Login to your account

Username *
Password *
Remember Me

Tempotimor (Dili)-Komandante Unidade Espesiál Polísia (UEP), Superintendente Orlando Gomes deklara, Komandu UEP sei apoiu seguransa ba atividade iha eleisaun Prezidensiál tinan 2022.

Tempotimor (Dili)-Primeiru Ministru (PM), Taur Matan Ruak, hanesan mós Ministru Interior, orienta Komandu Polisia Nasionál Timor-Leste (PNTL) liuhusi Unidade Espesiál Polísia (UEP) koloka eskoltu na’in-3 atu fó seguransa ba Konselleiru Másimu Partidu KHUNTO, José dos Santos ‘Naimori Bukar’.

Tempotimor (Dili)-Polísia Nasionál Timor-Leste (PNTL) liuhusi Unidade Espesiál Polísia (UEP), Unidade Patroliamentu Fronteira (UPF), Unidade Polísia Marítima (UPM), no Komandu Munisipiu Dili, inklui mós Komandu Polísia Munisípiu sira hala’o komboiu (pawai) haleu sidade Dili no hatudu ba komunidade sira katak, PNTL prontu ona asegura seguransa ba Natál no tinan foun.

Tempotimor (Dili)-Komandu Unidade Espesial Polísia (UEP) liuhusi Seksaun Explosive Ordenance Disposal (EOD), Sarjentu Xefe Estaqui de Jesus Ximenes, husu Governu liuhusi Ministériu Interior atubele sosa ekipamentu protesaun hodi harahun material funu nia.

Tempotimor (Dili)-Komandu Polísia Nasionál Timor-Leste (PNTL) liuhusi atividade operasaun konjunta konsege kaptura membru Grupu Arte Marsiál (GAM) na’in-4 (haat) durante ne'e fasilita movimentu ilegál iha fronteira terrestre Timor-Leste ho Repúblika Indonézia (RI).

Tempotimor (Dili) - Maski Ministru Interiór propoin orsamentu ho montante boot iha proposta Orsamentu Jerál Estadu (OJE) tinan fiskál 2021, maibé Ministério Interior rasik “karak” tanba membru PNTL sira mate ho halerik ba kaixaun.

Tempotimor (Dili) – Polísia Nasionál Timor-Leste (PNTL) sei koordena ho Unidade Polísia Militár, inklui Unidade Espesiál Polísia (UEP), hodi fó apoiu seguransa iha selebrasaun tinan 30, vizita Amu Papa João Paulo II iha Timor-Leste.

"PNTL liuhosi Komandu Munisípiu Dili, sei koordena ho Polísia Militár no Unidade Espesiál Polísia (UEP) hodi apoiu seguransa," afirma Segundu Komandante PNTL Munisípiu Dili, Superintendente Asistente Euclides Belo iha nia servisu fatin, Kaikoli, Dili, Segunda (28/10/19).

Nia dehan, planu ba kolokasaun membru polísia sira, hodi halo seguransa iha Tasi Tolu, preparadu. Tanba, PNTL Munisípiu Dili halo ona koordenasaun ho PM ho UEP hodi fó apoiu seguransa.

Euclides informa, sarani sira husi munisípiu sanulu resin rua, inklui husi Rejiaun Administrativu Espesiál Oe-kusi Ambenu (RAEOA) sei mai hotu iha Dili, hodi partisipa misa selebrasaun tinan 30 vizita Amu Papa João Paulo II iha Tasi Tolu, Dili.

“Ami espera, sarani sira halo viajen mai Dili sei la akontese buat ruma. Tanba, membru Polísia balun sei akompaña sarani sira kada munisípiu,” nia dehan.

Tuir Euclides, misa ne'e rasik sei dirije husi Archebispu Dili no Amu Bispu husi Dioseze Baukau ho Maliana inklui bainaka balun mai husi estranjeiru.

Loron Finadu

Kona-ba seguransa ba loron finadu, Euclides hatete PNTL sei fó seguransa ne'ebé máximu ba komunidade Munisípiu Dili iha loron importante ne'e.

“Komandu Polísia Munisípiu Dili, sei koloka membru Polísia iha semiteriu ne'ebé iha Kapitál Dili. Liuliu semiteriu boot hanesan Santa Cruz, Bekusi no Terra Santa, hodi bele evita engarafamentu ba movimentu sarani sira,” Euclides informa.

Nia dehan, iha eventu ida ne'e membru KPK sira ne’ebé iha Suku sei la halo operasaun. Maibé, membru KPK sira sei apoiu informasaun. Ho nune’e, Euclides dehan, Polísia sira bele halo operasaun hodi garante movimentu populasaun sira iha loron boot matebian nian.

“Iha rate providu sunu lilin tenke kuidadu. Tanba, agora daudaun ne'e klima loron manas. Atu labele mosu dezastre iha rate liuliu rate sira ne’ebé dook husi Dili laran no balun besik iha duut barak, hodi evita labele hamosu dezastre,” Euclides hatete.

Page 2 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter