Login to your account

Username *
Password *
Remember Me

Tempotimor (Dili)-Bankada Frente Revolusionáriu Timor-Leste no Independente (FRETILIN) no Partidu Libertasaun Populár (PLP) inklui Kmanek Haburas Unidade Nasionál Timor Oan (KHUNTO) sei hadau malu ba kargu Prezidente Komisaun E trata asuntu Infraestrutura, Transporte no Komunikasun iha Parlamentu Nasionál (PN).

Tanba Prezidente sesante Abel Pires ne'ebé mak durante ne'e sai kompozisaun ba meza komisaun E, dadauk asume ona kargu Ministru Obras Públika (MOP) iha Governu daualu, nunne'e iha deliberasaun ida atubele hili fali deputadu ida sai Prezidente ba Komisaun E.

Vise Prezidente Komisaun E, Fabião de Oliveira hatete, kona-ba halo substituisaun ba eis-Prezidente Komisaun E, Abel Pires ne'e depende ba deliberasaun no eleisaun iha semana oin, bele FRETILIN mak lidera ou se la'e KHUNTO no PLP mak lidera.

“Depende ba eleisaun deliberasaun iha membru Komisaun E, bele maihusi FRETILIN nian, bele mai husi PLP nian. Sira ne'ebé agora ukun dadauk ne'e, iha Bankada de Plataforma de Intendimentu ba Governu ida ne'e”, hatete nia iha Parlamentu Nasionál, kuarta (23/03).

Tanba atu substitui ne'e, labele dehan Prezidente Abel Pires da Silva ba asume tiha kargu foun automatikamente vise-Prezidente mak atu sa'e ne'e laloos, tanba prosesu hotu sei hala'o tuir baze legal ne'ebé previstu ona iha rejimentu Parlamentu nian.

Nunne'e, iha semana oin Komisaun E sei tau ajenda ida ne'e atu halo eleisaun ka deliberasaun ida atu hili filafali kompozisaun ba meza komisaun E asuntu infraestrutura, transporte e komunikasaun.

"Lista ne'e iha tiha ona, imi horisehik haree substitui tiha ona Doutor Abel husi Bankada PLP nian, e depois aprezenta lista ne'e husi membru komisaun E, sé aprezenta lista dehan katal naran ida ne'e ami propoin se karik bele sai Prezidente ba Komisaun E, depois mak halo deliberasaun ba eleisaun para hetan legalodade husi membru komisaun”, informa nia. (*)

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Fabião de Oliveira, hakarak Komisaun E ne'ebé trata asuntu Infraestrutura, Transporte no Komunikasaun iha Parlamentu Nasionál (PN) kolabora ho Ministru Obras Públika (MOP), Abel Pires da Silva atubele rezolve problema infraestrutura báziku sira.

Tempotimor (Díli)-Partidu Demokrátiku (PD) iha posibilidade sei fó apoiu ba Kandidatu Prezidente Repúblika (PR) husi Partidu CNRT, José Ramos Horta ne’ebé avansa ba segunda volta ho kandidatu husi Partidu FRETILIN, Francisco Guterres ‘Lú Olo’, iha eleisuan loron 19 abril 2022.

Tempotimor (Díli)-Portavoz Kandidatu Prezidente Repúblika Lere Anan Timur, Flavio Simões ‘Udan Boot’ hatete, informasaun ne’ebé espalla iha públiku deklara Jenerál Reformadu Lere Anan Timur (LAT) taka odamatan no lakohi simu Sekretáriu Jerál partidu FRETILIN, Mari Alkatiri, la los.

Tempotimor (Díli)-Konselleiru Másimu Partidu Kmanek Haburas Unidade Nasional Timor Oan (KHUNTO), José dos Santos 'Naimori Bucar' hatete, sira seidauk deside hodi ‘halis’ ba kandidatu ida iha eleisaun segunda volta, tanba dadaun ne’e hamutuk ho Partidu Libertasaun Popular (PLP) no FRETILIN iha Governu daualu.

Tanba rezultadu finál provizóriu ne’ebé iha hatudu Kandidatu Prezidente Repúblika, José Ramos Horta, hanesan vensedór no Kandidatu Francisco Guterres “Lú Olo’, iha pozisaun daruak ne’ebé iha posibilidade avansa ba segunda volta.

“KHUNTO hamutuk hela ho PLP no FRETELIN iha VIII Governu tanba ne’e ita lakohi ansi maibé sei tetu ho di'ak molok iha desizaun tanba ne’e ba povu nia moris”, dehan José dos Santos ‘Naimori Bucar’ iha Palásiu Prezidensiál Bairopite, tersa (22/03).

Bainhira KHUNTO ne’ebé deside apoiu kandidatu CNRT no FRETELIN iha eleisaun segundu ronde KHUNTO sei tetu nia desizaun hotu atu la prezudika Governu ida ne’e la'o ba oin tuir mandatu ne’ebé iha hodi kontinua serví povu tuir lei hatete tanba prinsípiu KHUNTO asegura Governu hakarak asegura povu ba moris di'ak.

“Partidu KHUNTO ita-nia tradisaun demokrasia rasik no konsidera partidu polítiku sai hanesan instrumentu nasaun nian, tanba ne’e KHUNTO mantein ho nia pozisaun rasik no seidauk iha desizaun definitivu atu apoiu kandidatu ida ne’ebé iha eleisaun prezidensiál ba segundu volta”, dehan nia.

Tanba situasaun polítika iha Timor-Leste hatudu mudansa ida siknifikativu no liliu iha interna partidu KHUNTO nune’e estrutura nasionál simu trezultadu eleisaun prezidensiál no iha esperansa atu simu festa demokrasia ba eleisaun parlamentar iha 2023.

“Partidu KHUNTO ita sei haree tanba ha'u sei organiza reuniaun iha nível estrutura partidu nian para bele iha desizaun atu apoiu se iha segunda ronde nian”, esplika nia. (*)

Tempotimor (Díli)-Tenente Jenerál Reformadu, Lere Anan Timur, hatete, nia parte la konsege hasoru malu ho eis Primeiru Ministru no atuál Sekretáriu Jerál Partidu FRETILIN, Marí Bin Amude Alkatiri, tanba laiha tempu, maibé hakuak metin nafatin naran FRETILIN.

Tempotimor (Dili)-Partidu Congresso Nacional de Reconstrução de Timor (CNRT) liuhusi Ekipa Susesu Kandidatura Prezidente Repúblika (PR), José Ramos Horta husu ba Polísia Nasional Timor-Leste (PNTL) liliu Servisu Investigasaun Kriminál (SIK) atubele investiga atetude ne'ebé hatudu husi Militante FRETILIN hodi ataka sede nasionál Partidu CNRT iha Bairro dos Grilhos, kuarta (16/03).

Tempotimor (Dili)-Komandante Polísia Nasionál Timor-Leste (PNTL) Munisipiu Dili, Superintemdente Xefe Henrique da Costa informa, polísia detein ona sidadaun na’in-2 hodi kumpri 72 oras, nune'e kontinua loke prosesu investigasaun ba sira na’in-2 tanba ataka sede partidu CNRT iha loron kuarta (16/03).

Tempotimor (Dili)-Sekretáriu Jerál Partidu Frente Revulusiónariu Timor-Leste Independente (FRETILIN), Marí Bin Amude Alkatiri, aviza militante sira atu kuidadu ho ekipa no apoiante husi kandidatu balun ne’ebé sei utiliza osan hodi sosa votu.

Tempotimor (Dili)-Sekretáriu Jerál Partidu Frente Revulusiónariu Timor-Leste no Independente (FRETILIN), Marí Bin Amude Alkatiri, ‘bolu’ Kandidatu Prezidente Repúblika, José Ramos Horta, at liu fali ai kakeu, tanba halai ba mai hodi atinje objetivu pesoál.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter