Login to your account

Username *
Password *
Remember Me

Tempotimor (Dili)-Ministériu Negosiu Estrajeiru no Kooperasaun (MNEK) hatudu "laran luak" no "laran sadia" tebes ba ninia funsionariu ida hodi oferese kargu Xefia maske molok ne'e funsionariu refere uza ona osan estadu ba interese privadu bainhira reprezenta estadu Timor Leste serbisu iha Korea Sul.

Tempotimor (Dili) – Relasiona ho fatin ba embaixada Timor-Leste nian iha Estadus Unidus Amérika  (EUA), ne'ebé to'o oras ne'e seidauk iha, Governu Timor-Leste liuhusi Ministériu Negósiu Estranjeiru  no Kooperasaun (MNEK), husu resiprosidade ba EUA.

"Kona-ba fatin ba embaixada Timor-Leste nian iha Amérika, ita sei trata hela fatin. Sira husu ba ita no Konsellu Ministru mós aprova ona, katak sira hakarak ita atu fó kontratu ida ba tinan naruk ho presu ida hanesan ne'e, hanesan ne'ebá. Entaun ita konkorda ona. Ministru Justisa mós ko'alia ona, MNEK mós hare tiha ona kontratu ne'e," dehan Ministru Negósiu Estranjeiru no Kooperasaun (MNEK) Deonísio Babo Soares iha Palásiu Prezidensiál Bairru-Pite, Kinta (19/09/19).

Nia afirma, TL husu resiprosidade ba EUA atu fó ba ita hanesan ita fó ba sira. "Ita husu resiprosidade katak ita fó ba sira, sira mós tenke fó mai ita iha Amérika. Ne'e, la'ós dehan fó de'it depois ita ba iha ne'ebá selu nafatin laiha,” nia esplika.

Tuir Babo, prosesu ne'e sei la'o hela. Hotu ona, mak sei asina. Maibé, nia dehan tan, ida ne'e normal.  Tanba iha diplomasia labele ansi.

“Rezolve buat ruma tenke resolve ho kalma no labele prejudika fali ita, ka labele fó de'it vantajen ba sira no ita. Laiha. Ita tenke negosia, haree ho kalma no neneik," dehan Babo.

Tempotimor (Dili) – Ministériu Negósiu Estranjeiru no Kooperasaun (MNEK), Deonísio Babo Soares hetan ona sinál di'ak husi Palásiu Prezidensiál Bairru-Pite, kona-ba lista embaixadór sira ne'ebé to'o agora pendente no durante ne'e sai polémika.

“Prezidente Repúblika (PR) laiha intensaun atu impede ka la fó tomada posse. Tanba ne'e, interese estadu nian, ne'ebé ha'u hetan kedas ona garantia husi Xefe Estadu katak ne'e la'ós intensaun husi PR nian, atu impede ema ruma. Maibé, hanesan Xefe Estadu nia iha dever konstituisionál atu fó hanoin ba Governu nomós ba ministru," MNEK informa ba jornalista bainhira remata sorumutu ho PR, Kinta (19/09/19).

Nia dehan, iha sorumutu ho PR ne'e, nia relata lalais de'it situasaun atuál. Depois, nia mós rona xefe estadu ninia hanoin sira uluk ne'e. “Halo tiha ajustamentu uitoan no ajustamentu ne'e sei hato'o fali ba Konsellu Ministru (KM) para aprova, depois sei haruka fali ba Palásiu Prezidensiál atu prosesa,” MNEK hatete.

Desizaun ne'ebé di'ak no klaru liu, tuir Babo, PR sei komunika diretamente ho Xefe Governu. Tanba, PR nu'udar Xefe Estadu, inklui lider máximu diplomásia Timor-Leste nian mak tenke aprova embaixadór sira.

“Entaun PR maka tenke aprova. Ne'ebé sei lori mai maka PR dehan katak tenke muda fali, tenke ajustamentu fali, ida ne'e sei rona no sei halo tuir. Tanba, ida ne'e ba interese estadu nian," Babo akresenta

Lista ne'ebé Governu submete ba PR hamutuk 16, depois na'in tolu maka simu ona pose. Restu seidauk simu pose.

Tempotimor (Dili) – Ministra Defeza (MD) Austrália, Senadora Hon Linda Reynolds CSC kompromete, sei hametin kooperasaun bilaterál entre nasaun rua iha área marítima, ambiente no manutensaun ba paz.

Komunikadu imprensa ne’ebé tempotimor.com asesu iha portál Departamentu Ministériu Defeza Australia nian hatete, Ministra Defeza Australiana ne’e sei vizita Timor-Leste entre loron 19 -21 fulan Setembru tinan ida ne’e.    

“Hau sei halo viajen ba Dili, entre 19 e 21 Setembru hodi partisipa iha eventu sira hodi rekoñese aniversáriu ba daruanuluk lansamentu Forsa Internasionál ba Timor-Leste (INTERFET),” hateten Ministra Linda iha komunikadu ne’e.

Nia konsidera, aniversáriu ne’e hanesan oportunidade hodi fó onra ba papél INTERFET nian, hodi reestabelese paz no fasilita Timor-Leste, hodi dezenvolve hanesan nasaun ne’ebé independente, soberanu no sustentavel ekonomikamente.

Privilejiu hodi reuniaun ho Governu Timor-Leste, ho povu Timor-Leste no ho veteranu INTERFET nian, hodi komemora lansamentu istóriku ne’e.

“Ha’u espera koñese veteranu sira no membru forsa defesa Australia nian ne'ebé uluk serbisu iha INTERFET ho Ministru Assuntos Veteranus no Pesoál Defesa, Darren Chester, iha resepsaun ida iha ró HMAS Choules, ne'ebé hela iha Dili, hodi marka komemorasaun ida ne’e,” Ministra ne'e hateten.

Nia dehan, ninia visita dahuluk iha Timor-Leste hanesan Ministra Defesa. Nia sei fornese mós oportunidade hodi hala'o diskusaun formál ho Governu Timor-Leste kona-ba oinsá atu bele haluan kooperasaun iha ambiente marítima, formasaun no operasaun manutensaun paz.

Ministra ne'e mós sei visita Base Naval iha Hera. Fatin ne’ebé sei renova liuhosi pakote seguransa marítima ne’ebé Primeiru Ministru Austrália, Scott Morrison anunsia ona hodi asegura katak fatin refere prontu hodi simu ró patrulhu tipo Guardian Class rua ne'ebé Australia sei entrega iha 2023.

“Ha’u nia visita mós ho konklusaun Ezersisiu Hari’i Hamutuk – ezersisiu engenharia no kapasidade ne'ebé akontese durante fulan ida, tinan-tinan,” nia esplika.

Tinan ida nee engenheiro kombate nian husi Austrália no Timor-Leste serbisu hamutuk hodi hasa’e sira nia kapasidade iha área konstrusaun, dezenvolvimentu infraestruktura no manutensaun ekipamentu, liuhosi projetu iha Kapitál Timor-Leste.

Hari’i Hamutuk, nia signifikadu iha Tetun emblematiku ho futuru kooperasaun defesa Austrália ho Timor-Leste, ho foku iha kooperasaun prátika hodi suporta Timor-Leste nia kapasidade defesa.

Tempotimor (Dili) – Lista embaixadór sira ne'ebé to'o agora seidauk hetan pose husi Prezidente Repúblika, Ministru Negósiu Estranjeiru no Kooperasaun (MNEK) sei konsulta ba Primeiru Ministru, molok haruka ba Prezidente Repúblika.

"Kona-ba lista ne'e, ha'u sei konsulta ho Primeiru Ministru depois hato'o ba Konsellu Ministru aprova fali, mak foin haruka fali ba. Tanba, Prezidente Repúblika husu atu haree fali ida ka rua. Ne'ebé, ami tenke konsulta filafali hodi haree. Tanba ida ne'e reprezenta estadu," hatete MNEK, Deonisio Babo iha Palasiu Governu, Kuarta (11/09/19).

Kona-ba problema ne'ebé mak afeta ba embaixadór sira hodi Prezidente Repúblika la fó pose ne'e, ministru lakohi ko'alia sai. "Ha'u labele ko'alia buat ne'ebé ha'u labele ko'alia. Jornalista sira labele hatene buat ida espesifiku ne'e, so jerál  de'it," MNEK hatán.

Alende ne'e, iha loron 13 Agusto 2019, Prezidente Lú Olo ofisiálmente fó pose ba embaixadór na'in tolu, hanesan Olimpio Branco nu'udar embaixadór Timor-Leste ba Brazil, Isilio Coelho embaixadór TL ba Estadud Unidos Amérika no Lusualdo Gaspar embaixador TL ba Nova Selandia.

Tempotimor (Díli) – Ekipa Avaliasaun husi ASEAN Fact-Finding Mission (FFM) apresia Timor-Leste nia avansadu ne'ebé iha, nune'e posibilidade tempu besik TL sai ona membru ASEAN.

Diretór Jerál  Asuntu ASEAN, Ministériu Negósiu Estranjeiru no Kooperasaun (MNEK), Jorge Trindade Camoes liuhosi Konferensia Imprensa ne'ebé hala'o iha salaun VIP Aeroportu Internasionál Nicolau Lobato katak, ekipa avaliasaun husi ASEAN hakfodak haree Timor nia kapasidade.

"Ekipa ida mai ne'e, husi parte polítika no seguransa. Sira mai rekolla dadus kona-ba polítika  no seguransa ita nian. Nune'e, iha diskusaun ne'e ita dehan ba sira katak ita presiza timeline ida ne'ebé sertu, para ita adere no sai membru ba ASEAN," informa Jorge Trindade ba jornalista, Sesta (06/09/19).

Nia afirma, ekipa Fact Finding Mission mós apresia ba Timor-Leste nia kapasidade. "Liuhosi organiza eventu ne'e, seguransa no atendimentu inklui mós sira seluk. Sira mós impresonadu katak buat ne'ebé ita halo ne'e liu saida mak sira hanoin. Tanba, sira hanoin katak ita la konsege organiza eventu ne'e ho di'ak," nia esplika.

Ba ekipa husi ASEAN ne'e, Timor-Leste mós promete sei esforsu nafatin atu nune'e bele sai duni membru ASEAN, iha tempu ne'ebé tuir mai.

Hadi'a Ekonomia 

Ekipa Fact-Funding Mission, nu'udar ekipa avaliador ba nasaun ne'ebé  atu sai membru ASEAN, inklui Timor-Leste rekomenda atu hadi'a parte ekonomia iha rai laran, hodi nune'e bainhira TL sai membru ASEAN, ekonomikamente TL preparadu ona.

"Seitor ekonomia importante teb-tebes. Ne'ebé, ha'u hanoin iha tempu badak ita haree oinsá iha ekipa ida halo estudu hodi rekolla dadus sira ne'ebé presiza, para hakat ba oin hodi negosia ho sira kona-ba área ekonomia ninian," tenik Jorge.

Iha fatin hanesan, nia mós hato'o agradesementu ba média nasionál ne'ebé durante ne'e públika sai ona informasaun kona-ba avaliasaun Timor-Leste nian husi ekipa Fact-Finding Mission.

"Ba maluk jornalista sira, ami agradese teb-tebes tanba ita boot sira bele halo publikasaun atu ita nia sosiedade bele akompaña prosesu ne'e tomak, sira mós iha koñesimentu saida mak la'o hela no komunidade mós hatene ekipa Fact-Finding Mission iha ne'e," Jorge espresa.

Iha biban ne'e, Jorge husu ema hotu atu akompaña prosesu Timor-Leste nia adezaun ba ASEAN.

Tempotimor (Dili) – Timor-Leste’s Minister for Foreign Affairs and Cooperation Dionísio Babo Soares says the exchange of diplomatic notes of the treaty between Timor-Leste and Australia establishing the respective maritime boundaries in the Timor sea has a great influence on Timor-Leste to become a member of ASEAN.

On 4th of September 2019, the Minister for Foreign Affairs and Cooperation Dionísio Babo Soares, conducts a meeting with the ASEAN Fact Finding Mission Team to share information on the Timor-Leste’s readiness to join ASEAN. Key message delivered is that Timor-Leste’s aspiration on becoming member of ASEAN was initiated back in 1975 and this remains the foreign policy priority of the State and Government of Timor-Leste.

The politician from Ermera municipality stated that the exchange of diplomatic notes of the treaty between Timor-Leste and Australia establishing the respective maritime boundaries in the Timor sea had a great influence on Timor-Leste to become a member of ASEAN.

"Therefore, it shows that we have sovereignty, we can manage our sovereignty that we are strong, there is no country coming to take us arbitrarily," he told reporters in Timor-Plaza, Dili, Wednesday (04/09).

The Fact Finding Finding Misson team has arrived in Timor-Leste to evaluate the country's preparations, which for almost 10 years have not yet joined ASEAN.

Historically, Timor-Leste has submitted its application to join the ASEAN organization since 2011. From the beginning until now, Indonesia, which became the first country, gave full support to this new country to enter ASEAN, but until now it has not been recognized by Singapore.

Geographically, the new country that celebrated the 20th referendum on 30 August was located in the Southeast Asia region, and the destination of the former colonies of Portugal and Indonesia joined ASEAN to strengthen security and defense and the economy in the Southeast Asian region.

East Timor's Foreign Minister Dionísio da Costa Babo Soares said the Fact-Finding Mission team consisting of 60 people from 10 ASEAN member countries came to Timor-Leste to evaluate the willingness of Timor-Leste to enter ASEAN.

The former Minister of Justice added that the Fact-Finding Mission team asked about Timor-Leste's politics in the world, and this question was a test of preparation for ASEAN entry.

"We are ready to enter if we are ready to enter, what we need to do, and what we need to submit. They asked very specific questions especially about our foreign policy strategy. Therefore, it was concluded today that I am trying to bring the name of the government to answer to them that we are ready to enter the ASEAN organization, "he explained.

He added the question that arose was what was the position of Timor-Leste about the power competition between America and China, and what was Timor-Leste's position on the issue of dispute when it entered ASEAN members.

"Some ASEAN members asked about the South China Sea issue, and also other questions about economic matters. And our human resource capacity is prepared or not, there is quality or not. These are very specific questions for them to see whether Timor-Leste is ready to enter ASEAN or not, "he explained.

This is the first time a Fact-Finding Mission came to Timor-Leste to make an evaluation, and according to the plan the mission will end in September next year.

Marcal Avelino Ximenes gave an applause to the Minister of Foreign Affairs and Cooperation.

 

“We all hope that the ASEAN team of Fact-Finding Mission in the ground will be get a comprehensive picture of Timor-Leste’s condition of development right now that can be used as input to the decision makers of ASEAN’s countries that can be able to accept our country Timor-Leste as a member of ASEAN in the near future,” he says.

Tempotimor (Díli) – Deputadu sira iha Parlamentu Nasionál, Tersa (04/09/19) hetan brifing husi ekipa Ministériu Negósiu Estranjeiru no Kooperasun (MNEK) ba ASEAN, hodi nune'e Parlamentu Nasionál ho Governu bele fó informasaun hanesan, ba ekipa avaliasaun husi ASEAN.
Tempotimor (Dili) – Prezidente – Repúblika (PR), Francisco Guterres Lú Olo husu ba embaixador nain tolu (3) ne’ebé foin simu posse atu haluan liutan kooperasaun Timor – Leste nian iha Brasl, Estadus Unidus Amerika no Nova Zelándia. 
 
“Prezidente no Governu nomeia Ita-Boot sira tanba fiar katak ita-boot sira sei koopera ho governu Brazil, Estadus Unidus no Nova Zelándia, atu haforsa liután relasaun entre ita-nia rain no sira-nian. Prezidente Repúblika fiar katak Embaixador sira ne’ebé foin simu pose iha kapasidade. Ha’u fiar katak sira bele hasa’e no loke liután nível no ámbitu kooperasaun entre ita-nia Estadus,” hatete PR Lu Olo hafon seremóna posse ba embaixador nain tolu ne’e iha Palásiu Prezidensial Bairro Pite, Dili, Tersa (13/08). 
 
Kona-ba Brasil, PR Lú Olo aproveita oportunidade ida ne’e atu fó-hanoin katak iha simeira CPLP, hala’o iha Brasil, mak Timor-Leste tama ofisialmente  nu’ udar membru CPLP nian. 
 
“Ita simu ona Chefes Estadu Brasil nian, Fernando Henrique Cardoso no Luís Inácio Lula da Silva, iha ita-nia país. Kooperasaun entre ita la’o di’ak, liuliu iha área edukasaun, iha formasaun ba kuadrus universitárius. Timor-Leste mak lolo prezidénsia rotativa CPLP nian ba Brasil, iha tinan 2016,” nia fó hanoin. 
 
Nia konsidera, embaixador Olímpio Branco, ne’ebé foin simu pose, iha karreira naruk ona. Hahú servisu kedas ba Ministériu Negósiu Estranjeiru no Kooperasaun bainhira instituisaun ida ne’e harii, molok restaura formalmente Independénsia Timor – Leste. Kaer horiuluk knaar nu’ udar Sekretáriu-Jeral iha Ministériu ne’e. Embaixador Olímpio Branco hala’o ona knaar nu’udar Embaixador Timor-Leste nian ba Repúblika Popular China no ba Repúblika Cuba. 
 
“Ha’u konfia iha nia kompeténsia no dedikasaun no ha’u deseja susesus ba Embaixador ne’e,” nia hatete. 
 
Kona-ba Embaixador Isílio Coelho, importante hatete katak, nia  hanesan  rin ida Ministériu Negósius Estranjeirus no Kooperasaun nian. Hahú kedas servisu ba Ministériu ne’e bainhira instituisaun ida ne’e harii formalmente, molok ita restaura formalmente ita-nia Independénsia. Embaixador Isílio hala’o knaar oioin, inklui Sekretáriu Jeral MNEC nian no Embaixador ba Japão. Susesus ba ninia knaar foun nu’ udar Embaixador. 
 
Husi kedas loron ita restaura ita-nia independénsia, tanba ita estabelese relasaun diplomátika iha nível embaixador rezidente, kooperasaun ho Estadus Unidus hala’o iha sektor oioin, liliu iha área defeza.
 
Ikus liu, señor Embaixador Lisualdo, quadru ida husi MNEC, diplomata karreira nian, sei hala’o knaar iha país viziñu ida, país ida ne’ebé hamutuk ho ita iha momentu difísil sira ne’ebé ita hasoru horiuluk.  
 
“Ha’u fó-hanoin katak Nova Zelándia integra mós INTERFET (forsa internasionál  ne’ebé tun iha Timor-Leste, iha 20 Setembru 1999). Ita haree militar sira-nia profisionalismu no nain ida mate iha períodu tranzisaun,” nia hatete.  
 
PR Lú Olo mós hare katak, iha mós momentu difísil seluk ida, iha períodu  istória foin liubá,  nu’udar Estadu, ne’ebé komunidade internasional mós rekoñese, iha 2006, Nova Zelándia mai mós tulun Timor-Leste. 
 
“Kooperasaun ne’e sei boot babeibeik no ha’u fiar diplomata ida ne’e, katak Embaixador Lisualdo, sei hatene loke no haklean liután kooperasaun ho Nova Zelândia,” nia fiar. 
 
Ikus liu, ha’u aproveita okaziaun ida ne’e atu hatete ohin katak, bainhira presiza, ha’u sei fó apoiu tomak ba embaixador sira. Ita-Boot sira iha ha’ u-nia konfiansa.
 
 
 
 
 

Tempo timor (Dili) - Primeiru Ministru Taur Matan Ruak hatete nia konkorda atu nia prima, Joana Veneranda Amaral, sai embaixadora Timor Leste iha Santa Sé, Vatikanu, tanba molok ne'e bainhira nia sei asumi kargu nu'udar Prezidente Repúblika nia veta nia prima ne'ebé naran tama iha lista embaixadór.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter