Login to your account

Username *
Password *
Remember Me

Items filtered by date: Thursday, 15 October 2020

Tempotimor (Dili)-Relasiona ho diferensia hanoin entre bankada apoiu governu Fretilin PLP no Khunto kona-ba Prezidente Autoriedade Munisipál no Administradór Munisípiu sira, maka bankada Congerso Nacional Reconstrução Timor (CNRT) husu bankada apoiu governu atu hadi'a tanba posibilidade boot hamonu governu iha dalan.

Deputadu Patrocino dos Reis Fernandes afirma deklarasaun ne'e, tanba bankada sira ne'ebé apoiu governh hahú la intende malu, entaun fasíl atu hamonu governu.

"Maioria ida iha Parlamentu Nasionál (PN) ho Manobra ida bele halo buat hotu ne'ebé ita seidauk imajina, governu dura ga lae, se diferensia ideia sira-nia iha distribuisaun poder sira ne'e, bele dehan katak governu bele la dura," dehan Nia iha PN, Kinta (15/10).

Husi diferensia ideia ne'ebé iha, maka deputadu Patrocino husu ba bankada apoiu governu atu halo plataforma intedimentu ne'ebe iha ona hodi asesgura governu, maibé labele halo plataforma ne'e hodi hamosu dezintendimentu iha bankada apoiu governu.

"Plataforma ne'ebé sira halo fiar katak sai plataforma ne'ebe asegura governu, la bele nakfilak fali ba plataforma dezeintendimentu, tanba ne'e fasíl atu hamonu govenu daualu," dehan Deputadu ne'e.

Alende ne'e nia mós dehan, loloos ne'e Fretilin Fretilin iha 17 Janeiru sira laiha vontade apoiu governu, maibé depois CNRT xumba tiha OJE 2020 mak Fretilin foin iha vontade hodi viabiliza governu.

"Atu hateten, Fretilin lee tiha ona leitura ne'e katak iha ona dezarmonizasaun Aliansa Mudansa ba Progresu (AMP) se sira iha vontade atu viabiliza, maka ha'u fiar katak iha 17 de janeiru orsamentu 2020 ne'e la monu tanba CNRT Vota ho absteinsaun 21, se sira iha vontade no intrese estadu no interese nasaun, orsamentu ne'e la xumba, no orsamentu ne'e pasa kedas iha momentu ne'ebá," hatete nia.(*)

Published in Politika

Tempotimor (Dili)-Relasiona ho desizaun governu nian liuhusi dekretu ministeriál Ministériu Justisa (MJ) númeru 33/2017 iha 24 Maiu ne'ebé fó direitu ba Polísia Sientífika Investigasaun Kriminál (PSIK) hodi iza armas funu nian, maka lider seguransa nian hahú preokupa, tanba ema sivíl komesa uza ona arma funu nian.

Preokupasaun hira ne'e hato'o husi Xefe estadu maior F-FDTL Maijór Jenerál Lere Anan Timur, maibé xefe governu no Ministru Justisa (MJ) dehan lei mak fó dalan.

Tuir Jenerál Lere, Konstituisaun RDTL fó dalan, ba PNTL ho F-FDTL mak uza kilat, maibé governu komesa fó mós kilat ba ema sivíl.

"Kona-ba armas ne'e ita-nia konstituisaun RDTL fó dalan katak, instituisaun F-FDTL no PNTL mak bele kaer kilat, mais agora PSIK ne'e ha'u lahatene, nia sivíl ka polísia? Ha'u dehan nia la'ós polísia tanba foin dadauk kilat mai ne'e la liu husi polísia," katak Lere hafoin remata enkontru semanál ho Prezidente Repúblika (PR) Francisco Guterres Lú-Olo iha Palásiu Prezidensiál bairru-pite, Kuarta (14/10).

Lere mós konsidera situasaun ne'e sei fó perigu ba Timor-Leste, liuhusi loke dalan ba ema sivíl sira hodi kaer kilat.

"Aban-bainrua ida-idak sosa kilat, ida-idak hatama kilat. Agora PSIK ida foin dadauk simu kilat ne'e iha komandu polísia nian ka iha se nia okos, tanba ne'e governu tenke estuda didi'ak, tanba matéria funu nian la'ós buat halimar," nia tenik.

Tuir nian, loloos kilat sira ne'e tenke liuhusi PNTL mak distribui ba PSIK, mais agora ne'e PSIK mesak hola, entaun aban-bainrua organizasaun la'ós governu (NGO) mós bele rekezita kilat, se loke ona dalan hanesan ne'e.

Hatan ba kestaun ne'e, Ministru Defeza no Seguransa (MDS) Filomeno da Paixão de Jesus dehan, dekretu governu nian mak fó direitu.

"Instituisaun ne'ebé aprovadu husi Konsellu Ministru atu nia uza kilat, purtantu la'ós kilat boot no naruk, maibé sira uza pistola de'it no pistola ne'e ha'u rona dehan mai hotu ona ne'ebé ita implementa de'it," dehan Ministru Filomeno

Nia afirma, PSIK iha direitu atu uza porte de armas, tanba hetan autorizasaun husi KM, maibé regras empeñamentu la'ós tiru arbiru só uza iha tempu ne'ebé nesesáriu tanba PSIK halo servisu ne'ebé todan teb-tebes.

"Sira-nia servisu ne'e sufistikadu teb-tebes to'o krime sira ne'ebé la konsege detekta ne'e, só sira maka dekteta no sira bele hetan impedementu barak durante sira-nia servisu tanba ne'e maka estadu, governu hanoin no deside atu sira tenke iha protesaun ba sira-nia isin loloon," katak nia.

Maske governante ne'e dehan, dekretu ministeriál MJ nian mak fó direitu hodi PSIK kaer pistola, maibé Komandante Jerál PNTL Komisáriu Faustino da Costa atu haree fila fali legalidade ne'ebé iha.

"Atu dehan de'it katak, ida ne'e mak situasaun ne'ebé PNTL mós hetan, ne'ebé ita presiza haree didi'ak ba situasaun ne'e, liu-liu ba parte legalidade ninian," dehan Faustino.

Iha fatin hanesan, Primeiru Ministru (PM) Taur Matan Ruak katak, ema ne'ebé atu uza arma funu nian, presiza tuir formasaun de'it.

"Rekezitus báziku ne'ebé ema hotu hakarak lori kilat ka lei fó permite hodi lori kilat, ne'e nia kritéria mak treinamentu ka formasaun, ne'e importante para nia hetan sertifikasaun lori kilat nian," dehan PM Taur.

Xefe governu mós fó ezemplu katak, atu kaer kilat tenke iha formasaun, hanesan mós atu lori kareta presiza treinu.

"Formasaun ne'e importante, hanesan mós ita kaer kareta ita tenke treinu, kaer motor tenke iha treinu, entaun kaer kilat mós hanesan," nia dehan.(*)

Published in Seguransa Defesa

Tempotimor (Díli)- Loron 15 fulan Outubru sai nu'udár loron internasionál ba Feto Rurál tomak iha mundu, no inklui Timor-Leste.

Published in Ekonomia

Tempotimor (Dili)-Maske Fulan Outubru ohin foin tama ba loron 15, maibé durante semana rua nia laran ne'e sidadaun na'in neen mak tenke husik hela mundu, tanba uza transporte (motor no kareta) la kontrola ho di'ak.

Published in Seguransa Defesa

Tempotimor (Díli)- Atu hametin liu tan relasaun di'ak entre povu nasaun rua Timor-Leste ho Repúblika Indonézia (RI), mak Sekreária Estadu Kooperativa (SEKoop) ho Governu Repúblika Indonézia liuhosi nia embaixada iha TL, planeia ona planu atu bele harii tan merkadu ida iha fronteira hodi komunidade sira bele fa'an sira nia produtu lokál.

Sekretáriu Estadu Kooperativa (SEKoop), Elizário Ferreira hatete, merkadu ne'ebé atu hari'i, sai nuudár merkadu internasionál hodi halo relasaun diak entre povu rai rua nian, maibé iha faze diskusaun entre parte rua nian sei fó prioridade liu ba fa'an produtu na'an.

"Ita loke merkadu iha fronteira, la signifika ita tenke fa'an de'it produtu rai ida nian. Maibé, ami to'o ona iha faze diskusaun ida tama ona iha aprovasaun ba lísta produtus ne'ebé atu faan, prímeiru loloos maka, na'an karau", hatete SEKoop Elizário Ferreira durante nia diskursu hodi komemora loron internasionál Feto Rurál iha munisípiu Likísa, kinta (15/10).

Nia hatete, na'an karau iha merkadu fronteira, folin boot teb-tebes, liu-liu iha RI nian, tanba sira maiória musulmanu, entaun dalabarak liu sira konsumu naan karau, no bainhira iha festa ruma, nia présu boot teb-tebes.

"Entaun, sé mak sei oferese na'an ba iha ne'ebá, normalmente Inan-feton no Aman sira ne'ebé iha kada sira, hakiak karau atu kria kondisaun ida ne'ebé ema bolu dehan 'rumah pemontongan hewan" ne'ebé di'ak, atu bele halo empakotamentu ne'ebé diak atu oferese iha merkadu ne'ebá", dehan nia.

Nia hatutan, produtu segundu ne'ebé atu fa'an mak, foos, tanba nia iha kuantia boot, no terseiru mak tais.

Tuir nia, tais Timor-Leste kualidade liu kompara ho Atambua nian, tanba uza kabas, maibé sira nian uza de'it hena.

Published in Ekonomia

Tempotimor (Dili)-Oitvu governu liu-husi Ministra Finansa (MF) Interina, Sara Lobo Brites akompaña husi ministru Asuntu Parlamentar no Komunikasaun Sosial (MAPKomS), aprezenta ona Orsamentu Jerál Estadu (OJE) tinan 2021 nian, ne'ebé ho montante bilaun $1.895 ba Parlamentu Nasional (PN).

Husi total orsamentu ne'e sei aloka ba salariu vensimentu milaun $239,26, bens servisu milaun $421,49, tranferensia públika millaun $669,91, kapitál menor millaun $61,14, no kapitál dezenvolvimentu milaun $503,20.

Proposta Orsamentu Jerál Estadu (OJE) ne'e rasik, entrega direta ba Prezidente Parlamentu Nasionál (PPN), Aniceto Longuinhos iha gabinte PPN.

Hafoin simu proposta ne'e, Prezidente PN Aniceto Guteres hatete, proposta ida ne'e governu submete bazeia ba prazu ne'ebé determinadu ona.

"Haree ba oras no loron ohin dia 15 outumbru ne'e, governu kumpri duni prazu atu aprezenta Orsamentu Jerál Estadu (OJE),"Dehan Aniceto iha Parlamentu Nasional, kinta (15/10).

Bazeia ba propoata ne'ebé iha, nia esplika, ida ne'e ba oin, prosesu tomak Parlamentu Nasionál mak sei halo, hahu husi debate jenerálidade to'o aprovasaun final global.

Nia mos husu, atu membru governu tomak kontinua kolabora ho Parlamentu Nasionál, nune'e deskusaun OJE 2021 ida ne'e bele la'o ho diak liu tan. (*)

Published in Politika

Tempotimor (Dili)-Diretór Ezekutivu Fundasaun Mahaein (FM) João Almeida husu ba governu atu foti pistola ne’ebé sosa ona ba Polisia Sientifiku Investigasaun Kriminal (PSIK) no intrega ba Polisia Nasionál Timor-Leste (PNTL) no F-FDTL hodi utuliza.

Published in Seguransa Defesa

Tempotimor (Dili)-Bankada CNRT iha Parlamentu Nasional (PN) sei la kestiona desizaun Primeiru Ministru Taur Matan Ruak, ne'ebe tuir planu sei delega Vise Ministra Finansa (MF) hodi aprezenta proposta Orsamentu Jeral Estadu 2021 ba parlamentu nasional.

Published in Politika

Tempotimoe (DILI)-Deputadu husi bankada CNRT Patrociono Fernandes konsidera governu ne’ebé lidera husi Primeiru Ministru Taur Matan Ruak la preokupa oha ho lei, tanba importante ba sira mak hetan votus maioria iha Parlamentu Nasionál.

Published in Politika

Tempotimor (Dili)-Bainhira governu fasilita di’ak liu tan kreditu ba emprezariu Timor-oan sira, iha garantia katak importasaun sasan husi rai li’ur bele menus ona.

Published in Ekonomia
Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter