Items filtered by date: Wednesday, 21 July 2021

Tempotimor (Dili)-Tribunál Kámara Konta iha kuarta (21/7), hahú halo auditória ba jestaun finansas no rekursu umanu iha Parlamentu Nasionál (PN) durante loron haat nia laran.

Tempotimor (Dili)-Dadus husi Servisu Saúde Munisípiu Dili hatudu populasaun iha Postu Administrativu Dom Aleixo, Cristo Rei ho Ataúru nian hamutuk rihun-3.415 seiduak partisipa iha programa nasional Vasina Covid-19 iha Timor-Leste.

Tempotimor (Díli)-Governu Timor-Leste liuhusi Konsellu Ministru (KM) deside propoin estadu Emerjénsia iha Munisípiu Dili ba loron 30 iha fulan-Agostu to'o Setembru.

Tempotimor (Dili)-Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur hatete, nia parte seidaun deklara kandidata-an tanba sei hein Prezidente Repúblika (PR), Francisco Guterres 'Lú Olo', dekreta loron ba eleisuan Prezidenisál ninian.

Tempotimor (Dili)-Prezidente Partidu Congresso Nacional Reconstruçăo Timor-Leste (CNRT), Kay Rala Xanana Gusmăo, husu ba autoridade lokál atu mobiliza populasaun sira iha Postu Administrativu Ataúro, Cristo Rei, Dom Aleixo, Munisípiu Dili, atu partisipa programa nasional Vasina hodi prevene-an husi surtu Covid-19.

"Iha Dili, ha'u la'o ba mai haree, ema barak ba, komesa fiar dadauk ona, maibé iha Cristo Rei, nomós Dom Aleixo no Ataúro rasik, populasaun ladun book-an. Ha'u husu ba populasaun Cristo Rei ninian tenke book-an ba, ne'e ba imi-nia aan rasik, imi-nia família, maluk sira viziñu sira, ba ita tomak. Dom Aleixo mós favor ida, Xefe sira, Xefe Aldeia, Xefe Suku, favor boot ida, lori sira ba. Ne’e la’ós halimar, favor boot ida, xefe aldeia sira, Xefe suku, imi hotu ko’alia ho populasaun ba vasina”, dehan Xanana, hafoin kompleta vasina Sinovac doza daruak iha Klínik Maternidade Fatumeta, Dili, kuarta (21/07).

Maibé husu mós ba populasaun Ataúro atu book-an, lalika tauk vasina, tanba vasina atu proteje-an, família, populasaun no viziñu sira.

“Ha'u halo apelu ida ba Cristo Rei, populasaun, ba Dom Aleixu populasaun, no na Ataúro. Ita selu karik, mak dehan selu vasina ba mak dehan katak ami osan laiha. Ba (vasina). Administradór Cristo Rei, Xefe Suku Sira, Xefe Aldeia sira,  Administradór Dom Aleixu, Xefe Suku sira, Xefe Aldeia sira, book-an ba”, hatete nia.

Tanba informasaun globál, iha mundu ema kuaze rihun ba rihun mak mate tanba surtu Covid19, no kuaze ema rihun mak sei iha problema ho Covid-19, iha Ospitál sira.

"Ita-nia sorte ne’e mak tanba rai ida, illa ida ema la tama, tanba covid ne'e importandu, maibé, husu ba imi hotu atu kuidadu-an ba. Imi-nia responsábilidade ba sira. Ne'e duni, imi tenke hamutuk, lori populasaun ba vasina. Bainhira ita hotu hetan vasina, ita livre ona. Ha'u-nia mensajen mak ne'e”, informa Xanana. (*)

Tempotimor (Díli)-Espoza Prezidente Repúblika Demokrátika Timor-Leste, Cidália Nobre Mouzinho, sente orgullun ho kreatividade joven sira hodi transforma natureza sai fatin turizmu.

Tempotimor (Dili)-Prezidente Partidu Congresso Nacional de Reconstruçăo de Timor (CNRT), Kay Rala Xanana Gusmăo, iha kuarta (21/07), kompleta ona Vasina Sinovac doze daruak iha Klínika Maternidade Fatumeta, Dili.