"Edifisiu ho investimentu tokon $18 ne'ebé lokaliza iha Kolmera ho dimensaun 16.000 m2, oras nee hala'o konstrusaun to'o ona andar lima husi andar sanolu no obra ne'e sei remata iha tinan 2020 nia rohan", tenik nia.
Edifisiu ne'ebé sei domina ho besi no vidru ne'e tuir António Couto klasifika ho klase A no harii tuir padraun Europeu no Amerikanu.
Ba emprezariu neebé hanesan mós konsul onorariu TL iha Porto-Portugal nee Prezidente Repúblika hatoo nia apoiu no husu atu envolve mós timoroan sira iha projetu nee atu hetan esperensia hodi hakbiit sira nia aan.
Empreza ENSUL Enjeñaria neebe halao servisu iha TL dezde 2000 asina kontratu atu harii DFCB iha tinan 2012 no lansamentu ba konstrusaun ho fatuk dahuluk realiza iha loron 16 Dezembru 2013.
Tuir parte balun dehan, empresa ENSUL viola ona kontratu arrendamento ne’ebe halo Governu anterior, maski nune'e parte governu rasik la hatudu aten barani atu fo sansaun ba kompañia portugés ne'e.