Tempotimor (Dili)-Dadus estatistika durante fulan-ualu (8) nia Laran hahú iha fulan-Janeiru to’o Jullu 2022, Polísia Nasionál Timor-Leste (PNTL) rejista kazu krime hamutuk 2.359 mak akontese iha teritóriu timor laran tomak.

Tempotimor (Dili)-Komandante Polísia Nasionál Timor-Leste (PNTL)  Eskuadra Maubisse, Inspetór Adolfo Brandao Silva Mota informa, durante fulan-hitu nia laran hahú husi Janeiru to'o Jullu konsege rejista kazu hamutuk ualu iha Postu Administrativu Maubisse, Munisípiu Ainaro.

Tempotimor (Dili)-Sekretáriu Estadu Protesaun Sivíl (SEPS) husi Diresaun Nasionál Prevensaun Konflitu Komunitáriu(DNPKK) iha tinan 2021 to’o fulan-maiu 2022, rejista kazu sivíl akontese iha Timor-Leste laran tomak hamutuk 442.

Diretór Jerál (DNPKK), Antonio Viegas hatete, durante tinan ida fulan-5 kazu sivíl ne'ebé akontese iha Timor-Leste ligadu ho joven husi Grupu Arte Marsiál sira kria konflitu asaltu malu no problema hadau malu rai ne'ebé durante akontese iha Timor-Leste ne'e mak hamutuk 442.

Alende ne’e, DNPKK mós halo mediasaun ho komunidade sira kona-ba kazu sivíl ne'ebé akontese iha Timor-Leste konsege rezolve ona 169 liuhusi asina akordu katak sira sei la halo problema tan.

“Kazu sira ne’e akontese ita identifika barak kona-ba problema rai ho joven Arte Marsiál asaltu malu, ita konsege konvense sira halo diálogu ita rezolve ona ne’e 169, kazu ne’ebé labele rezolve ona arkivu hamutuk 108 no ida iha prosesu mediasaun seidauk rezolve ne’e hamutuk 215 mak ita rejista hela”, dehan António iha edifisiu Protesaun Sivíl Kaikoli, kinta (09/06).

Kazu sivíl sira kona-ba joven Arte Marsiál kria konflitu no problema hadau malu rai ne’e barak liu mak família sira haksesu malu kona-ba rai, tanba DNPKK rejista buka dalan halo diálogu oinsá mak sira bele simu malu.

“Ami kontinua halo aprosimasaun ba vítima no suspeitu sira atubele simu malu bele hetan justisa tuir dalan legál”, afirma nia.

Tuir matadalan kona-ba sensibilizaun husi DNPKK tipu mediasaun konflitu sira ne'ebé mosu iha komunidade hanesan konflitu negósiu, interpesoál, konflitu rai no konflitu kestaun família.

“Husi konflitu hirak ne’e barak liu mak konflitu interpesoál barak liu liga ho joven sira asaltu malu inklui problema rai, tanba envolve direita husi feto no mane hothotu sai mós autór, vítima no suspeitu ida-ne’e mak durante ne’e ita identifika ho halo prevensaun”, hatete nia.

Entretantu tui dadus ne'ebé iha, kazu konflitu akontese iha teritóriu Timor-Leste iha tinan 2020 ne'e mós DNPKK rejista hamutuk 196 kona-ba kazu sivíl. (*)

Tempotimor (Dili)-Komandu Jerál Polísia Nasionál Timor-Leste (PNTL) durante semana datoluk hosi fulan-Janeiru tinan 2022 konsege rejista kazu krime hamutuk hitu (7).

Tempotimor (Dili)-Portavoz Polísia Nasionál Timor-Leste (PNTL), Superentidente Xefe Arnaldo de Araújo informa, husi loron 1 to’o 14 fulan-dezembru, PNTL rezistu kazu asaltu malu aas liu iha territóriu Timor-Leste.

Tempotimor (Dili)-Polisia Nasional Timor-Leste (PNTL) liuhusi Komandu Jerál rejista kazu krime hamutuk 21 ne'ebé akontese durante situasaun Estadu Emerjénsia (EE) nia laran.