Tempotimor (Dili) – Parlamentu Nasionál husu ba orgaun ne'ebé tesi lia iha seitór justisa, atu fó justisa loloos ba aktu violénsia sira ne'ebé hasoru feto.   

"Governu tau osan balun, atu garante feto ne'ebé mak hasoru violénsia doméstika, sexuál, feto ho defisiénsia. Bainhira sira asesu ba tribunál, sira iha direitu para hetan asistensia husi orgaun judisiál  sira, inklui advogadu. Atu nune'e, sira nia kazu bele hetan justisa loloos," dehan Vise Prezidente Parlamentu Nasionál (PN), Maria Angelina Sarmento iha PN, Segunda (04/11/19).

Nia afirma, seitór justisa nu'udar parte ida ne'ebé atu garantia ba ema hotu nia liberdade moris, no iha seguransa ne'ebé di'ak.

"Agora ita haree ema ne'ebé ba rejistu kazu iha polísia no tribunal númeru aas. Ne'e, ita bele dehan katak, pozitivu ida. Tanba, ema iha konxiénsia ona. Bainhira akontese violénsia doméstika ne'e la'ós  problema bikan no kanuru mak lian iha uma laran. Maibé, ne'e problema estadu nian," dehan Angelina.

Deputada ne'e akresenta, bainhira iha membru familia ida mak sai vítima ba violénsia doméstika, sei la lakon de'it nia-lian. Maibé, presiza lori ba estadu atu rezolve. Tanba, violénsia doméstika ne'e krime públiku, entaun estadu mak tenke rezolve.

"Violensia doméstika labele rezolve ona ho nahe biti boot. Tanba, ne'e problema públiku. Entaun, númeru aumenta ne'e katak ema konxiénte katak ema ne'ebé komete violénsia doméstika ne'e kriminozu, no estadu tenke iha responsabilidade hodi halo investigasaun ba nia no bainhira iha faktu, nia tenke ba responsaliza iha komarka," nia tenik.

Tempotimor (Dili) – Reprezentante povu iha uma fukun Parlamentu Nasional (PN) fó parabens ba feto Timor-Leste tomak, ne'ebé iha Domingu (03/11/19) horseik, komemora loron nasionál nian ba dala 44.

"Parabens ba feto Timor-Leste, ne'ebé horseik komemora Loron Nasionál Feto. Agora, feto mak tuur iha meza ne'ebá. Signifika katak, feto forte no nasaun sei forte liután," dehan Prezidente Komisaun E, Abel Pires iha plenária PN, Segunda (04/11/19).

Iha fatin hanesan, Deputada Maria Barreto husi Bankada CNRT fó mós votus susesu no parabens ba feto Timor-Leste ne'ebé horseik komemora loron nasionál ba dala 44.

"Ba dahuluk ha'u nia parabens ba feto maluk timoroan sira, liuliu ha'u nia onra ba sudoza Maria Tapó no eroi sira seluk ne'ebé  mate tanba luta ba libertasaun nasionál nian," dehan Barreto.

Entretantu, deputada UDT/FM Isabel Ximenes mós fó parabens ba feto TL nian ne'ebé horseik komemora Loron Nasionál Feto Timor-Leste.

Tempotimor (Dili) – Sekretáriu Estadu Juventude no Desportu (SEJD), Nelio Isaac Sarmento informa, iha orsamentu hamutuk millaun $4.5 atu fó apoiu ba komunidade ka grupu joven sira, hodi dezenvolve ekonomia iha sira-nia suku.

Nia subliña, Sekretáriu Estadu Igualdade Inkluzaun (SEII) iha millaun $1.5, Sekretáriu Estadu Arte no Kultura (SEAK) iha Millaun $1.5 no SEJD iha millaun $1.5. “Entaun, orsamentu hamutuk millaun $4.5 atu implementa programa ba komunidade iha tinan 2020,” nia esplika.

Apoiu ba suku hirak ne'e, nia dehan, la'ós hanesan subsídiu ida hodi moris beibeik. Maibé, ne'e hanesan subsídiu la permanente ka temporaria.

"Orsamentu hirak ne'ebé apoiu ba grupu sira iha suku ne'e, uza hanesan kapitál ba dezenvolvimentu. Maibé, tenke fó fila. Se la fó fila mak sei simu responsabiliza i la hetan tan oportunidade hodi asesu ba oportunidade tuir mai, ne'ebé  Governu fó," esplika SEJD iha Palásiu Governu, Sesta (25/10/19).

Nia informa, koloka orsamentu atu apoiu ba grupu joven liuliu ba feto sira ne'e, subsídiu temporaria para sira bele uza hodi dezenvolve ekonomia iha sira-nia suku rasik.

Tempotimor (Dili) Sekretaria Estadu Igualdade no Inkluzaun sei buka hela dalan oinsa atu apoiu feto sira ne’ebé isin rua atu labele trauma no so’e ka abandona sira-nia bebé. Hanesan públiku hatene, foin lalais ne’e mosu kazu inan ida ne’ebé abandona nia bebé ne’ebé foin moris no komunidade balun hili bebé refere hodi ba halo tratamentu saúde iha postu saúde.

Tempotimor (Dili) - On March 27, 2019, the Cabinet of the Secretary of State for Equality and Inclusion (SEII) submitted a letter of request to the Civil Servant Commission to dismiss the head of the department for Communication and Media at the SEII. 

Tempotimor (Dili) - Sekretaria Estadu Igualdade no Inkluzaun Maria José da Fonseca hatete, nia buka razaun forte hodi hasai Luisa da Silva husi nia kargu nu’udar Xefe Departamentu Media no Komunikasaun SEII, tanba bainhira husu de’it ba Komisaun Funsaun Públika (KFP), dala ruma KFP sei rejeita.

Tempotimor (Dili) - Iha 27 Marsu 2019, Gabinete Sekretaria Estadu Igualdade no Inkluzaun (SEII) hato’o karta pedidu ba Komisaun Funsaun Públika atu hasai Xefe Departamentu Komunikasaun no Media iha SEII.

Tempotimor (Dili) - Violensia domestika ka violensia bazeia ba jeneru sai kazu ida ne’ebé oferese dezafiu boot ba governu atu bele rezolve. Fó kompriensaun hodi hamoris ema nia konsensia la’os buat fasil ida, presiza esforsu seriu no dedikasaun ne’ebé boot. Maske nune’e, Sekretariu Estadu Igualdade no Inkluzaun ne’ebé lidera husi Maria José da Fonseca Monteiro de Jesus iha komitementu boot atu elimina.