Tempotimor (Dili)-Ekipa Susesu husi Kandidatu Prezidente Repúblika (PR), Francisco Guterres ‘Lú Olo’, krítika Komisaun Nasionál ba Eleisaun sira (CNE) no autoridade Seguransa liliu Polísia Nasionál Timor-Leste (PNTL) ne’ebé abandona Kandidatu José Ramos Horta ho partidu Congresso Nacional de Reconstrução de Timor (CNRT) viola regra kampaña eleitorál, iha Atsabe, Munisípiu Ermera, kinta (07/04).

"Kandidatu José Ramos Horta no partidu CNRT tau sira-nia an iha regra eleitorál nia leten maibé laiha reasaun husi CNE, nu’udar entidade públika ne’ebé tenke halo supervizaun ba eleisaun prezidensiál ida ne’e tuir regra hatuur husi Estadu”, dehan Reprezentante Legál Kandidatu Francisco Gusterres Lú Olo, Fernandos Dias Gusmão liuhusi komunikadu imprensa ne'ebe www.tempotimor.com asesu, sesta (08/04).

Tanba atetude ne'ebé komete husi Horta ho CNRT iha loron 7 abril 2022, iha Atsabe, Munisípiu Ermera, instituisaun públika sira envolve iha monitorizasaun kampaña la hatudu autoridade nein imparsialidade inklui Polísia Nasionál Timor-Leste (PNTL), nu’udar autoridade públika ne’ebé iha dever tomak atu garante kumprimentu regra Estadu nian.

"Tanba husik de’it kandidatu José Ramos Horta no partidu CNRT viola regra Estadu nian”, afirma nia.

Tanba ne'e, liuhusi karta protestu ba CNE, ne’ebé aprezenta iha loron sesta (08/04), no ekipa susesu kandidatu Francisco Guterres Lú Olo mós hakarak fó-hanoin ba entidade hotu ba utilizasaun regra sira ne'ebe hatuur ona iha lei no dekretu Governu.

Iha lei Númeru 4 /2017, 23 fevereiru, aprova alterasaun dalima ba lei númeru 7/2006, 28 dezembru kona-ba lei eleitorál ba Prezidente Repúblika, kona-ba prinsípiu kampaña eleitorál artigu 28, alínea 2 hatete katak “CNE verifika respeitu ba prinsípiu sira ne’e, aplika husi loron determina data eleisaun, no adota medida sira ne’ebé garante kumprimentu no dezenvolvimentu pasífiku kampaña eleitorál”.

Aleinde ne'e iha mós Dekretu Governu Númeru 3/2022, 10 Janeiru, alterasaun dahuluk ba Dekretu Governu númeru 5/2017, 27 fevereiru, ne’ebé regula a kampaña no propaganda eleitorál.

Tanba ne’e, kona-ba limitasaun tempu ba kampaña eleitorál, tuir artigu 11.º husi dekretu refere katak propaganda eleitorál bele de’it akontese husi tuku 8 dadeer to’o tuku 6 loraik de'it. (*)

Tempotimor (Dili)-Xefe Departementu Relasaun Públiku, Komandu Jerál Polísia Nasionál Timor-Leste (PNTL), Superintendente Xefe Armando Monteiro informa, sira seidauk rejista problema ruma ne’ebé aakontese durante kampaña eleisaun prezidensiál segunda volta, husi kandidatu Prezidente Repúblika, José Rmos Horta ho Francisco Guterres ‘Lú Olo’.

Tempotimor (Dili)-Xefe Departementu Relasaun Públiku, Komandu Jerál Polísia Nasionál Timor-Leste (PNTL), Superintendente Xefe Armando Monteiro informa, kazu omésidiu ne’ebé akontese iha Suku Fahilebu, Postu Administrativu Bazartete, Munisipiu Likisá, kinta (07/04), motivu husi goza malu ne’ebé suspeitu AF uza katana taa mate vítima Francisco dos Santo ho Edito Soares.

Tempotimor (Dili)-Ministériu Justisa (MJ) hamutuk ho Polísia Nasionál Timor-Leste (PNTL) sei fasilita formasaun Judisiáriu ba membru PNTL na’in-5 durante tinan ida ho balun.

Tempotimor (Dili)-Akontesimentu kazu omésidu (taa malu) ne'ebé mak akontese iha Suku Fahilebo, Postu Administrativu Bazartete, Munisípiu Likisá, loron kinta (07/04), rezulta vítima Edito Soares no Francisco dos Santos mate fatin, no autór ba kazu ne’e halai lakon.

Tuir informasaun ne'ebé www.tempotimor.com reklla husi membru Polísia Nasionál Timor-Leste (PNTL) iha munisípiu Likisá katak ne’ebé lakohi atu públika nia identidade informa, kazu ne'e akontese duni iha Suku Failebo, kuaze tuku 10 ho balun, ne'ebe hamate vítima na'in-rua.

"Kazu taa malu foin dadauk ne'e ka, ne'e akontese iha Suku Fahilebu, autór mak halai lakon. Akontese iha sa oras ne'e mak ha'u ladun hatene, maibé sé di'ak liu konfirma mak Komandu Munisípiu Likisá nian, para hetan informasaun klaru liután”, dehan nia ba www.tempotimor.com liuhusi telefone, kinta (07/04).

Ba kazu ne'e, www.tempotimor.com rasik koko konfirma ona parte Komandu Polísia Nasionál Timor-Leste (PNTL) Munisípiu Likisá, maibé labele atende tanba sei kopuadu ho servisu seguransa nian iha terenu. (*)

Tempotimor (Díli)-Komandante Polísia Nasionál Timor-Leste (PNTL) husi seksaun Tránzitu Munisípiu Dili, Inspetór Domingos Sarmento Gama informa, iha fulan-marsu tinan 2022, konsege rejista kazu asidente tráfiku hamutuk 106 no na'in-lima (5) hakotu vida.

Tempotimor (Dili)-Ministériu Interiór (MI) hahú bok proposta lei orgánika ho lei estatutu foun Polísia Nasionál Timor-Leste (PNTL) ne'ebé mak sai hanesan programa prioridade iha Governu daualu.

Tempotimor (Dili)-Polísia Nasionál Timor-Leste (PNTL) Munisípiu Dili hamutuk ho Komandante Eskuadra no Seksaun sira hahú diskute oinsá asegura seguransa ba apoiante husi kandidatura José Ramos Horta no Francisco Guterres ‘Lú Olo’, iha eleisaun prezidensiál segunda volta.

Tempotimor (Dili)-Komandante Jerál Polísia Nasionál Timor-Leste (PNTL), Komisiáriu Faustino da Costa, aviza membru sira atu hala’o servisu tuir orde hodi hatudu imparsialidade durante operasaun iha eventu Politiku husi kandidatu sira no labele inklina-an iha Partidu Polítiku.

“Komandu sempre dehan, dala ida tán, PNTL tau nia-an hanesan membru PNTL ne'ebé la inklina ba parte ida ne'ebè. Rua PNTL tenke asegura kampaña sira ne'e hotu la'o to'o nia rohan ho di'ak hanesan buat ida ne'ebe ita liu ona”, dehan Faustino iha otel Timor, tersa (05/04).

Aleinde, husu mós ba ekipa kandidatu José Ramos Horta no Francisco Guterres ‘Lú Olo’, atu evita ko'alia liafuan sira ne'ebé mak bele hamosu dezeintendimentu durante kampaña.

"Husu atu evita ida ne'e, tanba sira ne'e mak horsida bele sai hanesan situsaun ida ne'ebé halo ita-nia povu bele kria situasaun ida ne'ebé sente insegurum ne'ebé ida ne'e mak importante tebtebes, e respeitu teb-tebes aman, maun boot sira hothotu”, esplika nia.

Maibé Komandu sempre dehan PNTL prontu simu keixa husi parte ne'ebé de'it, atubele prosesa, no iha lei mós dehan, tantu CNE ho Ministériu Públiku mós bele hetan keixa direta relasiona ho kampaña sira ne'ebé mak bele hamosu dezeintendimentu entre militante no apoiante.

Ba kampaña segundu volta loron dahaat nian, PNTL haree katak movimentu hotu iha kampaña kuaze la'o di'ak, maibé situasaun kondisaun estrada mak sai dezafiu boot.

“Ita halo seguransa nafatin, atu dehan katak iha ona bele dehan kampaña metan balun, ne'ebé ema no parte hothotu kandidatu rua nian”, esplika nia.

Ba loron boot katólika hanesan paskoa ne’ebé sei selebra iha fulan-abril nia laran, Komandu PNTL fó ona orientasaun ba komandu munisípiu sira, atu oinsá mak bele asegura komesa husi loron kinta santa to'o sábadu Aleluia. (*)

Tempotimor (Dili)-Kandidatu Prezidente Repúblika (PR) període 2022-2027, José Ramos Horta, gaba-an hasai líder Grupu Arte Marsiál (GAM) balun ne'ebé mak kondenadu husi Tribunál hodi tama kadeia iha prizaun Gleno, bainhira nia sei asume kna’ar Prezidente Repúblika iha tinan 2007-2012.