Tempotimor (Dili)-Xefe Suku Makalaku, Julio Marques Belo, informa, udan boot impede konstrusaun Uma Kbiit Laek (UKL) Plus A iha Suku Makalaku, Postu Administrativu Kelikai, Munisípiu Baukau.

"Uma ne'e identifika tiha ona, no halo ona konstrusaun, hahú halo sinta ona, maibé udan boot maka'as, nune'e impede konstrusaun iha ne'e, horseik horbaihira to'o agora udan maka'as hela ne'ebé seidauk hala'o", dehan ba www.tempotimor.com via telefone, segunda (19/12).

Nia haktuir, Suku Makalaku iha aldeia tolu mak hanesan Bocilai Makalira, Defada'e, maibé UKL plus A ba tinan ne'e aldeia Makalira la tama.

"Iha ne'e aldeia Defada'e ho Bocilai de'it mak hetan uma UKL plus A, aldeia Bocilai lima, no Defada'e lima, maibé Makalira la tama", dehan nia.

Tanba, UKL alvo dahuluk primeiru iha Suku Makalaku aldeia Makalira hetan uma tolu, nune'e alvo daruak ba suku refere aldeia Makalira la tama. (*)