Login to your account

Username *
Password *
Remember Me

Items filtered by date: Friday, 23 July 2021

Tempotimor (Dili)-Ministra Saúde (MS), Odete Maria Freitas Belo, rekoiñese la destaka ekipa médiku sira iha pontu entrada hodi dezinfekta ba ema transporte sira ne'ebé tama sai kapitál Dili, tanba durante ne'e okupadu liu ba programa nasionál vasinasaun kontra Covid-19 nian.

“Hanesan ohin ha'u dehan katak, ho fronteira ne'ebé mak taka, ho kazu ne'ebé mak ita haree, prontu atubele tun, e depois ami mós foka liuba servisu iha vasinasaun nian, ha'u la'ós ko’alia dehan loos duni ka la’e, maibé bele mós sira fó atensaun ba servisu ou programa vasinasaun nian e aumezmu tempu karik ho mós rekursu umanu ne'ebé mak ita iha, sira balu tau matan mós ba, hanesan horisehik ami ba Suai, sira balu ba hala’o servisu ou tau matan ba ita-nia sidadaun sira ne'ebé tama husi fronteira ne'ebé halo hela iha kaurentena Suai nian”, dehan Odete iha Sentru Konvensaun Dili, sesta (23/07).

Tanba akompaña liuhusi média katak, deputadu sira iha Parlamentu Nasionál levanta duni kestaun ne’e iha plenária dehan médiku sira la servisu hamutuk ho Polísia Nasionbál Timor-Leste (PNTL) iha pontu-entrada sira.

“Agora, kona-ba kestaun ne'ebé mak ohin ita-boot sira leventa, ha'u haree iha parlamentu nasionál mós levanta, asuntu, katak ita-nia seguransa sira ne'ebé mak servisu iha fronteira iha, maibé iha pesoál saúde laiha ne'ebá”, haktenik nia.

Maibé variante Corona-Delta ne'ebé tama tan ona iha Timor-Leste ne'e, Ministériu Saúde sei buka esforsu hodi halo jestaun ba servisu sira iha ministériu nian, atu asegura populasaun sira bele livre husi vírus foun ne'e.

“Mais ha'u espera katak ho variante foun ne'ebé mak iha, ohin ami ko’alia ona atubele haree filafali ba jestaun sira uluk ne'ebé ita halo, haforsa ita-nia fronteira, jestaun iha rai laran, iha kuarentena, iha izolamentu, atubele asegura katak moras ne'e labele aas liu, e labele afeta ita, lori ita ba situasaun ne'ebé mak pior liu, e ita lakohi espera”, hatete nia.

Entretantu, iha loron kinta (22/07), Segundu Komandante PNTL Munisípiu Dili, Superintendente Polísia, João Sancho Pires, kestiona kona-ba invizibilidade (la prezensa) médiku sira-nian iha pontu entra Metinaru, Tasitolu ho Kasfar, no husik polísia mesak mak halo servisu dobru.

“Ita laiha saúde ida ne'ebé mak iha ne'ebá. Iha lei ne'e dehan katak, qualquer karreta sé de'it atu tama, tenke dezinfekta ne'e, saúde mak halo dezinfekta buat ne'e hela, ne'e lei mak ko’alia hela. Maibé, durante ne'e polísia mak halo servisu hela iha terrenu, laiha saúde ida iha ne'ebá. Sira ne'ebé voluntáriu balu mak servisu hamutuk ho PNTL servisu iha ne'ebá, maibé laiha saúde”, dehan nia. (*)

Published in Saude

Tempotimor (Díli)-Primeiru Ministru (PM), Taur Matan Ruak, orienta Ministru Obras Públikas (MOP), Salvador Eugénio Soares dos Reis Pires no Prezidente Institutu Jestaun Ekipamentus (IJE), Hermenegilda da Costa Laurentina, atu loke estrada koneksaun husi suku Metiaut ba to’o Kamea.

“Estrada ida-ne’e uluk SEFOPE mak loke maibé falta kilómetru 1 liu, ha’u-nia hanoin ne’e imi loke liga tiha (halo koneksaun estrada husi Metiaut to’o Kemea iha foho leten)”, dehan PM Taur bainhira hala’o vizita ba estrada refere iha suku Metiaut, Postu Administrativu Cristu Rei, tuir informasaun ne'ebe www.tempotimor.com asesu husi pajina MOP, kuarta (23/07).

Iha oportunidade ne’e, fó apresiasaun ba servisu MOP no IJE liliu ekipa tékniku sira ne’ebé halo servisu maka’as hodi halo mudansa iha mandatu Governu nian, hodi loke estrada ba área rurál sira.

“Ha’u apresia imi-nia servisu, ha’u la’ós dehan ha’u foin Primeiru Ministru ba Governu ida-ne’e mak apresia imi-nia servisu, ha’u uluk sei Prezidente ha’u haree tanba ne’e mak ha’u mai ne’e haree iha diferénsia ida e kontinua nafatin hanesan ne’e”,  dehan nia.

Nune'e Ministru Obras Públikas (MOP), Salvador Eugénio Soares dos Reis Pires, informa vizita tereñu ne’e hodi loke estrada foun iha área Metiaut nian liga ho Kamea.

“Ohin Sr. Primeiru Ministru konvida ha’u ho Prezidente IJE mai haree hela dalan ligasaun Metiaut ba Kemea ne’ebé uluk Governu anteriór loke balun ona, no iha posibilidade halo abertura foun atubele halo koneksaun ba estrada ne’ebé ejiste ona iha Kamea, nune’e ligasaun Kamea ho Metiaut bele iha dalan korta (dalan liuhusi foho leten husi Metiaut to’o Kamea nian). Ida-ne’e mak ohin ita lori ho Sra. Prezidente ho nia ekipa no mós Diresaun Nasionál Estrada, Sr. Diretór ho nia ekipa, xefe departamentu no tékniku sira atu haree posibilidade, orsida sira sei koordena ho na’i-liurai atu identifika pontu de abertura ne’e husi ne’ebé”,  informa nia

Entrentantu Prezidente IJE, Hermenegilda da Costa Laurentina hatete, ekipa IJE sei ba fali iha tereñu hodi foti dadus antes mobiliza ekipamentu pezadu ba tereñu hodi halo servisu.

“Ohin  Primeiru Ministru no Ministru Obras Públikas ami mai hamutuk haree estrada diresaun Metiaut ba Kamea, no ha’u hanoin ohin ekipa husi obras públikas nian, inklui parte IJE ho nia ekipa haree tiha ona no ami mós rona orientasaun husi S. Exa, Sr. Primeiru Ministru no Sr. Ministru iha posibilidade tempu badak ekipa husi IJE ho enjinéiru sira sei foti dadus depois de foti dadus mak ita foin hatene, relata filafali relatóriu survey para ita bele hatene katak servisu refere presiza tempu hira, presiza mákina tipu saida-saida, ami sei prepara sira-nia osan hán, no seluk tan, bainhira ekipa sira preparadu ona administrativu kompletu ona ami bele mai ona halo servisu”, deklara nia. (*)

 

Published in Politika

Tempotimor (Dili)-Ministru ba Asuntu Parlamentár no Komunikasaun Sosiál (MAPKomS), Francisco Martins Jerónimo, simu audiénsia husi  Diretór Ezekutivu Kompaña Telekomunikasaun Telemor, hodi aprezenta preparasaun apoiu setór komunikasaun sosiál (KS) iha Timor-Leste (TL).

Published in Politika

Tempotimor (Díli)-Koordenadór Forsa Tarefa ba prevensaun no mitigasaun Surtu Covid-19 iha Timor Leste, Rui Maria de Araújo hatete, sidadaun ne'ebé rekoperadu ona husi Covid-19 bele simu Vasina primeira doze ka segundu Doze.

“Aproveita hato'o ba jornalista no populasaun katak ema ne’ebé detetatu pozitivu, uainhira rekuperadu ona, bele simu vasina doze dahuluk ka doze daruak. Laiha kontra-indikasaun médika. Lo'os duni, iha sertifikadu alta husi izolamentu, hakerek informasaun hanesan tuir mai ne'e “Ema ne'ebé rekuperadu, di'ak-liu hein to'o máximu fulan 6 (neen) sura husi loron alta, mak foin simu vasina”, dehan Rui liuhusi Komunikadu, sesta (23/07).

Informasaun ida ne'e, fo'o sai ho baze ba númeru vasina ne’ebé seidauk sufisiente atu kobre populasaun Timor-Leste. Maibé, tanba iha ona númeru vasina ne’ebé boot, ema hotu ne’ebé rekuperadu husi moras Covid-19, wainhira hakarak simu ona vasina, bele hakbesik ba postu vasina, atu simu vasina.

Aliende ne’e, informa ba públiku katak rezultadu sekuensiasaun genómica husi amostra 300 ne’ebé Laboratoriu Nasionál Saúde (LNS) haruka iha loron 14 fulan-Jullu tinan 2021 ba Peter's Doherti Institute iha Melbourne, Austrália, ho pedidu atu halo teste urjente ba amostra balun, hatudu katak amostra husi ema ni’in-4 ne’ebé tama husi Indonézia iha loron 26 fulan-Juñu ho loron 8 fulan-jullu, iha lineajen B.1.617.2 (Delta), variante ne'ebé preokupante, ka “variant of concern”.

Maibé sira na’in-4 iha hotu fatin kuarentena no izolamentu, 1 negativu ona no fila ona ba uma, na’in-3 sei nafatin sei iha izolamentu. To'o agora seidauk iha evidénsia katak variante ida ne'e, nakda'et ona iha komunidade.

Kazu detetatu foun ne’ebé relata iha loron 23 fulan-jullu tinan 2021: 54 (iha Dili 40, Munisípiu seluk hamutuk 14) feto 25, no mate 29 nune'e kazu rekoperadu hamutuk 45. (*)

 

Published in Saude

Tempotimor (Dili)-Diretór Jerál Administrasaun Finansas husi Ministériu Ensinu Superior Siénsia Kultura (MESSK), Hernani da Costa Soares hatete, ministériu asina ona kontratu ho operadór telekomunikasaun 3 atu oferese pulsa ba estudante 38.107 husi Institutu Ensinu Superior.

Published in Edukasaun & Kultura

Tempotimor (Díli)-Embaixadór Estadu Unidu Amérika (EUA) mai Timor-Leste, Kevin Blackstone hatete, EUA sei apoiu Aviaun ho Marka Cessna 206 ba Falintil-Forsa Defeza Timor-Leste (F-FDTL) hodi kontrola Peska Ilegál iha tasi Timor.

Published in Seguransa Defesa

Tempotimor (Dili)-Ministra Saúde (MS), Odete Maria Freitas Belo, deklara ofisialmente Variante Delta Covid-19 da'et ona ema na'in 4 Timor-Leste (TL).

"Aproveita Komunikadu Imprénsa ohin, atu informa ba públiku katak, rezultadu sekuensiasaun genómika husi amostra 300 ne’ebé Laboratóriu Nasional Saúde haruka iha dia 14 de Jullu de 2021 ba Peter’s Doherti Institute iha Melbourne, Australia, ho pedidu atu halo tes urjenti ba amostra balun, hadutu katak, amostra husi ema na'in 4 ne’ebé tama husi Indonézia iha dia 26 de Juñu ho dia 8 de Jullu, iha lineajen B.1.617.2 (Delta), variante ne’ebé preokupante, ka ‘’variant of concern’’,informa Ministra Odete, liuhusi Konferénsia Imprénsa iha Centro Convenções de Dili, sesta (23/07).

Maibé, sira na'in 4 ne’e iha hotu ona fatin kuarentena no izolamentu, 1 negativu ona, no fila ona ba uma, na'in 3 sei nafatin sei iha izolamentu.

Maske nune'e, to’o oras ne'e seidauk iha evidénsia katak Variante Delta ne’e, hada’et ona iha komunidade.

Tanba ne'e, atu evita moras ne'e husi TL, husu ba populasaun sira hotu atu partisipa iha programasaun nasional vasinasaun Covid-19.(*)

 

Published in Saude

Tempotimor (Díli)-Embaixadór Estadu Unidus Amérika (EUA) mai Timor Leste, Kevin Blackstone hatete, Estadus Unidus Amérika hakarak apoiu máximu iha área aviasaun Militár sivíl iha Timor-Leste (TL).

Published in Politika

Tempotimor (Dili)-Governu Timor-Leste (TL) dadaun ne’e simu ona vasina AstraZeneca no Sinovac hamutuk 464.380 husi nasaun Austrália, Xina no Portugal.

Published in Saude

Tempotimor (Dili)-Komisaun Interministerial ba Planu Vasinasaun Kontra Covid-19 deklara progresu programa vasinasaun nasionál hatudu populasaun sira iha munisípiu Covalima, Dili no Vikeké, partisipa ativu tanba maioria simu ona vasina hodi proteje-an husi moras Covid-19.

Published in Saude
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter