Items filtered by date: Wednesday, 26 May 2021

Tempotimor (Dili)-Sentru Integradu Jestaun ba Krize (SIJK) fó sai tuir taxa Insidénsia iha kuarta (26/05) hatudu Munisípiu Dili kontinua sa’e maka’as no tuir kedan Bobonaro ho Covalima sai risku mean hada’et virus SARS-CoV-2 ba populasaun.

Tempotimor (Dili)-Forum Organizasaun Naun Governamentál Timor-Leste (FONGTIL), 'duun' ba governu konstitusionál mak kontribui ba hadaet kazu infetadu covid-19 iha Timor-Leste (TL), tanba laiha seriedade atu kontrola regra sira iha komunidade.

Tempotimor (Dili)-Sentru Intgradu Jestaun ba Krize (SIJK) rejistu pasiénte Covid-19 hamutuk ema na'in-5 grave iha Izolamentu Vera Cruz, Suku Kaikoli, Postu administrativu Vera Cruz.

Tempotimor (Dili)-Polísia Nasional Timor-Leste (PNTL) dadaun ne’e kontinua razia iha kapitál Díli hodi halo pasa revista ba transporte ne’ebé dokumentu mate (liu prazu) antes Governu aplika serka sanitária. 

Komandante Polisiamentu Komunitáriu Nasionál Superintendente, António da Luz hatete, dokumentu motorizada ne’ebé expira iha tempu Serka Sanitária (SS) ne'e oportunidade ba motorista bele livre tanba hotu hasoru hela situasaun Covid 19.

“Sira ne'ebé dokumentu mate ne'e livre hela maibé mate iha SS nia laran, labele mate iha tinan 2017 no 2018 ne'e mak sei uza nafatin ne'e labele maibé agora ne'e foku liu ba sira ne’ebé laiha liu karta Kondusaun (SIM)”, dehan António da Luz iha Palásiu Governu, kuarta (26/05).

Ba sidadaun ne’ebé karta kondusaun mate iha SS nia laran sei fó toleránsia, maibé laiha dokumentu sei prende, tanba ne’e parte ida eduka sidadaun atubele respeita regra.

Bainhira sidadaun laiha dokumentu lori motorizada kuandu akontese dezastre ruma sei mosu problema maibé iha dokumentu sei ajuda sira hodi hakamaan pena.

“Kuandu sira soke ema mak sira iha karta kondusaun (SIM) dala ruma ba sei bele ajuda sira mais kuandu sim laiha mak sira soke ema lei kondena tan sira, sira sei selu tan ema nia sasán entaun parte ida eduka sira”, dehan nia.

Nune'e motorizada, Ono Felisiano ne'ebé hetan prende husi PNTL rekoñese sala tanba laiha karta kondusaun, maibé lori motorizada.

"Ha'u sai SIM laiha ne'e mak sira prende tiha ha'u, ohin ha'u selu US$9 ha'u rekoñese ha'u sala”, deklara Ono iha Komandu Munisípiu Díli, kuarta (26/05)

Motorizada sira ne'ebé PNTL prende iha Palásiu Governu nia oin iha loron kuarta (26/05) hamutuk 36 ne'ebé oras ne'e iha hela KMD no iha balu selu ona ina banku hodi foti filafali. (*)

Tempotimor (Dili)-Keuniaun Konsellu Ministru (KM) aprova ona rezolusaun governu hodi extende tan serka sanitária ba Munisípiu lima.

Tempotimor (Dili)-Governu liuhusi reuniaun Konselu Ministru aprova ona dekretu lei hodi halo kriasaun liña kréditu baratu ba Ensinu Superior Privádu ho Kualidade.

Tempotimor (Dili)-Governu liuhusi Institutu Nasionál Seguransa Sosiál (INSS) detekta funsionariu públiku balun husu subsídiu ne’ebé governu prepara ba setór privadu.

Tempotimor (Dili)-Bankada Congresso Nacional de Reconstrução de Timor (CNRT) iha Parlamentu Nasional (PN) kontra Governu ne'ebe obriga funsionáriu públika atu simu Vasina AstraZeneca.

Tempotimor (Dili)-Sekretáriu Estadu Protesaun Sivil (SEPS) liuhusi Diretór Nasionál Jestaun ba Risku no Dezastre, Agostinho Cosme Belo hatete, vítima hamutuk uma-kain 60 iha Sentru Evakuasaun Eskola 4 Setembru Balide reintrega ona ba komunidade.

Tempotimor (Dili)- Reiuniaun Konsellu Superior Defeza Seguransa (KSDS) no Konsellu Estadu (KE) iha palásiu prezidensiál Bairopite, kuarta (26/05), deside renova tan Estadu Emerjénsia ba dala-14.