Login to your account

Username *
Password *
Remember Me

Tempotimor (Dili)-Konsellu Imprensa (KI) ho nia parseiru United Nations Development Programme (UNDP) lansa projetu matadalan reportajen eleitorál ba jornálista no Meiu komunikasaun sosiál, ba tour eleitorál ne'ebé sei akompaña eleisaun prezidensiál iha loron 19 tinan 2022.

“Konsellu Imprensa servisu hamutuk ho parseiru UNDP liuhusi matadalan reportajen eleitorál atu garante Jornálista sira, mídia atu ko'alia kona-ba prinsípiu paz, halo reportajen responsabilidade no polítiku inklusivu durante iha eleisaun serkula eleitorál”, dehan Reprezentante UNDP iha Timor-Leste, Munkhtuya Altangerel, iha Konsellu Imprensa, Kintal Boot, segundu (14/03).

Matadalan ne'e sei uza ba eleisaun prezidensiál ida agora, maibé sei dezenvolve liután hodi sai matadalan ida komprensivu ba eleisaun sira iha futuru.

“Ha'u garante katak matadalan ida ne'e, sei hadi'a kualidade komunikasaun di'ak iha nasaun ida ne'e ba tempu naruk, tuir mai ita sei operasionaliza tour média ba Jornálista sira durante loron eleisaun, halo kobertura iha Munisípiu 12 inklui rejiaun administrativu espesiál Oekussi Ambeno (RAEOA)”, esplika nia.

Matadalan ne'e sei ajuda tebes hodi asegura jornálista sira atu hala'o kobertura másimu ba eleisaun ne’ebé sei hala’o iha Timor-Leste.

“Ami apresia servisu konsellu imprensa nian, hodi prepara bass mídia iha tempu badak nia laran, ikus liu apresia mós ba Governu Japaun iha Timor-Leste no ha'u-nia dezezu ba susesu eleisaun iha Timor-Leste”, afirma nia.

Prezidente Interinu Konsellu Imprensa, Expedito Dias Ximenes, apredia parseiria UNDP iha Timor-Leste ho embaixada Japaun, ne'ebé apoiu Konsellu Imprensa kona-ba produz matadalan reportajen eleitorál eleisaun prezidensiál ida ne'e.

“Matadalan ida ita hein katak, bele uza mós iha eleisaun segundu volta no eleisaun parlamentár, ami sente katak apoiu UNDP la'ós foin mak halo maibé desde uluk to'o agora”, dehan nia.

Konsellu impresa sei husu apoiu ba UNDP ho Governu Japaun, hodi promove liberdade empreza no espresaun ho servisu hamutuk ho di'ak.

“Matadalan ne'e ita foin halo lansamentu Materia ho mensajen ida ne'e, ami konsellu impresa halo tiha ona enkontru ho editór ho xefe redasaun no diretór informasaun sira. Konsellu imprensa halo mós brifing ho Governu liuhusi Ministériu Asuntu Parlamentár Komunikasaun Sosiál (MAPKONS), ami hato'o tiha ona matadalan ida ne'e”, dehan nia.

Kódigu Jornálista hanesan regulamentu ida atu regulariza servisu profesionál hanesan Jornálista no meiu komunikasaun, giaun reportajen eleitorál hanesan eventuál, bele kaer iha prosesu eleisaun prezidensiál no eleisaun parlamentár. (*)

Tempotimor (Dili)-United Nations Development Programme (UNDP) hamutuk ho Embaxada Japaun iha Timor-Leste apoiu Jornalista na’in- 20, atu la’o hanesan jornalis tour husi parte tolu hodi halo kobertura ba kampaña eleitorál.

Tempotimor (Dili)-Konsellu Imprensa (KI) Timor-Leste hala’o kooperasaun servisu ho Programa Dezenvolvimentu Nasaun Unidas (PNUD) halo validasaun ba Peskiza hodi prepara produz matadalan ba jornalista sira bainhira halo reportajen ba asustu violénsia bazeia ba jenéru.

Tempotimor (Dili)-Komandu Polísia Nasionál Timor-Leste (PNTL) husi Departamentu Jéneru sei realiza atividade komemorasaun loron feto internasionál iha Munisípiu Likisa, loron 18 fulan-marsu 2022.

Tempotimor (Dili)-Reprezentante Prezidente Programa Nasaun Unidas nian ba Dezenvolvimentu (PNUD), Munkhtuya Altangerel hatete, sira kontinua fó apoiu kapasitasaun Vulnerable Person Unit (VPU) ba Polísia Nasionál Timor-Leste (PNTL) no Sekretáriu Estadu Protesaun Sivíl (SEPS).

Tempotimor (Dili)-Governu liuhusi Ministériu Finansa (MF) ho Ajénsia Kooperasaun Internasionál Koreia (KOICA) selebra Akordu Subvensaun no Kontribuisaun Finanseira hamutuk US$7.860.000 hodi implementa projetu Hateten Lae ba 5S hanesan (Hamlaha, Elmintíaze ne’ebé transmite husi rai, Moras Kulit, Fuma no Bebidas Midar-Alkólika iha Eskola sira).

Tempotimor (Dili)-Governu liuhusi Ministériu Turizmu Komersiu Industria (MTKI) hamutuk ho parseiru internasionál pprepara orsamentu ho montante US$42,700 ba diversifikasaun ai-hán iha Timor-Leste.

Tempotimor (Dili)-Vise Primeiru Ministru no Ministru ba Planu & Ordenamentu Teritorii (MPOT), José Maria dos Reis hatete, ministériu dadaun ne’e servisu hanutuk ho United Nations Development Programme UNDP hodi halo análiza ba inundasaun ne'ebé akontese iha Timor-Leste (TL).

Tempotimor (Dili)-Ministériu Edukasaun Juventude no Desportu (MEJD) selebra akordu ho United Nation Development Programme (UNDP) atu hasa’e abilidade estudante sira-nian.

Tempotimor (Dili)-Deputada bankada CNRT Carmelita Monis husu governu atu aprezenta sasan ka fasilidade ne'ebe uza ba sala kuarantena no sala izolamentu, tanba foin lalais Ministeriu Saude (MS) dehan aloka ona osan tokon $.5 ba United Nations Development Programme (UNDP) atu sosa fasilidade.

Page 3 of 4
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter