Login to your account

Username *
Password *
Remember Me

Tempotimor (Dili)-Membru Parlamentu Nasionál (PN) deside adia intervensaun iha sesaun plenária loron segunda (11/04), tanba Governu liuhusi Ministru Asuntu Parlamentar no Komunikasaun Sosiál, Francisco Jerónimo ho Sekretáriu Komunikasaun Sosiál, Mericio Juvinal 'Akara' aujensia iha plenária.

Tempotimor (Dili)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, dun funsionáriu feto sira husi Sekretariadu Tékniku Administrasaun Eleitorál (STAE) manipula hodi halo kuak buletin votu ho liman kukun ne'ebé naruk.

Tempotimor (Dili)-Ekipa Susesu husi Kandidatu Prezidente Repúblika (PR), Francisco Guterres ‘Lú Olo’, krítika Komisaun Nasionál ba Eleisaun sira (CNE) no autoridade Seguransa liliu Polísia Nasionál Timor-Leste (PNTL) ne’ebé abandona Kandidatu José Ramos Horta ho partidu Congresso Nacional de Reconstrução de Timor (CNRT) viola regra kampaña eleitorál, iha Atsabe, Munisípiu Ermera, kinta (07/04).

"Kandidatu José Ramos Horta no partidu CNRT tau sira-nia an iha regra eleitorál nia leten maibé laiha reasaun husi CNE, nu’udar entidade públika ne’ebé tenke halo supervizaun ba eleisaun prezidensiál ida ne’e tuir regra hatuur husi Estadu”, dehan Reprezentante Legál Kandidatu Francisco Gusterres Lú Olo, Fernandos Dias Gusmão liuhusi komunikadu imprensa ne'ebe www.tempotimor.com asesu, sesta (08/04).

Tanba atetude ne'ebé komete husi Horta ho CNRT iha loron 7 abril 2022, iha Atsabe, Munisípiu Ermera, instituisaun públika sira envolve iha monitorizasaun kampaña la hatudu autoridade nein imparsialidade inklui Polísia Nasionál Timor-Leste (PNTL), nu’udar autoridade públika ne’ebé iha dever tomak atu garante kumprimentu regra Estadu nian.

"Tanba husik de’it kandidatu José Ramos Horta no partidu CNRT viola regra Estadu nian”, afirma nia.

Tanba ne'e, liuhusi karta protestu ba CNE, ne’ebé aprezenta iha loron sesta (08/04), no ekipa susesu kandidatu Francisco Guterres Lú Olo mós hakarak fó-hanoin ba entidade hotu ba utilizasaun regra sira ne'ebe hatuur ona iha lei no dekretu Governu.

Iha lei Númeru 4 /2017, 23 fevereiru, aprova alterasaun dalima ba lei númeru 7/2006, 28 dezembru kona-ba lei eleitorál ba Prezidente Repúblika, kona-ba prinsípiu kampaña eleitorál artigu 28, alínea 2 hatete katak “CNE verifika respeitu ba prinsípiu sira ne’e, aplika husi loron determina data eleisaun, no adota medida sira ne’ebé garante kumprimentu no dezenvolvimentu pasífiku kampaña eleitorál”.

Aleinde ne'e iha mós Dekretu Governu Númeru 3/2022, 10 Janeiru, alterasaun dahuluk ba Dekretu Governu númeru 5/2017, 27 fevereiru, ne’ebé regula a kampaña no propaganda eleitorál.

Tanba ne’e, kona-ba limitasaun tempu ba kampaña eleitorál, tuir artigu 11.º husi dekretu refere katak propaganda eleitorál bele de’it akontese husi tuku 8 dadeer to’o tuku 6 loraik de'it. (*)

Tempotimor (Dili)-Ministériu Administrasaun Estatal (MAE) kondena maka’As ho atetude husi Xefe suku balun ne'ebé hala'o polítika dor to dor iha baze hodi deklara partidu CNRT mak sai autór ba implementasaun Programa Uma Kbi'it La'ek (UKL).

Tempotimor (Dili)-Portavóz Kandidatu Prezidente Republika José Ramos Horta ba Asuntu Polítiku, Dionísio da Costa Babo Soares, hakilar hodi kondena membru Governu balun ne'ebé aproveita kampaña segundu volta nian, fahe komputadór ba sede suku sira no ameasa tán Xefe suku atu vota ba Kandidatu Prezidente Repúblika, Francisco Guterres ‘Lú Olo’.

Tempotimor (Dili)-Partidu Frente Revolusionáriu Timor-Leste no Independente (FRETILIN) no Kmanek Haburas Unidade Nasionál Timor Oan (KHUNTO) rejeita ukun na'in sira fó sala ba Grupu Arte Marsiál (GAM) sira kria instabilidade iha rai laran, tanba sala ne'e maihusi governasaun anterior ne’ebé lidera husi Kay Rala Xanana Gusmão.

Tempotimor (Dili)-Kandidatu Prezidente Repúblika (PR), períodu 2022-2027, José Ramos Horta, deklara bele loke fitar krize 2006, tanba ne'e sei kria komisaun ida investiga rosesu fahe kilat iha tinan 2006.

Tempotimor (Dili)-Sekretáriu Jerál Partidu Demokrátiku (PD), Antonio da Conceição ‘Kalohan’ hatete, Partidu Demokrátiku deside apoiu Kandidatu, José Ramos Horta atu sai Prezidente Repúblika (PR) iha segunda volta, maibé kontra rekezitu sira husi husi partidu Congresso Nasionál Reconstrução de Timorense (CNRT) ne'ebe hakarak disolve Parlamentu Nasionál (PN).

Tempotimor (Dili)-Sekretáriu Jerál Partidu Frente Revolusionáriu Timor-Leste no Independente (FRETILIN), Mari Bim Amude Alkatiri, la fiar Kandidatu Prezidente Repúblika, José Ramos Horta, hatete Prezidente Partidu CNRT, Kay Rala Xanana Gusmão, konkorta Taur Matan Ruak kontinua Primeiru Ministru (PM) to’o tinan 2023, tanba ne'e labele disolve Parlamentu Nasional.

“Se la to’o rohan tanba saida, ho maioria ke resistente Governu ida ne'e, laiha ne'e la’ós to'o rohan de'it. Nia (José Ramos Horta) bosok ten, ha'u mak dehan duni, nia hatene nia labele disolve ne'e mak nia agora tenta fali dehan ba Jenerál Taur Matan Ruak katak Xanana konkorda atu nia kontinua Primeiru Ministru to'o 2023”, dehan Alkatiri hafoin partisipa serimónia tomada pose Membru Governu foun na'in-rua iha Palásiu Prezidensiál, Bairopite, kinta (31/03).

Ho deklarasaun ne'ebé Horta aprezenta atu disolve Parlamentu Nasionál (PN) ne'e, Alkatiri konsidera hanesan deklarasaun ida atu amaeasa de'it, tanba nia koiñese di'ak Ramos Horta.

“Kuandu nia ko’alia buat ne'e, ha’u dehan ne'e nia atu halo ameasa de'it, para bele haree se ema balun iha aliansa, plataforma atu muda ba novo maioria, ha'u koiñese, ami na'in-rua koiñese malu di'ak, nia la koiñese ha'u, ha'u koiñese nia”, deklara Alkatiri.

Durante tinan haat estabilidade governasaun ida ne'e ladun la'o di'ak, tanba tinan rua hamutuk ho Xanana Gusmão, maibé sé mak hatun Governu ne'e la'ós partidu FRETILIN.

Tanba bainhira situasaun akontese iha tinan rua nia laran, depois FRETILIN ba tama iha Governu, maibé ida ne'e hasoru pandemia, kalamidade, serka sanitária, buat sira ne'e hotu mak impede Governu la konsege hala'o dezenvolvimentu iha rai laran.

“Buat sira ne'e hotu mak desizaun ne'e kuandu dehan laiha dezenvolvimentu ka dezenvolvimentu kuandu la akontese iha terenu tanba situasaun ida ne'e”, hatete nia.

Maibé entermu instituisionál no programa ne'e Governu iha, no hein de'it momentu ida atu aranka de'it, tanba realidade hatudu ona agora de'it ezekusaun ba dezenvolvimentu kuaze 60 pursentu la'o hela.

“Di'ak liu, ou la ezekuta kuandu laiha kondisaun, osan hela iha ne'eba, duke ezekuta hanesan uluk $16 billaun dolar laiha rezultadu”, dehan nia. (*)

Tempotimor (Dili)-Deputada Partidu Congresso Nasionál de Reconstrução de Timor (CNRT), Lucia Taeki, ‘obriga’ Ministru Transporte Komunikasaun (MTK), José Agostinho da Silva atu deklara kondisaun Ró Nakroman ne'ebé at hela iha Portu Dili.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter