Parte sira lamenta, tanba rede refere susar tebes atu fasilita sira bainhira kontaktu ba malu.
Tuir Franselino António Gomes, nu'udár Xefe Suku Uaimori, katak, rede (jaringan) la estável, tanba durante ne'e atu telefone ba ema ruma, presiza buka rede ( jaringa), dala ruma buka sa'e to'o foho leten hafoin hetan rede hodi kontaktu.
"Sim iha ne'e rede internet, atu rede telemovel de'it mos susar tebe-tebes, so ami buka titik-titik to'o iha foho leten, ne'ebé mak ami foin lori telefone ema,"dehan nia ba www.tempotimor.com iha suku Uaimori Postu-administrativu, Vikeke Vila Munisípiu Vikeke, domingu (28/2).
Tanba ne'e, husu ba governu atu haree rezolve, kestaun rede telefone ne'e, atu oinsa mak bele fasilita autoridade inklui Uaimori oan sira fasil liu liga ba ema ruma.
Enkuantu populasaun ka uma-kain iha Suku Uaimori, hamutuk 503, kompostu husi aldeia 6. (*)