Print this page

Komunidade Nahareka Husu Governu Rezolve Infraestrutura Bázika 

By November 05, 2021 607
Kondisaun estrada ne’ebé difikulta komunidade sira atu asesu ba Merkadu. Kondisaun estrada ne’ebé difikulta komunidade sira atu asesu ba Merkadu. Foto Tempo Timor-Leste

Tempotimor (Dili)-Xefe Suku Nahareka, Postu Administrativu Ossu, Munisípiu Vikeké, Paulino A. Ximenes afirma, problema nesesidade bázika ne'ebé populasaun suku Nahareka enfrenta mak laiha liña eletrisidade no estrada.

"Ami husu ba Governu, atubele rezolve lalais problema hirak ne'e, liliu estrada no eletrisidade  atu nune'e fasilita komúnidade sira halo movimentu ba mai hodi bele asesu ba merkadoria”, dehan Xefe Suku Nahareka Paulino ba www.tempotimor.com, liuhusi telefone, sesta (05/11).

Iha suku Nahareka totál Uma-kain hamutuk 625 mak seidauk asesu liña eletrisidade difikulta tebes komúnidade sira asesu ba informasaun, no estudante sira atu estuda iha tempu kalan.

"Ami-nia suku Nahareka ne'e, iha potensialidade setór agrikultura hanesan bua, nu’u ho kami nomós ai fuan sira seluk, maibé tanba estrada la di'ak difikulta tebes atu komúnidade sira lori sira-nia produtu lokál ba merkadu”, afirma nia.

Nune'e nu'udar autoridade lokál nafatin tenta hodi hato'o proposta ba nível nasionál, maibé to’o agora seidauk iha resposta ba problema hirak ne'e. 

Suku Nahareka kompostu husi aldeia lima (5) totál uma-kain 500-resin ho populasaun 2.000-resin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items