Tempotimor (Dili)-Autoridade Protesaun Sivíl (APC) liuhusi Gabinete Relasaun Externa Diretór Gabinete Relasaun Externa no Komunikasaun (GREC) lidera enkontru hamutuk ho World Food Programme (WFP), DNGRD, GPEA no Adjuntu Marítima hasoru malu ho Ajénsia WFP hodi ko’alia kona-ba planu Elnino iha futuru.

Tempotimor (Dili)-Governu liuhusi Vise Ministru Interior, António Armindo, fó posse ba Prezidente Autoridade Protesaun Sivil (APS), Superintendente Polísia Ismail da Costa Babo.

Tempotimor (Dili)-Sekretáriu Estadu Protesaun Sivíl (SEPS) husi Diresaun Nasionál Prevensaun Konflitu Komunitáriu(DNPKK) iha tinan 2021 to’o fulan-maiu 2022, rejista kazu sivíl akontese iha Timor-Leste laran tomak hamutuk 442.

Diretór Jerál (DNPKK), Antonio Viegas hatete, durante tinan ida fulan-5 kazu sivíl ne'ebé akontese iha Timor-Leste ligadu ho joven husi Grupu Arte Marsiál sira kria konflitu asaltu malu no problema hadau malu rai ne'ebé durante akontese iha Timor-Leste ne'e mak hamutuk 442.

Alende ne’e, DNPKK mós halo mediasaun ho komunidade sira kona-ba kazu sivíl ne'ebé akontese iha Timor-Leste konsege rezolve ona 169 liuhusi asina akordu katak sira sei la halo problema tan.

“Kazu sira ne’e akontese ita identifika barak kona-ba problema rai ho joven Arte Marsiál asaltu malu, ita konsege konvense sira halo diálogu ita rezolve ona ne’e 169, kazu ne’ebé labele rezolve ona arkivu hamutuk 108 no ida iha prosesu mediasaun seidauk rezolve ne’e hamutuk 215 mak ita rejista hela”, dehan António iha edifisiu Protesaun Sivíl Kaikoli, kinta (09/06).

Kazu sivíl sira kona-ba joven Arte Marsiál kria konflitu no problema hadau malu rai ne’e barak liu mak família sira haksesu malu kona-ba rai, tanba DNPKK rejista buka dalan halo diálogu oinsá mak sira bele simu malu.

“Ami kontinua halo aprosimasaun ba vítima no suspeitu sira atubele simu malu bele hetan justisa tuir dalan legál”, afirma nia.

Tuir matadalan kona-ba sensibilizaun husi DNPKK tipu mediasaun konflitu sira ne'ebé mosu iha komunidade hanesan konflitu negósiu, interpesoál, konflitu rai no konflitu kestaun família.

“Husi konflitu hirak ne’e barak liu mak konflitu interpesoál barak liu liga ho joven sira asaltu malu inklui problema rai, tanba envolve direita husi feto no mane hothotu sai mós autór, vítima no suspeitu ida-ne’e mak durante ne’e ita identifika ho halo prevensaun”, hatete nia.

Entretantu tui dadus ne'ebé iha, kazu konflitu akontese iha teritóriu Timor-Leste iha tinan 2020 ne'e mós DNPKK rejista hamutuk 196 kona-ba kazu sivíl. (*)

Tempotimor (Dili)-Governu liuhusi Konsellu Ministru (KM) nomeia Superintente Polísia Ismael da Costa Babo hodi lidera Autoridade Protesaun Sivil.

Tempotimor (Díli)- Loron 13 fulan Outubru, sai nu'udár loron mundiál ba risku dezastre ne'ebé nasaun tomak iha mundu selebra, hodi halo reflesaun no fó hanoin ba malu, oinsá halo prevensaun ba-aan, bainhira akontese dezastre ruma.