Items filtered by date: Monday, 23 August 2021

Tempotimor (Dili)-Prezidente Komisaun A (trata asuntu Konstitusionál no Justisa), deputadu Joaquim dos Santos hatete, komisaun A sei haruka relatóriu no paresér kona-ba diskusaun espesialidade projetu-lei eleitorál munisipál ba meza Prezidente Parlamentu Nasionál (PN) atu ajenda ba diskusaun finál globál.

Tempotimor (Dili)-Diretór Ezekutivu Centro Estudos Para a Paz e o Desenvolvimento (CEPAD), João Boavida, krítika Partidu Polítiku (ParPol) ne'ebé buka votu durante situasaun Estadu Emerjénsia, tanba kontra regra prevensaun Covid-19 no medida hodi halibur ema barak iha atividade konsolidadaun.

Tempotimor (Dili)-Sekretáriu Estadu no Komunikasaun Sosiál (SEKomS), Mericio Juvinal dos Reis 'Akara', kongratula ezistensia Rádiu Komunidade ho defisiensia ne'ebé sei lansa iha fulan-setembru tinan 2021.

Tempotimor (Dili)-Sentru Integradu Jestaun ba Krize (SIJK) rejista kazu pozitivu foun Iha loron 23 fulan-agustu hamutuk 187, iha na’in-96 simu ona vasina ba prevensaun Covid-19.

Tempotimor (Dili)-Komisaun A trata asuntu Konstitusionál no Justisa iha Parlamentu Nasionál (PN) rekoiñese lapsu ne'ebé mosu iha Dekretu númeru 43/V, kona-bá alterasaun dahuluk ba Lei Resenseamentu Eleitorál númeru 5/2016, loron 25 fulan-Maiu.

Tempotimor (Dili)-Médiku Espesialista Timoroan, Nelson Martins hatete, Timor-Leste tenke muda lalais estratéjia prevensaun no mitigasaun hasoru variante Delta, tanba Covid-19 hahú hamate Timoroan balun no la'ós mate ho Covid-19.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, timoroan ida infetadu diagnóstikadu Covid (PCR pozitivu, CT Egene 22, N2gene 24,7) mate iha Postu Administrativu Gleno, Munisípiu Ermera.

"Totál óbitu ne’ebé relata ohin 23 Agostu 2021 na'in-1 (ida) mane ho idade tinan 68, Timoroan, diagnóstikadu Covid-19 (PCR pozitivu, CT Egene 22, N2gene 24,7)", dehan nia liuhusi komunikadu imprensa, segunda (23/08).

Matebian hela iha Gleno-Ermera iha 16 Agostu 2021 no  hahú hala’o izolamentu iha loron 17 Agostu tinan 2021. Matebian iha mós problema hipertensaun no iha loron 17 Agostu, pasiénte ninia saturasaun oksijénio la normal nune'e hahú hatudu sinál sindroma insufisiénsia respiratória aguda (SIRA), maibé matebian ho família lakohi atu transfere mai halo tratamentu iha Dili.

Iha loron 23 fulan-agustu, madrugada matebian isin manas, saturasaun oksijéniu tu’un-maka’a no matebian iis-kotu 11h20 dader. Família  la aseita hala’o funeral tuir protokolu ne’ebé adopta iha Timor-Leste. (*)

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, klarifika ba públiku katak Governu fahe Set Top Box (STB) ba komunidade sira atu instala sistema Dijitál Tranzmisaun Multimedia Terrestre (DTMT) liuhusi Rádiu Televizaun Timor-Leste, empreza públika(RTTL,ep) hanesan programa Governu, tanba laiha interese partidu iha laran.

Tempotimor (Dili)-Deputadu Bankada Kongressu Nasionál Rekonstrusaun Timor (CNRT), Domingos de Carvalho hatete, Kmanek Haburas Unidade Nasionál Timor Oan (KHUNTO), tenke simu realidade tanba Komisaun Anti Korrupsaun (KAK) deteta Ró Tranship II Gresik iha duni indisiu ba krime korrupsaun.

Tempotimor (Kelikai)-Reprezentante Inan aman, Jaime Belo hatete, Ministériu Saúde (MS) abandona hela estudante bolseiru medisina hamutuk na’in-18 ne’ebé kontinua hela estudu iha Kediri-Indonézia.