Governu fó ona kompetensia ba Ministra Finansas atu halo avaliasaun ba kustu de vida. Tanba atu aumenta osan, aumenta husi saláriu báziku ka husi saláriu ida kakuluk ne’e.
"Ita tenke hatene kustu de vida, tanba ida ne’e mós elementu báziku ne’ebé determina nivel salariál”, tenik Primeiru Ministru, Taur Matan Ruak, iha Palásiu Prezidensiál, Bairru-Pité, Kinta (2/5).
Xefe Governu espera tinan oin mai bele hetan dadus sira ne’e, para bele ajuda Governu define polítika progresiva salariál ba traballadór no funsionáriu sira.
PM Taur promote atu rezolve kestaun ne’e, maibé sei hein relatoriu kompletu hodi bele hetan rezultadu ne’ebé apoia atu hasa’e saláriu ne’e.