Login to your account

Username *
Password *
Remember Me

Tempotimor (Dili)-Portavoz FALINTIL-Forsa Defeza Timor-Leste (F-FDTL), Kapitaun  de Infantaria José Antonio Nunes da Costa hatete, membru F-FDTL na'in-11 ne’ebé tuir kompetisaun tiru amizade infantaria iha Darwin-Austrália, ba parte individual hetan primeiru lugar tanba halakon Forsa Austrália no Amérika.

Tempotimor (Baukau)-CPD-RDTL/Fretilin-Movimenru Unijma/Ativista Pro-RDTL sei la hakmatek bainhira Forsa Estadu Unidus Amerika (EUA) la retira husi reabilitasaun aeroportu Munisípiu Baukau.

Tanba ne’e, entrega ona karta ba Prezidente Autoridade Munisípiu Baukau, Olivio Freitas atu tranzmiti ba Prezidente Repúblika, Francisco Guterres Lu Olo hodi tetu preokusaun ne’e.

Koordenador CPD-RDTL/Fretelin-Movimenru UNIJMA/Ativista Pro-RDTL Baukau, Francisco Loi-sahe hatete, dala barak halo konferensia imprensa ba Prezidente Repúblika kona-ba  koperasaun entre Timor-Leste ho nasaun Estadus Unidus Amerika (EUA) ne'ebé halo reabilitasaun aeropotu Baukau, maibé la tau ba konsiderasaun.

"Tanba ne'e, ohin mai hamrik iha Prezidente Autoridade Baukau, hanesan povu nia reprezentante povu Maubere mate restu ne'ebé iha ona organizasaun CPD RDTL Fretilin movimentu nia oin hato'o sira nia aspirasaun ne'e konteudu rezeita reabilitasaun Aeroportu Baukau, ami mensiona ona iha dokumentus ida ne'e, atu transmite ba Prezidente da Repúblika atu bele tetu no halo balansu," dehan Francisco iha salaun VIP administrasaun Baukau hafoin hasoru malu ho PAM Baukau, segunda (17/01).

Nune'e mós, responsavel CPD-RDTL iha setór um, Avelino da Costa  afirma, aspirasaun povu mate restu nian ne'ebé entrega ona ba PAM Baukau atu kontinua diriji ba Governu sentral atu iha tempu badak tenke iha resposta.

"Sé nia resposta laiha, ami organizasaun sei la hakmatek sei ijize nafatin to'o forsa Amerikanu ne'ebé halo reabilitasaun Aeroportu to'o retira ami organizasaun bele hakmatek iha ami nia fatin, se la retira no la hapara, ami prontu asaun ba oin nafatin to'o iha nivél nasionál," nia akresenta

Sorin seluk, responsavel CPD-RDTL Munisípiu Lautém, Domingos da Costa hatutan, kontinua uza papél ne'ebé uza iha tempu rezisténsia hodi antisipa hahalok EUA iha Timor-Leste.

"Tanba, iha mundu sudenste aziátiku nia boot ho sira kapitalista sira provoka iha mundu, kuandu sira kontra malu, bomba ruma iha ne'e, ita sira besik hetan hotu dezastre," nia fó hanoin

Hatan ba preukupasaun ne'e, Prezidente Autoridade Munisípiu Baukau Olivio Freitas hatete, Prezidente Munisípal laiha kompetensia atu hapara projetu refere, maibé konsidera karta ne'ebé entrega ona sei relata ba Prezidente Repúblika, maibé resposta tarde ou sedu kompetensia iha nasionál.

"Depende ita bo'ot sira nia karta konteudu konvense sira fó resposta lalais depende mós konteudu karta nian," nia hatete. (*)

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter