Login to your account

Username *
Password *
Remember Me

Tempotimor (Dili)-Komandante Servísu Investigasaun Kriminál Nasionál (SIKN), Superintende Xefe José Neto Mok hatete, kazu importasaun karreta atusrua-resin iha Alfándega, dadaun ne’e Servísu Investigasaun Kriminál Nasionál (SIKN) haruka ona ba Ministériu Públiku hodi rejista atu kontinua prosesu tuir lei.

Tempotimor (Dili)-Xefe Bankada Congresso Nacional de Reconstrução de Timor (CNRT), Duarte Nunes, deskonfia ema balun tenta atu estraga deputadu Arão Noe Amaral ba kazu abuzu poder ne'ebe mak akontese wainhira nia sei asume hela pasta Prezidente Parlamentu Nasionál (PN).

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes hatete, dadauk sira-nia simu pedidu ida husi Ministériu Públiku (MP) ne'ebé husu atu hasai (halo levantamentu) imunidade ba Eis Prezidente PN, Arão Noe de Jesus Amaral atubele tuir prosesu inkeritu tanba deskonfia komete kazu abuzu poder durante nia mandatu.

Tempotimor (Dili)-Vise Ministru Interior (MI), António Armindo, konsidera durante ne’e Ministériu Públiku (MP) kontinua hamamar sidadaun sira ne’ebé halo atividade ilegál iha fronteira, tanba la fó sansaun ne’ebé rigurozu.

Tempotimor (Dili)-Adjunta Prokuradora-Jerál Repúblika, Remizia de Fátima hatete, Ministériu Públiku (MP) haruka ona kazu, Francisco Kalbuadi Lay ba Tribunál no hein dezignasaun ba julgamentu iha Tribunál Distritál Dili.

“Kona-ba kazu señor Kalbuadi nian, ne'ebé señor ne'e agora fila mai iha Timor e depois ami notifika ona, prosesu agora haruka ba Tribunál e hodi hein designazaun ba julgamentu karik husi tribunál ninian, tanba prosesu ami remete tiha hotu ona ba tribunál”, dehan nia hafoin hasoru malu ho Prezidente Repúblika, Francisco Guterres ‘Lú Olo’, iha Palasíu Prezidensiál Bairopite, segunda (28/03).

Nune'e Prezidente Repúblika Lú Olo hatete, prosesu kazu Kalbuadi entrega ba Tribunál hodi halo julgamentu, wainhira sala tenke asume responsabilidade ne'ebé iha.

“Ha'u hanoin hanesan baibain Prezidente ida ne'e prosesu ne'ebé mak la'o e depois entrega ba Tribunál wainhira julgamentu ita haree, karik nia sala tenke asume responsabilidade ne'ebé nia iha, se nia la sala entaun konforme deside tuir lei, ha'u hanoin ida ne'e mak nia fó hanoin”, haktuir nia.

Relasiona ho kazu ne'ebé Kalbuadi depois mak sei rona husi Tribunál Rekursu, maibé prosesu sira ne’e entrega hotu ona ba Tribubnál atu deside hodi halo julgamentu.

“Ha'u hanoin ida ne'e mak orsida rona husi tribunál tanba prosesu ne'e ami foin remeta ba iha Tribunál wainhira nia fila mai, ami notifika nia iha loron ne'ebá e ami remete kedas ba tribunál, tanba akuzasaun preparadu tiha ona, tanba nia ba liur depois nia mai ami notifika, ami notifika e haruka tiha ona ba tribunál, taun ita hein de'it desizaun Tribunál ninian wainhira mak atu deside julgamentu”, esplika nia.

Prezidente Tribunál Rekursu, Deolindo dos Santos hatutan, kazu ida ne'e seidauk bele dehan ba públiku tanba sei iha primeira instánsia seidauk to'o Tribunál Rekursu.

“Ida ne'e  ha'u seidauk hatete ba ita-boot sira, tanba buat ne'e iha primeira instánsia, see akuzasaun tama karik, nia iha primeira distánsia, ne’e so tribunál primeira instánsia sira mak hatene, juiz ida prosesu iha ne'e, presiza tama tribunál karik, juiz ida kaer prosesu ne'e depois nia mak marka loron julgamentu, depois bainhira to'o tempu mak nia bele ba to'o Tribunál Rekursu, mais primeiru ne'e sei iha tribunál Dili, se kazu tama ona karik, ne'ebé nein konsellu, nein Prezidente atu ba hatete ba juiz o marka loron hanesan ne'e ona ga?. Ne'e la bele, tanba ne'e independente kada juiz ida ninian ne'ebé mak kaer prosesu ne'e rasik”, informa Deolindo.

Maske ida ne'e preokupasaun ema hotu nian, maibé Prezidente Tribunál Rekursu, Deolindu dehan kazu ne’e husik ba la'o tuir nia forma rasik ne’ebé tuir lei hatete.

“Ha'u fiar katak ne'e preokupasaun públiku nian, mais depois ita husik buat ne'e la'o ho nia forma rasik ne'ebé ke tuir lei hatete, depois ita to'o iha ne'ebá ita sei hatene desizaun ne'e halo nusá”, deklara nia. (*)

Tempotimor (Dili)-Komandu Polísia Nasionál Timor-Leste (PNTL) munisípiu Dili detein sidadaun Timoroan na’in-2 (rua) ho inisiál, SC ho CD, tanba nesessidade obriga sira, hodi ba na’ok sasán iha loja área Kolmera.

Tempotimor (Díli)-Komisáriu Komisaun Anti Korupsaun (KAK), Sergio de Jesus Fernandes da Costa Hornai hatete, sira kontinua investiga kazu Ró Tranship II Gresik, tanba ne'e seidauk fó sai ba públiku.

Tempotimor (Díli)-Ministru Assuntu Parlamentár no Komunikasaun Sosiál (MAPKOMS), Francisco Jerónimo Martins hatete, nia parte prontu hatan ba kazu Set Top Box ne'ebé mak dadaun ne'e iha ona Ministériu Públiku (MP).

Tempotimor (Dili)-Ofisiál Outreach Organizasaun Asian Justice and Right (AJAR), Inocêncio Xavier, deskonfia Ministériu Públiku (MP) liliu Gabinete Kombate Korrupsaun tauk lakon poder tanba durante ne'e abandona hela kazu Ró Haksolok.

"Ami dezafia Ministériu Públiku liliu ida Gabinete Kombate Korrupsaun ne'e, halo servisu ka la'e, barani ka la'e foti risku ba situasaun ne'e, ka imi tauk lakon poder”, deklara nia ba www.tempotimor.com iha nia kna’ar fatin, Farol, sesta (04/02).

Kazu Ró Haksolok ne'e, sosiedade sira ejize bebeik ona ba Inspetór Jerál Estadu, no Ministériu Públiku, ba kazu ne’ebé tama ona iha mandatu Komisaun Anti Korrupsaun (KAK) ninian, bele halo investigasaun, tanba ne'e iha tentativa ba komete Korrupsaun, no defaktu Rogerio Lobato rasik mós fó sai ona vídeo iha mídia sosiál (facebook) katak Ró dodok ona, fatin ne’ebé mak uza ba konstrusaun Ró kuaze la uza ona.

Ministériu Públiku mak nu’udar na'in ba asaun penál, KAK hala'o tuir de'it atribuisaun mandatu husi Ministériu Públiku.

Ho ida ne’e, presiza halo investigasun atu nune'e travaa orsamentu adisional ne’ebé Governu prevé iha tinan 2020 hamutuk milaun $14 atu finalizasun Ró Haksolok.

Haree husi kustu ba adisional ne’ebé mak iha, boot liu fali kustu inisiál ne’ebé mak ho montante millaun $13.

"Agora husu tan $14 milhões ne'e ba osan saida, orsamentu adisional boot liu fali orsamentu inisiál ne'e buat ruma ke laloos”, afirma nia.

Nune'e husu ba Ministériu Públiku atu halo investigasaun, tanba momentu ne’ebé mak Governu no Prezidente Autoridade RAEOA hato'o dehan garante iha fulan-agostu 2021 Ró sei to'o mai, maibé realidade la akontese.

"Ita haree fali mós novidade oin seluk fali. Karik señor Rogeiro Lobato ko’alia de'it, ita bele fiar, ou la fiar, maibé ne'e mai ho kedas vídeo ida konkretamente hatudu Ró nia kondisaun,fatin ba konstrusaun Ró ne'e mós ita haree la trata tiha ona (tidak di urus), ne'e ita atu halo saida, nusa la gasta osan ne'e ba phadi'a povu nia moris”, hatete nia. (*)

Tempotimor (Dili)-Komisaun Anti Korrupsaun (KAK) prontu promove investigasaun, ba kazu Ró Haksolok karik mosu prátika balun ne’ebé akontese, hodi rekola  prova sira no halo relatóriu ba Ministériu públiku atu lori ba tribunál.

Page 2 of 5
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter