Login to your account

Username *
Password *
Remember Me

Items filtered by date: Saturday, 03 October 2020

Tempotimor (Dili) - Ministru Petróleu no Minerais (MPM), Victor Soares informa, kompañia Timor Resources sei halo perfurasaun mina-rai iha rai-maran iha área Suai no Same.

Governante ne'e akresenta, tanba ho debate orsamentu jeral estadu tinan 2020, Timor Resources sei halo adiamentu ba perfurasaun mina-rai iha Suai no Same provizoriumente. Maibe, hafoin debate OJE, MPM rasik sei diretamente partisipa iha perfurasaun mina husi Timor Resources.

"Ha’u hanoin liu tiha ida ne’e (debate OJE) maka ami ba haree fatin para sira hahú halo perfurasaun," dehan nia, iha Parlamentu Nasional, Sesta (2/10).

Governante ne’e hatutan, kompañia Timor Resources iha kondisaun, inklui tekniku balun to’o ona iha Timor no ekipamentu iha ona fatin perfurasaun.

"Ekipamentu sira nian iha fatin hotu ona, sira iha kondisaun para atu hahú halo perfurasaun," dehan Victor.

Entertantu, kompañia Timor Resources sei halo perfurasaun mina-rai iha parte Suai hamutuk rua no Same nian ida, total hamutuk tolu. (*)  

Published in Ekonomia

TempoTimor (Dili)-Deskonfia Deputadu Bankada Konsellu Nasional Rekonstrusaun Timorense (CNRT), José Vergilho halo akuzasaun falsu hasoru Vise Ministru Interior (MI), Antonio Armindo katak, autorizasaun ba kareta markaToyota Fortuna ho sapa matrikula DH-1530 ED tama husi fronteira mai partisipa festa iha Atabae, Munisipiu Bobonaro.

Iha ambitu diskusaun ba pedidu Prezidente Republika (PR) hodi estende Estadu Emerjensia(EE) ba daneen (6) hamosu duvida ba publiku hafoin Deputadu CNRT, José Vergilho deklara katak, iha loron, 5 Setembru 2020 bainhira membru Deputadu sira fila husi Maliana, identifika kareta ida marka Toyota Fortuna ho sapa matrikula DH-1530 ED tama husi fronteira hodimai partisipa festa ida Atabae.

Tuir informasun ne'ebé Deputadu ne'e hetan husi komunidade, inklui parte Polisia Nasional Timor-Leste (PNTL) iha area ne'e katak, kareta refere tama mai tanba hetan autorizisaun husi Vise Ministru Interior.

Situasaun ne’e halo reprezentante povu husi bankada CNRT lamentavel tebes no husu ba membru governu atu kumpre lolos esteinsaun EE ne'ebé sira husu.

"Se Prezidente Republika dekreta tiha ona Estadu Emerjensia maka membru governu haruka kareta tama mai, ida ne'e hanesan membru governu ninia loyalidade iha ne'ebé," kestiona DeputaduCNRT ne’e.

Nia konsidera, aktu ne'e hutudu lakoi kumpri regra estadu emerjensia ne'ebé dekreta husi Xefi Estadu.

Hatan ba kestaun ne’e, Vise Ministru Interior,Antonio Armindo hateten,deputadu ne’e halo akuzasaun sein faktus.”

Iha sorin seluk, Deputadu Bankada Fretilin, David Dias XimenesMandati deklara, informasaun ne’e foin maka deskonfia, entaun presiza halo investigasaun.

Deputadu balun dehan katak, Vise MI maka orienta kareta tama husi fronteira, maibéi informasaun ida ne'e tenke halo investigasaun,” deklara Deputadu Mandati.

Entretanto tuir fontes Tempo Timor iha Mota Ain dehan kareta ne’ebe lori senor Yosep mai too Atabae ne’e tama legal no hetan autorizasaun husi autoridade balun maibe la’os vise Ministru Interior. (*)

Published in Politika

Tempotimor (Dili) - Preokupasaun públiku nian kona-ba pasiente Covid-19 ne'ebé sempre mosu de'it iha tempu ne'ebé Estadu Emerjénsia atu hotu, maibé governu rejeita Covid-19 iha TL nu'udar kriasaun polítika.

Vise-Ministru Saúde (MS), Bonifácio Maucoli hateten, Covid-19 mosu iha TL la'ós governu mak politiza, maibé realidade iha duni kazu.

"Ema nia interpretasaun ne'e katak polítikamente, maibé realidade hanesan ne'e duni, ita hatene nasaun viziñu Indonézia de'it agora iha 349 kazu pozitivu, entaun ita hakarak husik de'it?" dehan nia, iha Parlamentu Nasionál (PN), Sesta (2/10).

Governante afirma, kazu ne'ebé Timor-Leste iha ne'e la'ós tranzmisaun lokál, maibé kazu importadu.

"Kazu sira ne'e mós afeta de'it ba joven sira ne'ebé sira-nia rezisténsia ne'e mos makaas, entaun durante ne'e ita izola no trata sira, ikus mai sira rekupera", katak nia.

Vise-MS ne'e mós afirma, kazu ne'e la'ós politiza tanba estadu emerjénsia atu hotu ona entaun halo ida ne'e, maibé la'ós, tanba ema ne'ebé servisu saúde ne'e tékniku, la'ós polítika.

Entretantu, sidadaun ne'ebé dadun ne'e pozitivu no iha sala izolamentu Vera Cruz ne'e nia kondisaun di'ak ona.

Alende ne'e, dadus ne'ebé www.tempotimor.com asesu iha pájina facebook Palásiu de Sinzas Ministériu Saúde nian, iha Tersa (1/10), ema ne'ebé halo ona teste hamutuk 8.073, rezultadu teste negativu hamutuk 7.702, sei hein rezultadu teste 343, iha sala izolamentu na'in ida, kazu konfirmadu na'in 28 no rekuperadu na'in 27. (*)  

Published in Politika

Tempotimor (Díli)- Deputada Parlamentu Nasionál (PN), bankada Kmanek Haburas Unidade Nasionál Timoroan (KHUNTO), Olinda Guterres, husu Prezidente Repúblika (PR), Dr. Francisco Guterres Lu Olo atu halo kedas pedidu estensaun Estadu Emerjénsia (EE) ba tinan ida nian nune'e deputadu sira iha PN bele halo aprovasaun dala ida de'it.

Deklarasaun ne'e deputada Olinda hato'o, relasiona ho kada fulan Xefe Estadu ho Governu sempre husu hela de'it estensaun ba Estadu Emerjénsia (EE).

Deputada ne'e dehan, pedidu señor Prezidente Republika nian ne'ebé tama ba iha PN, kuaze dala lima ona, tanba ne'e, Prezidente Parlamentu Nasional (PPN) atu fó tempu oitoan deit ba deputadu sira halo intervensaun no tama kedan ona ba votasaun.

"Ita koalia lori ba, lori mai, ha'u nia hakarak no hanoin, di'ak liu prezidente repúblika tau kedas tinan ida nian lori mai para ita aprova dala ida", hatete deputada Olinda Guterres bainhira halo intervensaun iha plenária PN, sabadu (03/10).

Nia dehan, ita nia tétum iha timor ne'e, hira, tanba dezde momentu pedidu ba EE tama ba iha PN, sira ita koalia fila ba mai, bobar ba mai, di'ak liu koalia de'it vota ona, tanba di'ak ba ita nia povu no ba ita hotu.

Nia hatete, bele koalia barak bainhira ita aumenta saláriu ba polísia sira ne'ebé halo seguransa iha fronteira, atu nune'e sira bele servisu ho imparsiálidade.

Tuir nia, importante mak governu tau matan ba sira ne'ebé iha fronteira, portu no aeroportu, saúde sira, aumenta saláriu atu sira bele halo servisu ho imparsiál.

Ita mak koalia nafatin, prezdinte PN, prímeiru ministru sira deputadu iha PN mós koalia mak nafatin de'it, ita nia tétum iha ne'ebé mak atu foti ba tau tan.

"Ha'u oras ida lakohi tan halo deklarasaun, halo intervensaun, deskulpa. Tinan ida dala ida ha'u halo", dehan deputada Olinda.

Published in Politika

Tempotimor (Dili)- Xefe bankada partidu Konsellu Nasionál Rekonstrusaun Timorense (CNRT), Duarte Nunes hateten, atu aprova lei Rejime Juridiku hodi nune'e governu la presiza mai bei-beik Parlamentu Nasionál (PN) hodi husu estende Estadu Emergensia.

Published in Politika
Saturday, 03 October 2020 11:05

Bankada UDT Firme Apoia OJE 2020

Tempotimor (Dili) - Bankada União Demokrátiku Timorense (UDT) foti pozisaun firme hodi apoia ba Orsamentu Jeral Estadu (OJE) tinan fiskal  2020.

Mezmu apoiu, deputadu Francisco David Xavier hateten, hafoin Timor-Leste iha faze impase politika durante fulan 10 impaktu ba kompaña barak mak iha divida tanba guvernu deve hela kompaña barak. 

Nia hatete, tuir planu husi Orsamentu Jerál Estadu ne'e sei selu dívida Estadu inklui rekuperasaun ekonomia, nune'e pozisaun bankada husi UDT nian apoiu no afavor tanba haree ba perkutu tempu tama ona ba faze 2023.

"Ami nia pozisaun afavor hela de'it ho interesse oinsa sira (governu) halo no ezekuta ho loloos orsamentu ba fulan rua, ida ne'e mak pozisaun UDT nian firme no konkorda nafatin," dehan Francisco ba www.tempotimor.com iha Parlamentu Nasional, Sesta (2/10).

Nia hatutan, tanba pandemia Covid-19 afeta makaas ba Timor-Leste nia ekonomia la funsiona, maibé la'ós iha Timor-Leste de'it maibe nasaun barak.

Nune'e UDT nia parte bainhira OJE 2020 passa bele eleva ekonomia rai-laran liuhusi pakote rekuperasaun ekonomia ne'ebé governu atu aplika. (*) 

Published in Politika

Tempotimor (Díli)- Sekretáriu Estadu Kooperativa (SEKoop), Elizário Ferreira hatete, hahú tinan 2015, Federasaun Kooperativa Hanai-Malu (HM) harii no estabelese ona Departamentu rua iha Universidade Orientál Timor-Lorosa'e (UNITAL), no Intlstitutu Superior Cristál.

Departamentu rua ne'e mak, Jestaun Kooperativa ho Siénsia Kooperativa, no objetivu husi hari'i departamentu ne'e atu hasa'e koñesimentu estudante sira nian liuhosi dezenvolvimentu iha área kooperativa.

"Departamentu rua ne'e ida bolu dehan departamentu Jestaun Kooperativa iha UNITAL, no Siénsia Kooperativa ne'e iha Cristal", hatete Sekretáriu Estadu Kooperativa (SEKoop), Elizário Ferreira iha nia kna'ar fatin Akait, (02/10).

Nia hatutan, totál estudante sira ne'ebé estuda iha departamentu rua refere hamutuk ema na'in 76, husi Unital kompostu ema na'in 69 no nain 18 seluk iha Institutu Superior Cristál.

Nia haktuir, departamentu rua ne'e, Federasaun Kooperativa Hanai-Malu, hari'i dezde tinan 2015, liuhosi servisu hamutuk ho Unital ho Cristal no konsege prodúz graduadu na'in 15 mak termina ona sira nia estudu hodi sai lisensiadu iha kooperativa.

"Na'in rua servisu iha SEKoop no barak liu servisu iha Federasaun Hanai-Malu", informa nia.

Nia dehan, estudante hirak ne'e, kooperativa mak finansia sira nia eskola no sira asina kontratu ho kooperativa.

Elizário relata, iha UNITAL, sira bolu Gestăo de Cooperativa, no agora dadaun estudante hamutuk ema na'in 69, no na'in 32 preparadu atu ba teste finál nian.

Bainhira iha sira nia teze ikus parte SEKoop tenke partisipa hodi akompaña direta tuir duni kritérius kooperativas nian ka lae, nune'e bainhira sai lisensiadu, ema hakarak dehan lisensiadu ida ba kampu.

"Tanba ne'e, sira kuandu ba servisu iha fatin seluk, sira tenke selu fali osan ne'ebé maka kooperativa selu ba sira ne'e", dehan Elizário.

Entretantu, dadaun ne'e parte universidade ho SEKoop konsege fó ona graduasaun ba ema na'in 17 no na'in 5 seluk ba servisu ona iha rai liur no kada fulan sira sempre haruka osan mai família iha TL.

Published in Politika
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter