Items filtered by date: Tuesday, 12 April 2022

Tempotimor (Dili)-Akontesimentu inséndiu ahi han mutuk uma komunidade nia rua ho dapur ida iha Aldeia Uligata, Suku Afasa, Postu Administrativu Kelikai, Munisípiu Baukau, tersa (12/4), maizomenus tuku 03:25.

“Sim, foin meudia, maizomenus tuku 03:25 hanesan ne'e, ahi han uma komunidade ida nia uma hamutuk tolu, ahi han sasán uma laran mós la salva”, dehan Xefe Suku Afasa, Joaquim Fernandes Ximenes, ba www.tempotimor.com liuhusi telefone, tersa (12/04).

Husi totál uma hamutuk tolu ne'e maihusi família ida de'it, no Xefe familía mak Tomas Ximenes ho nia espoza Abelita Morreira no oan na’in-neen.

“Uma tolu ne'e, iha rua mak sira uza ba hela, e ida mak nia medida 8x11, no ida tán 8x8, e dapur nia medida ne'e 4x3”, afirma nia.

Kauza husi akontesimentu ne'e rasik parte autoridade lokál sira mós lahatene, maibé iha informasaun balun ne'ebé simu husi família sira katak, inséndiu aihan uma ne'e, família vítima sira iha hela mate uma no nunka hatene dehan ahi han uma.

Maibé, derepente to'o iha mate uma, haree filafali mai sira-nia uma, ahi suar sa'e maka’as entaun sira halai filafali atu ba salva sasán ruma maibé foin to'o uma ahi han mutuk hotu ona.

"Ohin meudia boot ne’e katuas ida mak mate ne'ebé, sira lori ba uma adat, depois sira to'o iha mate uma nia fatin mak sira haree mai uma ahi suar sa'e maka’as entaun sira halai filafali, e sira halai filafali mai uma ahi han tiha hotu ona”, esplika nia.

Ba situasaun ne'e, Autoridade Suku fó hatene ona ba Xefe Aldeia Uligata, atu halo levantamentu fotografia uma ida ahi han, depois mak sira bele halo levantamentu ba dadus. (*)

Tempotimor (Díli)-Sekretáriu Estadu Komunikasaun Sosiál (SEKOMS) dadaun ne'e dezenvolve hela asaun tolu hodi kombate dezinformsaun eleisaun jerál iha Timor-Leste.

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão no Kandidatu Prezidente Repúblika (PR) període 2022-2027, José Ramos Horta rekoiñese dadauk seitór edukasaun iha Timor-Leste sei enfrenta dezafiu kona-ba kualidade.

Tempotimor (Dili)-Konsellu Superior Partidu Kmanek Haburas Unidade Nasionál Timor Oan (KHUNTO), José dos Santos ‘Naimori Bukar’ hatete, nia parte moe bainhira Partidu Congresso Nacional de Reconstrução de Timor (CNRT) seiduak iha matenek atubele kandidata-an ba Prezidente Repúblika (PR) període 2022-2027.

Tempotimor (Díli)-Governu liuhusi Sekretária Estadu Komunikasaun Sosiál (SEKOMS) halo ona planu atu lansa plataforma online Boa Notísia Timor-Leste.

Tempotimor (Dili)-Diretór Jerál Administrasaun Finasas Ministériu Defeza (MD), Nuno Carvalho hatete, to’o agora seidauk iha Kompaña ida mak hatudu nia interese hodi konkore konkursu públiku ba manutensaun Ró Navál Jaco no Betanu ne’ebé avaria hela.

Tempotimor (Dili)-Banakada Partidu Congressional Nasionál de Reconstrução de Timor (CNRT) iha Parlamentu Nasionál akuza Governu daualu la seriu halo atendementu hodi resolve problema vítima dezastre naturál tanba to'o agora balun sei kontinua hela nafatin iha sentru evakuasaun.

Tempotimor (Dili)-Ministru Obras Públika (MOP), Abel Pires da Silva, realiza enkontru ho dirijente sira husi diresaun no instituisaun autónomu sira hodi halo avaliasaun ba servisu no operasaun atividade iha Ministériu Obras Públika.

Tempotimor (Dili)-Komandante Komponente Navál foun, Kapitaun Mar e Gerra Higinio da Neves hatete, nia parte promete sei kontinua servisu Komandante Komponente Navál ne’ebé iha ona hodi dezenvolve sai forsa ne'ebé profesionál iha futuru.

Tempotimor (Dili)-Governu Konstitusionál daaualu liuhusi Ministru Justisa (MJ) iha tempu badak sei distribui sertifikadu rai nia ba sidadaun Estranjeiru no Timooroan rasik.