aan ba Dom Bosco, tanba Dom Bosco mak hadomi Joven. (*)