Bazeia ba estatistika 2015, total defisiente iha Timor Leste hamutuk na’in 38,118. Husi númeru ne’e na’in rihun 25 mak la asesu edukasaun.

Diretór Ezekutivu ADTL Cesario da Silva informa, bazeia ba dadus estatistika ne’e hatudu katak maioria defisiente la eskola.

"Tuir dadus ne'e numeru defisiente as iha nasaun Timor Leste rihun 25 mak nunka asesu ba oportunidade eskola hanesan maluk sira ne'ebe la'os desifiente asesu ba," dehan diretor ne’e iha Palasiu Governu, Tersa (05/11/19).

Bazeia ba situasaun defisiente ne’e, parte ADTL hakat ba palasiu governu hodi hasoru-malu ho Primeiru Ministru Taur Matan Ruak hodi relata. Iha oportunidade ne’e husu mós ba PM Taur atu partisipa iha komemorasaun loron ba defisiente ne’ebé sei realiza iha 3 Dezembru 2019.

Diretór Ezekutivu ne’e espera, ho prezensa PM Taur iha komemorasaun ne’e bele fó mós mensajen ba públiku atu hasa’e sira-nia konsensia no motiva entidade hotu-hotu atu respeita ema ho defisiente.