Dezenvolvimentu Bee Moos-Eletrisidade iha Uatulari Atinji 75%

Administradór Postu Administrativu Uatulari Tomas Soares da Silva koalia  hela ho www.tempotimor.com iha nia rezidensia suku Matahoi postu administrativu Uatulari Munsípiu Viqueque, sábadu (26/12). Administradór Postu Administrativu Uatulari Tomas Soares da Silva koalia hela ho www.tempotimor.com iha nia rezidensia suku Matahoi postu administrativu Uatulari Munsípiu Viqueque, sábadu (26/12). Foto Tempo Timor

Tempotimor (Dili)- Administradór Postu Administrativu Uatulari Munisípiu Viqueque Tomas Soares da Silva informa, dezenvolvimentu bee-moos no eletrisidade ba suku neen iha postu administrativu Uatulari oras ne'e atinji ona pursentu 75 no hela pursentu 25.

Kona-bá 25 pursentu ne'ebé sei falta, nia dehan, ne'e foka ba populasaun sira ne'ebé hela sa'e ba foho leten hanesan Bubolita, Digamasi Luruboru, aldeia Loro sa'e, inklui aldeia Oscaiwa, ida ne'e mak ohin loron sei enfrenta problema bee mos.

"Ko’alia kona-ba bee-moos iha suku neen, mezmu iha foho no iha tasi, ita kuandu ko’alia karik dehan ida ne'e tau tiha ba 75 pursentu, " nia hateten ba www.tempotimor.com iha rezidénsia Matahoi postu administrativu Uatulari Munisipiu Viqueque, Sábadu (26/12).

 

 

Maski nune'e, administradór ne’e mós espera katak, agora mak bee mós seidauk to'o iha ne'eba, maibé ba oin fiar katak buat hotu sei dezenvolve to'o iha área ne'eba.

Nia parte lamenta oitoan tanba tinan barak ona Instalasaun bee moos ba suku, parte husi Servisu Agua no Saneamentu (SAS) la halo manutensaun maibe povu mak halo fali manutensaun.

Nia fó ezemplu hanesan kanalizasaun bee moos ba suku Makadike ne'e liga husi Mosoata, no Darabai liga husi Edemumu, no Babulu kraik mos liga husi Kabaria, no Babulu leten ho Afaloicai leten liga husi Uamanu, ho ida ne'e ligasun bee moos hirk ne'e kuaze dada distansia naruka tanba ne'e presiza ema atu halo manutensaun kada tinan nune'e oinsa garante bee-moos ba populasaun.

Kona-bá ahi eletrisidade ne'e nia haktuir, ba suku neen iha postu Uatulari foin mak atinji pursentu 75.

"Kona-ba ahi eletrisidade mai ami Uatulari, ha’u labele hateten dehan governu uluk halo governu ida ne'e la halo, maibé husi primeiru governu to'o mai governu ida ne'e, eletrisidade ne'e ha’u bele dehan to’o ona pursentu 75," autoridade lokál ne’e rekoñese. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks