Login to your account

Username *
Password *
Remember Me

Items filtered by date: Monday, 26 July 2021

Tempotimor (Díli)-Diretór Ezekutivu Ospitál Nasional Guido Valadares (HNGV), Alito Soares, mete pesoál saúde mane sira ne’ebé isin tato no brinkus iha tilun, tanba preokupa hodi mete privasidade ema nian.

Published in Saude

Tempotimor (Dili)-Membru Komisaun Permanente husi Bankada Congresso Nacional de Reconstrução de Timor (CNRT), deputadu Domingos de Carvalho, deskonfia governu politiza Orsamentu Raktifikativu (OR), tanba seidauk rezolve problema estrada sira ne'ebé hetan estragu husi inundasaun.

Published in Politika

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu covid-19 ativu iha Timor-Leste hamutuk 656 no kazu ne’ebé deteta foun iha na'in-6.

Published in Saude

Tempotimor (Dili)-Sekretária Estadu ba Komunikasaun Sosiál (SEKomS), Mericio Juvinal Dos Reis ‘Akara’ hatete, sente orgullu no apresiza formasaun língua Portugés ba Jornalista ne'ebé fasilita husi Instituto Camões, tanba jornalista sira hahú ona progresu hakkerek iha língua Portugés

Published in Politika

Tempotimor (Díli)-World Vision Timor-Leste (WVTL) hamutuk ho Comição Nacional Justiça e Paz (CNJP) selebra akordu ba programa protesaun labarik no selebrasaun na família hodi bele implementa iha Timor-Leste.

Diretór Comição Nacional Justiça e Paz, Padre Demetrio da Coceição Xavier esplika, CNJP iha pakote programa ida atu hari’i paz iha komunidade nia leet hanesan halo identifikasaun risku ne'ebé aas atu implementa sira-nia programa.

“Durante iha ami-nia servisu iha komisaun Justisa e pas ne'e iha pakote ida kona-ba dame nian, e pakote ida ne'e ami tun ba sosiedade iha área sira ne'ebé konflitu nian ba sira ne'ebé iha violénsia iha maka’as bainhira ami a halo asesmentu ami ba identifika fatin sira ne'e halo halo ekipa hodi tun atu ko'alia kona-ba dame nian”, hatete Demetrio dan Coceição Xavier iha Arkedioseze Dili, Lesidere, segunda (26/07).

Hafoin asesmentu CNJP aprezenta ba programa rua ba WVTL hanesan protesaun ba labarik inklui selebrasaun na família ne'ebé sei foku de'it ba labarik sira atu nune'e komunidade sira bele sai di'ak liután.

Iha sorin seluk Diretora Nasionál World Vision Timor-Leste (WVTL), Migena Shulla hatete, akordu ne'e iha prosesu formaliza no sei apoiu tékniku atu fó atendimentu ba komunidade sira.

“Ohin (26/07) asina nota de entendimentu ida ne'e hanesan prosesu ida atu formaliza komitmentu husi worl Vision ninian halo parseria hamutuk ho igreja atu nune'e fó apoiu tékniku nomós parte Igreja niniam atu kolabora di'ak liután hodi fó atendimentu iha komunidade sira”, dehan Migena Shulla.

Tuir planu programa protesaun labarik no selebrasaun na família ne'e sei halo iha Munisípiu Aileu postu administrativu Remexio no Lekidoe durante tinan ida nia laran. (*)

 

Published in Politika

Tempotimor (Dili)-Reuniaun entre Konsellu Superior Defeza Seguransa (KSDS) ho Konsellu Estadu (KE) iha loron segunda (26/07), rekomenda ba Prezidente Repúblika (PR), Francisco Guterres 'Lú Olo', atu kontinua haruka pedidu governu Estadu Emerjensia (EE)  dala-16 ba Parlamentu Nasionál (PN).

Published in Politika

Tempotimor (Dili)-Prezidente Repúblika (PR), Francisco Guterres 'Lú Olo', iha selebrasaun loron Mundiál Konservasaun Floresta Ai-Parapa, segunda (26/07), husu ba Governu liuhusi Ministériu Agrikultura no Peskas (MAP) atu prepara estratéjia ba jestaun floresta ai-parapa, atu iha matadalan rasik ba jestaun no uzu.

“Husu espesialmente ba Ministériu Agrikultura no Peskas atu prepara Estratéjia Nasionál ba Jestaun Floresta Ai-Parapa hodi iha matadalan rasik ida ba jestaun no uzu sustentável ba rekursu naturál importante ida ne’e, ho partisipasaun komunidade sira-nian, liliu husi sira ne’ebé depende ba rekursu tasi nian hodi sustenta família”, dehan PR Lú Olo liuhusi mensajen ne’ebé lee husi asesór Reinaldo Junior Freitas Baptista Belo, iha Palásiu Prezidensiál Bairopite, segunda (26/07).

Haree ba funsaun ai-parapa nian, iha loron importante ne’e, Prezidente Repúblika apela ba sidadaun hothotu atu kuda ai-parapa no ai sira seluk iha ámbitu kampaña nasionál hanaran “sidadaun ida, ai-oan ida”, ne’ebé lansa iha fulan-janeiru tinan 2019.

Tanba ai-parapa mós iha ninia funsaun mak tais no hamoos ambiente ba animal no ema, fatin reprodusaun, viveiru ba espésie oioin, fatin ba balada fuik sira no satan laloran.

Nune'e, Prezidente Repúbilka apresia inisiativa organizasaun Konservasaun Flora no Fauna (KFF) ne’ebé nia membru sira dedikadu no determinadu hodi promove no proteje ai-parapa ne’ebé sai buras ba beibeik ho fasilidade oioin.

“Aproveita okaziaun ohin atu husu ba Governu tomak, liliu ba Ministériu Agrikultura no Peskas nomós ba Sekretaria Estadu Ambiente no entidade sira seluk, atu haree oinsá tulun KFF, organizasaun ne’ebé iha joven badinas no determinadu, ho moto proteje Natureza, atu garante ita hotu nia bein-estar no dezenvolvimenu sustentável ba Timor-Leste”, dehan Lú Olo.

Área ba ai-parapa iha Timor-Leste menus ba beibeik, tanba ne’e iha de’it ektar 1,300, área ida kiik liu ba liña kosteira naruk ho kilometru 735. Nune’e Governu presiza tulun organizasaun Konservasaun Flora no Fauna (KFF) ba protesaun ai-parapa, garante bein-estar ema hotu nian no ba dezenvolvimentu sustentavel.

Amaibé agradese ba UNDP tanba fó apoiu finanseiru ba KFF atubele realiza nia mehi ba promove no proteje ai-parapa.

Iha tinan-2019, Prezidente Repúblika rekoñese no valoriza organizasaun Konservasaun Flora no Fauna ho Prémiu Direitus Umanus Sergio Viera de Mello ba kategória Direitu Ekonómikus no Sosiál. (*)

Published in Politika

Tempotimor (Dili)-Deputada Bankada Partidu Demokrátiku (PD), Elvina Sousa konsidera, desizaun Konsellu Superior Polísia Nasionál Timor-Leste (PNTL) hodi demite membru na'in-tolu (3) husi instituisaun PNTL la vale tanba desizaun finál iha Tribunál Rekursu (TR).

Published in Politika

Tempotimor (Dili)-Polísia Nasionál Timor-Leste (PNTL) liuhusi Servisu Investigasaun Kriminal Nasionál (SIKN) kaptura suspeitu hamutuk na'in-4 ba kazu oho joven Hilário Fitalício Soares, ne'ebé akontese iha área Delta-3, Suku Komoro, Postu Administrativu Dom Aleixo, Munisípiu Dili.

Published in Seguransa Defesa

Tempotimor (Dili)-Membru Komisaun Permanente husi Komisaun F trata asuntu Saúde, Seguransa Sosiál no Igualdade Jéneru, iha Parlamentu Nasionál (PN) la konsege aprova relatóriu pareser ba projetu-lei Protesaun Diretu Labarik, ne'ebe inisia husi deputadu sira.

Published in Politika
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter