Items filtered by date: Thursday, 29 July 2021

Tempotimor (Díli)-Hafoin inséndiu iha Eis merkadu Comoro ne'ebé akontese iha Kinta (29/07) madrugada, iha parte kalan Eis Prezidente Repúblika Timor Leste Xanana Gusmão hala'o vizita kedas komunidade vítima inséndiu iha fatin refere no lori mós apoiu non-food items ba vítima sira.

Iha vizita ne'e komunidade no vítima inséndiu sira simu atuál Prezidente partidu Kongresu Nasionál Rekonstrusaun Timor Xanana Gusmão, hodi hakilar Viva Avo Nana no Viva CNRT, maibé Xanana bandu no lakohi komunidade temi CNRT nia naran.

"Labele temi CNRT, tanba ha'u mai la'ós CNRT" si'ak Xanana Gusmão ho espresaun hirus ba komunidade sira iha eis Merkadu Comoro, Kinta (29/07).

Hafoin la'o hale'u fatin inséndiu ne'e jornalista www.tempotimor.com mós hetan Komunikasaun líder nasionál kona-ba lista vítima inséndiu sira nian.

"Fo to'ok lista ne'e mai ha'u haree" katak Xanana.

Alende ne'e vítima inséndiu Feliciano Amaral sente kontente no orgullu tanba hetan vizita husi Xanana Gusmão iha Merkadu Comoro.

"Ha'u kontente no orgullu tebes tanba Avo mai vizita netik ami," dehan Feliciano iha Merkadu Comoro.

Entretantu kareta baskolante ida ne'ebé akompanha líder Nasional ne'e nakonu ho sasán non-food item hanesan lona, biti no seluk tan.(*)

Tempotimor (Manufahe)-Sekretáriu Estadu Kooperativa (SEKoop), Elizário Ferreira hatete membru kooperativa sira iha mak sai baze ba kooperativa atu moris no dezenvolve ba futuru, maibé la'ós osan, tanba osan bele fasilita de’it programa ne’ebé membru sira halo.

Tempotimor (Manufahi)-Sekretária Estadu Kooperativa (SEKoop) fó sertifikadu apresiasaun ba Autoridade Munisípiu Manufahi ne’ebé durante ne’e apoiu hodi fasilita distribuisaun sesta bázika (SB).

Tempotimor (Díli)-Sekretáriu Estadu Juventude no Desportu (SEJD), Abrão Saldanha ho Embaxadór Xina iha Timor-Leste, Xiaon Jiangou ko’alia partisipasaun nasaun Timor-Leste (TL) iha jogu Olimpiku tinan 2022.

Tempotimor (Dili)-Kooperativa Multiseitoral Todan Kaman, Bin Maun (TOKA-BM) durante ne’e hahú akomoda osan ho montante hamutuk US$1,755 iha kofre. Maske ne’e foin hari’i iha loron 27 fulan-Juñu tinan 2021, foin kompleta fulan ida ho membru hamutuk na’in 53, maibé membru sira akomoda ona kapitál finanseira.

Tempotimor (Dili)-Koordenadór Nasioanal Rede ba rai, Hortencio Pedro Viera hatete, rede ba rai preokupa tebes ho governu nia asaun ne'ebé ameasa dudu ses povu sai husi sira-nia hela fatin.

Tempotimor (Dili)-Ministru Edukasaun Juventude no Desportu (MEJD) Armindo Maia, agradese Programa Ai-hán Mundiál (World Food Programme-WFP) ne'ebé apoiu máskara kaixa 17.000, palleta rihun-haat-limanulu (4050) no armajen movel neen (6) ba MEJD atu oferese ba eskola sira ne'ebé mak presiza.

Tempotimor (Díli)-Prezidente Partidu Kongresu Nasionál Rekonstrusaun Timor (CNRT), Kay Rala Xanana Gusmão, haree direta vítima inséndiu eis merkadu Komoro.

Tempotimor (Dili)-Prezidente partidu Kongresu Nasionál Rekonstrusaun Timor (CNRT),  Kay Rala Xanana Gusmão, tuun no haree direta ba fatin akontesimentu ne'ebé rezulta vítima 500 resin mak lakon uma no sasan.

Tempotimor (Dili)-Embaixadór na’in-3 (tolu) no enviadu espesiál na'in-ida hasoru malu ho Prezidente Parlamentu Nasionál (PPN),  Aniceto Longuinhos Guterres Lopes, hodi rona idea balun molok hala’o misaun Estadu nian iha rai-liur.