FRETILIN

Emaibaixadores nain tolu halo hela juramentu iha palasiu Prezidente, Aitarak Laran, Dili (13/08)

Governu Propoin 16, PR Fó Posse Embaixadór TL ba Brazil, EUA, NZ

August 13, 2019

Tempotimor (Díli) – Prezidente Repúblika, Francisco Guterres Lú Olo, Tersa (13/08/19) fó tomada posse embaixadór Timor-Leste ba nasaun Brazil, Estados Unidos Amérika no Nova Zelándia.

Liuhosi Dekretu Prezidente Repúblika númeru 36/2019, 37/2019 no 38/2019 dekreta hodi nomea Olimpio Branco nu’udar Embaixadór ba Brazil (hodi troka Embaixadór Gregório de Sousa), Isilio Coelho nu’udar Embaixadór ba Estadus Unidos Amérika (hodi troka Embaixadór Domingos Sarmento Alves) no Lisualdo Gaspar nu’udar Embaixadór ba Nova Zelándia (hodi troka Embaixadór Cristiano da Costa).

Komunikadu Imprensa ne'ebé Tempotimor.com hetan, husi Palásiu Prezidente Repúblika hatete, Olimpio Branco, Isilio Coelho no Lisualdo Gaspar, nu’udar funsionáriu Ministériu Negósiu Estranjeiru no Kooperasaun (MNEC) ho karreira diplomata.

Maske nune'e, tuir dokumentu ofisiál ne'ebé tempotimor.com asesu husi Palásiu Governu katak kandidatu embaixadór na'in tolu (3) ne'e, hetan nomeiasaun husi VII Governu Konstitusional ne'ebé lidera husi PM Alkatiri.

Diplomata Timoroan na'in tolu ne'e mós, hetan ona aseitasaun husi nasaun ne'ebé sira sei hala'o knaar ba, nune'e Governu AMP laiha kbiit atu ‘re-call’ sira.

Entretantu, tuir lista ne’ebé Governu aprezenta naran husi kandidatu embaixadór sira hamutuk 16, mak hanesan tuir mai ne’e:

1. Ines Maria de Almeida, Embaixadora ba Cambera, Austrália

2. Gil da Costa, Embaixadór ba Reinu Unidu Gra-Britania no Irlandia Norte

3. José Luis Guterres, Embaixadór ba Konfederasaun Suisa

4. Paulo Assis Belo, Embaixadór ba Repúblika Mosambike

5. Lisualdo Menezes Coimbra Gaspar, Embaixadór ba Wellingtong, Nova Zelandia

6. Isilio Antonio de Fatima Coelho da Silva, Embaixadór ba Washington DC, EUA.

7. Isabel Amaral Guterres, Embaixadora ba Lisboa, Portugál.

8. Isabel Amaral Guterres, reprezetante permanente TL ba Sekretariadu Ezekutivu CPLP

9. Isabel Amaral Guterres, Embaixadora la rezidente TL ba Republika Kabuverde.

10. Olimpio Maria Alves Gomes Miranda Branco, Embaixadór ba Repúblika Brazil

11. Maria Natalia Guterres Viegas Carrascalao, Embaixadora ba Singapura

12. Ilidio Ximenes da Costa, Embaixadór ba Japaun

13. Hermenegildo Lopes, Embaixadór ba Kambodia

14. Abrão dos Santos, Embaixadór ba Republika Popular Xina

15. Joana Veneranda Amaral, Embaixadora ba Santa Sé

16. Armandina Maria Gusmão dos Santos, Embaixadora TL ba Reinu Tailándia

Politika

SEKJEN Ameasa, Kuadrus FRETILIN Sadik

August 08, 2019

Tempotimor (Dili) - Eis Prezidente Rejiaun Administrativu Espesial Oe – Kusi Ambeno (RAEOA), atual Sekretariu Jeral Partidu FRETILIN, Mari bin Amude Alkatiri halo ameasa forte ida ba dirijentes, lideransa partidu inklui deputadu opozisaun sira ne’ebé karik deklara apoiu governu no maioria iha Parlamentu Nasionál hodi hatama surat rezignasaun bainhira la kumpri nia orden.

FRETILIN Ezije Tempotimor.com Husu Deskulpa

August 08, 2019

Tempotimor (Díli) – Partidu FRETILIN, ezije Tempotimor.com, husu deskulpa ba Sekretáriu Jerál FRETILIN, Partido FRETILIN no públiku tanba notisia ho titlu: “Alkatiri Ameasa Kuadrus Ho Deputado FRETILIN” laloos no falsu.

Deputada Maria Angelica, iha Plebaria Parlamentu Nasional iha momentu ruma kotuk

Politika

Gasta Ona Bilaun $14, Povu Kontinua Hakdasak

August 06, 2019

Tempotimor (Dili) – Estadu Timor-Leste ohin iha ona governu dawalu no gasta ona fundu minarai hamutuk bilaun sanolu resin haat (14). Maibé, infraestrutura bázika ba povu kontinua hakdasak.

Vise Prezidente Bankada FRETILIN, Francisco Miranda Branco iha Plenaria Parlamentu Nasional durante debate alterasaun Lei Petrolifera iha fulan Jullu 2019 ne'ebe halo transmisaun direita husi TVTL

Politika

Fretilin: Konta Istória TL, Labele Husik Fígura Balun Iha Kotuk

August 06, 2019

By: Isac

Tempotimor (Dili) – Bankada Opozisaun FRETILÍN iha Parlamentu Nasionál, husu istoriadór sira atu konta istória prosesu Timor-Leste nian, labele husik hela fígura balun iha kotuk ka dezvia.

Plenaria Parlamentu Nasional kona ba revizaun ba Lei hat ne'ebe hala'o iha fulan Jullu 2019

Politika

CNRT Optimista, PR Lú Olo Promulga Proposta Lei 4

August 06, 2019

By: Isac

Tempotimor (Dili) – Deputadu Bankada Congreso Nasionál Reconstrução Timorense (CNRT) nu'udar bankada Governu, optimista maka'as katak Prezidente Repúblika, Francisco Guterres Lú Olo sei promulga proposta lei haat, ne'ebé Parlamentu Nasionál (PN) entrega ona ba PR.

Sekretariu Jeral Partidu FRETILIN, Dr. Mari Alkatiri hato'o hela diskursu Politiku durante kampana elisaun prezidensial 2017.

Politika

Alkatiri Ameasa Kuadrus Ho Deputadu FRETILIN

August 05, 2019

Tempotimor (Dili) – Sekretariu Jeral partidu FRETILIN atual eis Prezidente Rejiaun Administrativu Espesial Oe – Kusi Ambeno (RAEOA), Mari bin Amude Alkatiri ezije ona ba lideransa partidu inklui deputadu opozisaun sira ne’ebé deklara apoiu maioria iha Parlamentu Nasionál hodi hatama surat rezignasaun bainhira la kumpri nia orden.

Politika

FRETILIN Foti Kartaun Mean ba LP no LAP

July 22, 2019

Tempotimor (Dili) – Bankada opozisaun parlamentar FRETILIN kontinua vota kontra Lei Número 5/V(1a) ne’ebé halo alterasaun ba lei Número 9/2005, 3 Agostu kona – bá Lei Fundu Petroliferu no Lei Regime Laboral no Migratoriu Espesial Aplikavél ba Projetu Bayu Undan Número 7/V (1a) alterasaun ba lei Número 13/2003, 2 Setembru kona – bá Lei Atividade Petroliferu durante diskusaun espesialidade iha Komisaun D Parlamentu Nasionál (PN) ne’ebé trata assuntu Dezenvolvimentu Parlamentar.

OPMT Sei Lansa Livru "Buibere Hamriik Ukun Rasik Aan"

July 19, 2019

Tempotimor (Dili) - Komisaun de Pesquisa e Elaboração do Livru da Luta Mulher de Timor hamutuk ho Organização Popular Mulher Timor (OPMT) sei lansa livru ida ho nia títulu ‘Buibere Hamriik Ukun Rasin Aan’.

"Ami hasoru ona Prezidente Repúblika (PR) hodi ko'alia kona-ba livru feto Timor nian ne'ebé ho títulu Buibere Hamriik Ukun Rasik Aan," hatete Sekretáriu Jerál OPMT (em ezersisiu) Florentina da Conceição M. M. Smith iha Palásiu Prezidensial Bairru-Pite, Sesta (19/07/2019).

Nia dehan, durante hakerek livru ne'e gasta tempu naruk atu bele finaliza."Iha prosesu naruk ne'ebé mak durante ne'e ami hala'o, hodi hakerek livru ne'e. Ne'ebé, ami mós hetan apoiu tomak husi lideransa nasional, hanesan Señor Xanana Gusmão, Sr. Dr. Ramos Horta, Dr. Mari Alkatiri, atuál PR Francisco Guterres Lú-Olo no atuál Primeiru Ministru Taur Matan Ruak ne'ebé konsege to'o ona iha faze final,” dehan Smith.

Nia dehan, livru ne'e atu lansa komisaun hamutuk ho OPMT hakarak hala'o lansamentu iha loron nasionál Timor-Leste nian.

"Ami husi jerasaun 74 no 75 hakarak husik hela memoria ne'ebé di'ak ba istória feto Timor nian. Livru ida ne'e, nia konteudu mak partisipasaun feto tomak hahú husi faze rezistensia hanesan frente klandistina, frente armada no frente diplomasia. Tempu mós to'o ona para ami husik hela memoria ne'e ba feto foin sa'e sira," tenik Florentina.

Xefe Negosiador Prinsipal Fronteira Maritima Xanana Gusmao halo hela esplikasaun iha Plenaria Parlamentu Nasional iha Kuarta Feira (17/07)

Politika

Lei FP no Rejime Laboral Passa

July 19, 2019

Tempotimor (Dili): Lei Fundu Petrolíferu número 9/2005, 3 Agostu ho Lei Regime Laboral no Mingratoriu Espesial Aplikavél ba Projetu Bayu Undan no 7/V passa ona durante debate espesialidade iha Komisaun C Parlamentu Nasionál.