FNAADBTL Harii Uma Kapela Santu Calisto Caravário iha Uamori

Kapela Santu Calisto Caravário iha Uamori ne'ebe inisia nia konstrusaun husi FNAADBTL, iha Uamori (28/2) Kapela Santu Calisto Caravário iha Uamori ne'ebe inisia nia konstrusaun husi FNAADBTL, iha Uamori (28/2) Foto Tempo Timor

Tempotimor (Dili)-Federasaun Nasionál Antigus Alunus Dom Bosco Timor-Leste (FNAADBTL) kompostu husi asosiasaun 12 servisu hamutuk ho sarani sira, dadaun harii ona uma kapelaun foun iha Suku Uaimori, Postu Administrativu Viqueque Vila, Munisipiu Viqueque.

Prezidente FNAADBTL, Azevedo Lourenço da Costa Marça, katak, husi konstrusaun uma kapelaun iha Uamori ne'e, tuir planu sei tau naran Santu Calisto Caravário, tanba konsidera Uaimori hanesan fatin istóriku.

Nia hatutan, atualmente konstrusaun ba uma kapelaun ne'e rasik atinje ona 60%, ne'ebé hetan apoia direta husi antigu alunu Dom Bosco Timor-Leste nian, inklui mós kontribuisaun husi komunidade iha suku Uamori.

Nia fiar, obra daudaun ne'e la'o hela no sei remata iha outubru tinan ida-ne'e, sei gasta osan totál rihun $100.

"Antigu alunu Dom Bosco Timor-Leste fó apoiu, bazeia ba servisu hamutuk ho Padre Fatumaca, Locateli no hetan apoia másimu husi populasaun Uamori, sira rasik kontribui ba iha rai no rai-henek, apoiu mós sira-nia enérjia hodi servisu," dehan nia ba www.tempotimor.com iha suku Uaimori, domingu (28/2).

Nia fiar ho inisiativa harii igreja ida-ne'e, labele haree de'it ba antigu alunu, maibé kontribui mós komunidade, governu, autoridade lokál, inklui parte hotu-hotu, nune'e ba futuru karik bele halo mos buat sira seluk ne'ebé seidauk halo.

"Ha'u fiar katak sei kontribui, tanba fatin ida-ne'e fatin istóriku," hatete nia.

Nia hatutan, sei harii tán rezidénsia ba padre no madre sira iha Uaimori maibé depende ba kondisaun osan karik sufisiente.

"Nune'e ita mós sei haree, se iha kondisaun, ita mós sei haree kanaliza bee, nomos haree jardín, no moru sira-ne'e,"hatete nia.

Iha fatin hanesan Reprezentante Prezidente Fundu atual Membru Federasaun Nasionál Antigu Alunu Dom Bosco Timor-Leste (FNAADBTL) Eduardo Belo Soares hatete, kona-ba implementasun uma kapelaun foun ida-ne'e la'os de'it antigu alunu de'it maka atu kontribui, maibé nakloke ba se de'it atu bele fo kontribui.

Nia mos fiar, katak ho orsamentu ne'ebé antigu alunu sira kontribui ne'e bele finaliza ona konstrusun ida-ne'e hodi nune'e tinan oin sarani sira bele utiliza ona selebrasaun misa domingu.

Nia apresia no fó parabens ba komunidade inklui autoridade lokál ne'ebé konsege apoia no halibur sarani sira hodi ajuda kaer servisu.

Enkuantu daudaun populasaun ka uma kain iha suku Uamori populasaun, totál hamutuk 503, kompostu husi aldeia neen.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter