Login to your account

Username *
Password *
Remember Me

Items filtered by date: Wednesday, 14 October 2020

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Jeronimo ofisilmente asina ona akordu ho xefi suku Lore 2, postu administrativa lospalos, Munisípiu Lautem, kona-ba implementasaun Programa Naroman no dezenvolvimentu Suku (PNDS).

Hafoin remata asinatura, Ministru Francisco hatete, asinatura ba programa naroman suku ida ne'e, nu'udár kontinuasaun ida husi programa sira ne'ebé antes ne'e la'o ona no iha mos ninia benifisia dezenvolvimentu ba suku.

"Nia kuantidade ne'e la boot, la'os osan boot, ajuda ita boot sira atu halo atividade ida ne'e, husi tinan ba tinan halo avaliasaun kuandu buat ne'e la'o diak, ami sei aumenta,"dehan ministru Feancisco Jeronimo iha palasiu governu, kuarta (14/10).

Emprinsipiu Governu sei tau matan no apoiu suku sira, karik hanesan tinan sira tuir mai sei la'o nafatin, importante programa ne'e, tenke iha relatoriu atu justifika atividade ne'ebé suku sira halo.

Progrma refere, estadu atu hetan konfiansa husi suku, presiza iha justifikasaun ba ezekusaun osan, tan ne'e, presiza halibur invois, fotografia husi implementasaun ba atividade.

"Tanba, kuandu ita boot sira halo ida ne'e, tenke iha fotografia no justifikasaun, imi halo reuniaun ruma karik, ou halo serbisu ruma hamutuk ho joven sira, no komunidade, ida ne'e ita boot sira nia serbisu, maibé tenke iha mos evidensia, atu bele fo fiar nafatin ba estadu liu-liu ba governu katak, atividade ne'e la'o ba oin,"dehan nia.

"Maibé primeiru mak responsabilidade, tanba ida ne'e governu nia programa, buat hotu ba baze, la hela iha ne'e, 2021 agora ne'e barak duni kuaze osan tomak ne'e ba hotu iha kraik, ne'ebé ida ne'e mak ita sei halo, "Nia akresenta

Nune'e, Nia mos husu ba xefe suku lore atu kuidadu halo didiak, karik governu apoiu fundu ba suku lore 2, tenke ezekuta programa sira ne'e ho didiak.

Entretantu akordu ne'e, hetan asina direita husi Ministru Asuntu Parlamentar no Komunikasaun Sosial, inklui xefi suku Lore 2 Armando de Jesus iha Gabinte MAPKOMS, Palasiu Governu. (*)

Published in Politika

Tempotimor (Díli)-Liga ba produsaun pontus ezame nasionál ba finalista sira husi ensinu báziku no ensinu sekundáriu no ensinu tékniku vokasionál iha teritóriu Timor-Leste tomak, mak Ministériu Edukasaun Juventude no Desportu (MEJD) husu ona ba Polísia Nasionál Timor-Leste (PNTL) ati halo seguransa bainhira prodús hela matéria sira ne'e.

Pontus ezame ne'ebé dadaun ne'e MEJD produz ba finalista husi ensinu báziku, ensinu tékniku vokasionál no ensinu sekundáriu sira ne'e produz iha printing Silvia Dili, tanba nu'udar kompañia ne'ebé manan iha tenderizasaun hodi halo imprime ba pontu ezame sira ne'e.

Tuir Komandante PNTL Munisípiu Díli, Superindente Xefi Henriques da Costa katak, PNTL simu ona karta husi MEJD hodi husu apoiu polísia nian atu apoiu seguransa ba prodúz pontu ezame finál ba tinan 2020.

"Loos, ita hetan ona karta no ita orienta ona eskuadra Vera Cruz, para halo movimentu ba iha fatin impríme ninian, atu nune'e bele halo seguransa iha ne'ebá," hatete Henriques nia knaar fatin Kaikoli, Kuarta (14/10).

Komandante ne'e afirma, maske MEJD husu PNTL atu halo seguransa, maibé seguransa ne'e la to'o oras 24.

"PNTL sei la koloka seguransa ba 24 oras, tanba MEJD rasik iha ona sira-nia seguransa ne'ebé kolokadu iha ne'ebá, entaun ita-nian patrulla, ita halo movimentu iha ne'ebá, para atu nune'e bele kontrola, tanba karta ne'e ita foin simi horseik," dehan nia.

Entretantu orsamentu ne'ebé MEJD uza hodi halo kontratu ho kompañia Silvia Dili hodi halo imprime ba pontu ezame sira ne'e hamutuk dolar rihun $385 no durasaun ba imprime pontu ezame sira ne'e sei hala'o durante semana tolu nia laran.(*)

Published in Seguransa Defesa

Tempotimor (Dili)- Juri hamutuk na'in 5 mak dadaun atende hela prosesu Rekrutamentu ba Prezidente Autoridade Munisipál no Administradór Munisípiu.

Published in Politika

Tempotimor (Dili)-Bazeia ba proposta Orsementu Jeral Estadu (OJE) tinan fiskál 2021 ne'ebe governu sei aprezenta ba Parlamentu Nasional (PN) ho montante billaun $1.895, maka Diretór Ezekutivu Forum Organizasaun naun Govermental Timor-Leste (FONGTIL) Daniel Santos do Carmo husu atu hare didi'ak ninia alokasaun ba ministériu sira.

Published in Politika

Tempotimor (Díli)-Polisia Nasionál Timor-Leste (PNTL) Munisipiu Dili kria programa ida ho naran Polisia Vizita Eskola hodi sensibiliza estudante sira iha nivel Sekundaria atu hadook an husi krime.

Published in Seguransa Defesa

Tempotimor (Dili)-Prezidente Autoridade Reziaun Administartiva Espesiál Oekusse-Ambeno (RAEOA), Arsenio Paixão Bano aprezenta opsaun politiku lejislativa ba Konsellu Ministru ho intesaun atu halo alterasaun dahuluk ba dekretu Lei ba estatu RAEOA.

Published in Politika
Wednesday, 14 October 2020 15:49

Lere Diskorda PSIK Uza Pistola

Tempotimor (Dili)-Governu aprova ona lei ministeriál númeru 33/2017 iha 24 maiu hodi sosa pistola Caliber 9×19 milimetru ba Polísia Sientífika Investigasaun Kriminál (PSIK) hodi utiliza iha tempu investigasaun, maibé ba desizaun ne'e Jenerál Lere Anan Timur diskorda, tanba la nesesáriu PSIK uza armas.

Published in Seguransa Defesa
Wednesday, 14 October 2020 15:29

Fongtil husu MP-KAK Tenke Dook husi Politika

Tempotimor(Dili)-Diretor Ezukutivu Forum Organizasun Naun Govermental Timor-Leste (FONGTIL) Daniel Carmo husu ba Komisun Anti Korupsaun (KAK) no Ministeriu Publiku (MP) atu tenke serbisu ho profisional hodi evita intervensaun politika no kombate korupsaun.

Published in Politika

Tempotimor (Dili)-Maske antes ne'e governu haruka membru na'in 10 husi Falintíl Forsa Defeza Timor-Leste (F-FDTL) hodi ba tuir formasaun pilotu iha Filipina durante tinan lima, maibé dadaun ne'e membru sira ne'e halimar de'it, tanba governu laiha planu hodi prepara kondisaun ba sira.

Published in Seguransa Defesa
Wednesday, 14 October 2020 15:14

Sara ba Hikas Ministra Finansas Interina

Tempotimor (Dili)-Governu seidauk deklara ofisialmente pozisaun Ministru Finansas Fernando Hanjam ne’ebé tuir informasaun balun hato’o ona ninia intensaun atu rezigna an. Maske nune’e, tanba governu sei aprezenta proposta OJE 2021 ba PN iha Kinta, nune’e Vise Ministra Finansas Sara Lobo asume hikas Ministra Finansas interina.

Published in Politika
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter