Login to your account

Username *
Password *
Remember Me

Tempotimor (Dili)-Bankada Kmanek Haburas Unidade Nasionál Timor Oan (KHUNTO) propoin atu hatama fila fali osan rihun $500 ne’ebé aloka ba PN ba kofre estadu, ho razaun Prezidente PN Arão Noe paraliza tiha ona funsionamentu PN.

 
Tempotimor (Dili)-Partidu ne'ebé sai ona husi governu daualu ne'ebé lidera husi Primeiru Ministru (PM) Taur Matan Ruak atu halo kongresu partidu nian hodi hola parte iha governu atuál, tanba CNRT rende ona ukun ho MP Taur Matan Ruak.

Tempotimor (Dili)-Sekretáriu Jerál Aliansa Maioria Parlamentár (AMP) foun António da Conceição "Kalohan" deklara, to’o ohin loron partidu Kmanek Haburas Unidade Nasionál Timor-Oan (KHUNTO) seidauk sai husi AMP foun ne'ebé lidera husi Prezidente CNRT Kay Rala Xanana Gusmão.

Tuir Kalohan, koligasaun AMP foun ne’e harii atu forma governu dasia, tan ne’e bainhira KHUNTO sai sei la implika ba koligasaun foun.

"Ami mós la dehan katak KHUNTO sai, tanba ami-nia koligasaun ne'e ba governu dasia, agora dadaun sira sai ne'e tanba sira iha hela governu daualu. KHUNTO sai hodi apoiu governu daualu, ida ne'e laiha implikasaun ba ami-nia koligasaun, ne'ebé iha ona governu dasia ne'e, KHUNTO iha hela koligasaun atuál," dehan Kalohan iha PN, Sesta (08/05).

VIDEO PUBLISIDADE APELU HUSI PM TAUR APLAUS BA FRONT LINE

 

 

Atual Prezidente Bankada PD ne’e dehan, koligasaun AMP foun ne’ebé forma husi CNRT, PD, KHUNTO, PUDD, UDT no FM, ne’e ba formasaun governu dasia, la’os atu mantein governu daualu.

"Koligasaun ne'ebé halo ne'e ba governu dasia, la'ós atu mantein governu daualu, ne'e maneira ida ne'ebé ke agora daudauk KHUNTO nia pozisaun ne'e mós ami nafatin respeita, mais ami mós la dehan katak KHUNTO ne'e laiha relasaun ho PD no CNRT ba governu dasia nian," nia dehan.

Antes ne'e iha loron 29 Fulan Abril tinan ne'e, KHUNTO haruka ona karta ida ba Prezidente CNRT hodi fo obrigado no informa katak partidu refere sei nafatin apoia VIII Governu Konstitusional.

 

PUBLISIDADE

 

Iha karta ne'e KHUNTO dehan, situasaun Koligasaun AMP seidauk hetan konfirmasaun no aseitasaun husi Prezidente Republika ba ezistensia husi koligasaun refere hodi fo alternativu ba formasaun nonu governu.

Partidu KHUNTO konsidera ba deklarasaun konfiansa no apoiu tomak husi Prezidente Republika Fransisco Guterres Lu Olo ba iha Primeiru Ministru Taur Matan Ruak atu lidera nafatin oitavu governu konstitusional.

"Partidu KHUNTO hola parte iha estrutura oitavu governu konstitusional nune'e deside sei fo apoiu tomak ba oitavu governu konstitusional to'o iha tinan 2023," deklara KHUNTO.

 

PUBLISIDADE

 

Ho razaun iha leten, KHUNTO deklara hodi sai husi koligasaun AMP foun.

"Ho konsiente rasik iha momentu ida ne'e hakarak hato'o agradese Wain ba Maun boot Xanana Gusmão nu'udar lider partidu CNRT no AMP ho partidu PD, UDT/F-MUDANSA no PUDD ne'ebe durante ne'e ita servisu hamutuk, ho momentu importante ida ne'e iha situasaun difisil tebes mai Partidu KHUNTO atu foti desizaun, maibé tanba haree ba interese povu no ita-nia estadu mak Partidu KHUNTO foti desizaun sai husi Koligasaun AMP foun."

Partido KHUNTO promete sei tane nafatin Maun Boot Kay Rala Xanana Gusmão no prontu atu servisu hamutuk iha tempu oin ba interese povu no nasaun doben Timor-Leste.

 

PUBLISIDADE

Tempotimor (Dili) - Relasiona ho membru Partidu Demokrátiku (PD), Julio Sarmento Meta Malik, ne'ebé nia naran indijita husi Primeiru Ministru atu prienxe pasta mamuk iha VIII Governu la'ós autorizasaun husi partidu.

Tempotimor (Dili) - Prezidente Parlamentu Nasional (PN), Arão Noe de Jesus da Costa Amaral, 'tauk' atu ema troka ninia pozisaun. Nune'e, adia ajenda konferénsia lider bankada hodi análiza no prepara resposta ba akuzasaun rekerimentu mosaun destituisaun.

Tempotimor (Dili)- Partidu Demokratiku (PD) hato'o nia pozisaun sei apoiu ba kualker governu ne'ebe mak atu ukun nasaun Timor Leste inklui apoia ba oitavu governu ne'ebe lidera husi Primeiru Ministru (PM) Taur Matan Ruak.

Tempotimor (Dili)-Bankada FRETILIN iha Parlamentu Nasionál (PN) fó hanoin ne’ebé diferente kona-ba oinsa atu hakotu impase politika iha Timor-Leste. Bankada FRETILIN konsidera, atu hakotu impase politika presiza mós konsidera partidu politiku sira seluk.

Tempotimor (Dili)-Bankada partidu CNRT iha Parlamentu Nasionál husu ba Prezidente Repúblika (PR) Francisco Guterres Lu Olo atu bolu partidu FRETILIN no CNRT hodi tuur hamutuk hakotu impase politika iha Timor-Leste.

Tempotimor (Dili)-Bankada PLP iha Parlamentu Nasionál hatete, desizaun Prezidente Parlamentu Nasionál Arão Noe mak kansela enkontru lider bankada fó sinal la di’ak ba funsionamentu Parlamentu Nasionál (PN).

Tempotimor (Dili)-Koligasaun foun ne'ebé kompostu husi partidu CNRT, PD, PUDD, Frenti-Mudansa, no UDT, hakarak atu lori Prezidente Repúblika ba tribunal. Maibé, hakarak ida ne'e sei mout iha Parlamentu Nasionál.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter