Login to your account

Username *
Password *
Remember Me

Tempotimor (Dili)-Ministru Asuntus Parlamentár no Komunikasaun Sosiál (MAPKOMS), Francisco Martins da Costa Pereira Jerónimo iha segunda (05/09) kontinua halo abertura Formasaun komunikasaun ba nível Munisipál nian iha Munisípiu Bobonaru.

Tempotimor (Dili)-United Nations International Children’s Emergency Fund (UNICEF) hamutuk ho Sekretáriu Estadu Juventude no Desportu (SEJD) fornese kapasitasaun no asistensia ba membru grupu juventude iha Timor-Leste.

Tempotimor (Dili)-Membru Polísia Nasionál Timor-Leste (PNTL) no Servisu Migrasaun (SM) hamutuk na’in-26, simu formasaun kona-ba investigasaun tráfiku umanu, ne’ebé promove husi Programa Dezenvolvimentu Polísia Nasionál (TLPDP), iha Sentru Formasaun Polísia, Komoro, Dili.

Tuir informasaun ne’ebé www.tempotimor.com asesu iha pájina Governu Timor-Leste, tersa (09/08) katak, programa formasaun ne’e hala’o husi loron 8 to’o 12 fulan-agostu, kona-ba investigasaun tráfiku umanu.

Ministru Prezidénsia Konsellu Ministrus (MPKM), Fidelis Manuel Leite Magalhães, halo abertura ba eventu ne’e hatete, Governu Konstitusionál Daualu iha kompromisu no empeñu hodi tau hamutuk esforsu sira hotu ne’ebé presiza atu prevene no kombate tráfiku umanu, proteje no apoia vítima sira.

Tanba Programa formasaun kona-ba investigasaun tráfiku umanu ne’e ho objetivu atu fornese ba partisipante sira koñesimentu no kompeténsia nesesáriu hodi hasa’e sira- nia kapasidade iha área prinsipál sira kona-ba investigasaun tráfiku umanu no apoiu ba vítima sira.

Programa ne’e hetan apoiu husi Organizasaun Internasionál ba Migrasaun (OIM), Alfela, Fundasaun ALOLA no husi Embaixada Uniaun Europeia nian.

Iha semana kotuk, liuhusi okaziaun ba komemorasaun Loron Mundiál Kontra Tráfiku Umanu, Governu Timor-Leste, serbisu hamutuk ho OIM, halo lansamentu ofisiál ba Prosedimentu Operasionál Padraun ba Identifikasaun Vítima sira no Mekanizmu Enkamiñamentu hodi kombate kazu tráfiku umanu, ne’ebé fornese mekanizmu lubun ida atu hasa’e kapasidade nasionál kona-ba identifikasaun, protesaun no apoiu ba vítima tráfiku umanu nian iha Timor-Leste.

Governu halo ona inisiativa lubun ida ba matéria ida-ne’e, hanesan preparasaun ba planu nasionál ida kontra tráfiku umanu, reforsu kapasidade institusionál, jestaun fronteira no preparasaun ba Sistema ida ne’ebé Integradu kona-ba Jestaun Informasaun Kriminál nian.

Aleinde ne’e, iha fulan-juñu tinan 2021, kria ona Komisaun Luta Kontra Tráfiku Umanu, ho misaun atu koordena, iha nível nasionál, asaun husi identidade responsavel oioin ba prevensaun no luta kontra tráfiku umanu, nune’e mós atu garante kooperasaun ho entidade estranjeira sira iha matéria ida-ne’e no akompaña aplikasaun ba dispozisaun konvensaun internasionál sira ne’ebé Timor-Leste adere ona.

Nune’e mós iha tinan 2009, Timor-Leste finaliza ona prosesu adezaun ba Konvensaun Nasoins Unidas Kontra Krime Organizadu Transnasionál no Protokolu Adisionál ba konvensaun ida-ne’e, kona-ba prevensaun, represaun no punisaun tráfiku umanu nian, liliu feto no labarik sira.

Tanba instrumentu internasionál ida-ne’e ho objetivu atu prevene no kombate tráfiku umanu, atu proteje no ajuda vítima sira husi tráfiku ne’e, hodi respeita tebes sira-nia direitus umanus no promove kooperasaun entre Estadus Partes atu atinje objetivu sira ne’e.

Iha tinan 2017, Parlamentu Nasionál aprova ona Lei Prevensaun no Luta Kontra Tráfiku Umanu (Lei númeru 3/2017, loron 25 fulan-janeiru), ne’ebé, aleinde medida sira ne’ebé ho objetivu atu prevene no kombate tráfiku umanu, proteje no fó asisténsia ba ninia vítima sira, aprezenta mós alterasaun dahaat ba Kódigu Penál, ho objetivu atu loke tán konseitu krime tráfiku umanu nian, hodi proteje ninia testemuña sira, prevee punibilidade ba ema koletiva no fiksa rejime tanba lakon ninia benefísiu atu afavór ba Estadu. (*)

Tempotimor (Dili)-Vise Ministru Komérsiu no Indústria (MKI), Domingos Lopes Antunes hamutuk Chief of Party Tourism for All Project, Peter Semone no Xefias husi Diresaun Jéral Indústria ensera no fahe sertifikadu ba formasaun emprezárial durante loron neen (6), iha Centru Inkubasaun Emprezárial, Matadouru-Dili, sábadu (04/06).

Tempotimor (Dili)-Ministru Turizmu, Komérsiu no Industria, José Lucas do Carmo da Silva, halo abertura ba formasaun no Kapasitasaun ba Jestaun Negósiu Soru-Nain, liliu ba feto foinsa’e sira ho tópiku “Planeamentu, Finanseira, Kálkulu Kustu no Kontabilidade”, segunda, (30/05).

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu sei kontinua apoiu ba formasaun sira ne'ebé oferese husi sentru formasaun teknika no komunikasaun (Ceftec), tanba iha duni benefisiu ba Timoroan sira.

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, atribui sertifikadu ba formandu hamutuk 183 husi sentru formasaun tékniku iha komunikasaun (Ceftec).

Tempotimor (Baukau)- Diretór Jerál Sekretáriu Estadu Formasaun Profesionál no Empregu (SEFOPE), Paulo Alves sente tirste, tanba juventude sira husi Salele, Suku Maudemo, Postu Administrativu Tilomar, Munisípiu Kovalima  nunka ida tuir formasaun.

Tempotimor (Dili)-Uniăo Europeia (UE) liuhusi nia Embaixada iha Timor-Leste hakarak apoiu Sekretária Estadu Formasaun Profesionál no Emprégu (SEFOPE) iha área formasaun profesionál.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter