Tempotimor (Dili)-Komandante Operasaun Nasionál Polísia Nasionál Timor-Leste (PNTL), Superintendente Xefe Pedro da Costa Belo hatete, Komandu Jerál PNTL halo avaliasaun ba atividade seguransa serimónia Investidura Prezidente Repúblika (PR), José Ramos Horta no serimónia isár Bandeira ba komemorasaun restuaurasaun Independénsia ba dala XX la'o ho di'ak tebes.

“Ita hotu akompaña durante vizita ne'ebé maka iha no mós ita akompaña katak, serimónia investidura nomós serimónia ba isár Bandeira nian iha 20 de Maio ne'ebé mak ita hotu akompaña no ba hothotu la'o di'ak ho kapás e seguransa ba fatin hotu hotu la'o ho di'ak”, deklara Komandante Operasaun Nasionál, Superintendete Xefe Pedro da Costa Belo ba jornalista sira iha Sentru Formasaun Polísia Komoro, kuarta (25/05).

Kona-ba seguransa ba eskoltu ba Very Very Important Person (VVIP) no Very Important Person (VIP) mós la'o ho di'ak no situasaun hotu kontrola husi jerál tama bairu sira tanba membru sira ne'ebé kolokadu sira konsege implementa duni serbisu tuir orientasaun husi nia komandante sira.

“E mós parte husi eskoltu ba VIP mós la'o ho di'ak e mós akompaña situasaun jerál ne'ebé mak mak iha Dili laran iha Bairu sira buat hotu hotu la'o ho di'ak tanba ami-nia polísia sira ne'ebé mak iha terrenu sira implementa duni saida mak ami tau ona iha planu atu sira halo tuir”, haktuir nia.

Komandante Polísia Nasionál Timor-Leste (PNTL) Munisípiu Díli, Superintende Xefe Henrique da Costa hatete, serimónia sira ne'e PNTL hala'o seguransa ho di'ak nune’e sira la konsege rejista asidente grave ida.

“Serimónia Investidura nomós serimónia 20 de Maio ninian iha Palásiu Prezidensiál nian, Komandu PNTL munisípiu Díli, sira hala'o serbisu ho di'ak tebes e serimónia la'o di'ak, ita-nia membru sira ne'ebé ita koloka ita la serbisu remata ita la rejista Insidente boot ruma ne'ebé iha eventu refere”, dehan Komandante Henrique.

Maske akontese asidente tráfiku balun maibé PNTL klasifika ba kazu normál tanba la rezulta ema mate iha momentu serimónia Investidura no 20 de Maio 2022.

“Iha duni asidente tráfiku balun ne'ebé akontese maibé ita klasifika hanesan baibain tanba la rezulta ema ruma mate ita-nia parte tránzitu munisípiu Díli sira responde ho di'ak ida ne'e mak situaian real ne'ebé mak akontese iha periodu serimónia ninian”, haktuir nia.

Ba serimónia Investidura Prezidente Repúblika, José Manuel Ramos Horta ne'e Ekipa Seguransa ne'ebé apoiu Komandu Munisípiu Dili hanesan, Komandu Jerál, Unidade Espesiál Polísia (UEP), Unidade Polísia Maritima (UPM), hodi garante seguransa eventu nasionál refere.

Maibé iha fallansu balun ne'ebé mak PNTL hasoru aprezentasaun ona ba komandu Administrasaun hodi halo diskusaun no preparasaun másimu atu kontinua asegura eventu boot ne'ebé mak sei realiza iha tinan 2023 hanesan Eleisaun Parlamentár nian. (*)

Tempotimor (Dili)-Governu liuhusi Konsellu-Ministru (KM) aprova projetu Dekretu-Lei ne’ebé halo alterasaun dahuluk ba Dekretu-Lei númeru 45/2015, loron 30 fulan-dezembru, ne’ebé kria Ajénsia Promosaun Investimentu no Esportasaun Timor-Leste, institutu públiku (I.P).

Tempotimor (Dili)-Prezidente Pelican Paradise, Edwar Ong hatete, nia parte agradese ba Prezidente Repúblika (PR), José Ramos Horta, no Prezidente Partidu CNRT, Kay Rala Xanana Gusmão inkui Primeiru Ministru (PM), Taur Matan Ruak tanba konsege apoiu korajen inklui aselera akordu projetu investimentu entre Governu Timor-Leste ho pelican paradise.

Tempotimor (Dili)-Deputada Bankada Congresso Nacional de Recinstrução de Timor (CNRT), Vergína Ana Belo hatete, Governu presiza hadi'a kondisaun parajen iha terminál Bekora no Tasitolu atubele akumula transporte públiku sira ho di'ak.

Tempotimor (Dili)-Governu liuhusi Konsellu-Ministru (KM) aprova projetu Dekretu-Lei ne’ebé aprezenta husi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos, kona-ba projetu Dekretu-Lei ne’ebé aprova valór mínimu ba pensaun invalidés no ferik-katuas.

Tempotimor (Baukau)‐Ékipa konjunta husi Polísia Sientífika Investigasaun Kriminál (PCIC) ho komandu Polísia Nasionál Timor-Leste (PNTL) Munísipiu Baukau halo buska ba arguidu ho inisiál AN, ne’ebé loke jogu ilísitu iha Baukau.

Tempotimor (Dili)-Timoroan Mane ida ho naran inisiál SB derepente mate iha Ótel Lonxieng área Delta 2, Suku Komoro, Postu Administrativu Dom Aleixo, Munisípiu Dili.

Tempotimor (Dili)-Xefe Bankada Partidu Libertasaun (PLP), Deputadu Cornelio Gama ‘L-Sete’, hirus deklarasaun anti demokrátiku ne'ebé fó sai husi Bankada Congresso Nacional de Reconstrução de Timor (CNRT) iha Parlamentu Nasionál (PN).

“Ha'u atu ko'alia liafuan defamasaun husi CNRT ne'ebé ko'alia dehan L-Sete ameasa CNRT hatudu anti demokrátiku, liafuan ida momentu ha'u dehan hanesan ne'e, CNRT labele repete liafuan Governu Taur Matan Ruak defaktu, se dehan defaktu di'ak liuhusi Xanana to'o ami sira iha ai-laran ne'e defaktu hotu”, hatete L-7 iha plenária PN, tersa (24/05).

Tanba deputadu CNRT hasai liafuan defaktu no inkonstituisional hodi derije ba Jenerál Taur Matan Ruak tanba ne'e mak husu atu labele repete maibé la'ós ameasa deputadu CNRT.

Ho liafuan anti demikrasia, ne'e, la'os deputadu L7 mak anti demokratiku, maibe deputadu sira CNRT maka anti demokratika, tanba hasai liafuan defaktu hodi diriji ba governu.

Tanba uluk ba funu iha ai-laran ne'e la'ós ema matenek mak hela iha ai-laran, hahú husu Xanana no sira seluk la'ós matenek, la'ós S1, S2 ka S3 mak iha ne'eba.

Momentu ne'eba ema sira matenek mate mohu ona, tanba funu ida ne'e, agora sira ne'ebé mate restu ne'e, bolu fali defaktu hotu de'it ne'e liafuan la di’ak.

“Agora deputadu ida ne'e, dehan Jenerál Taur Matan Ruak de faktu, Primeiru Miniatru ka Xefe do Governu defaktu, ami moe duni, hanesan uluk nee ami dulas de'it, ida ne'e liafuan at, ne'e mak na’in ulun sira iha leten ne'eba, maun sira hirus malu tanba ita husi okos ne’e mak hanesan kilat musan ida karik hatana ba tiru bebeik”, hatete nia.

Maibé, agora dadauk veteranu sira ne'ebé iha tempu rezisténsia, fó ona hanoin ba malu, labele halo arbitrazen tanba sira mak eroi ba libertasaun nasaun maibé sira ne'ebé ko'alia uza matenek agora atu hatudu nasaun ne'e sei runga ranga.

“Hau husu prezidente, ha’u husu CNRT atu muda ita-nia hanoin ida ne'e, se la'e ita dehan ne'e ita defamasaun, ita tenke halo bom ano, ne'e lei iha Taur Matan Ruak biar nia beik, nia lahatene aitonka mais ami sira aitonka kaer nasaun bee funu remata entrega poder nasaun ne’e ba imi, agora imi bolu nafatin ami aitonka, ne'e mak ami la konkorda”, afirma nia.

Maibé Xefe Bankada CNRT, Duarte Nunes husu deskulpa ba deputadu L-Sete atu lalika hirus ho liafuan ida ne'e, tanba liafuan defaktu ne'ebé CNRT ko’alia ne'e la'ós sira-nia liafuan maibé ne'e husi bankada FRETILIN nian.

“Ne'ebé labele dun mai ami, ami mak bolu Governu defaktu, mestre barak mak iha sorin, iha ha’u-nia liman loos mak ne'e, ida mak ita-nia prezidente iha meza ne'eba ne'e, ne'ebé Governu defaktu ne'e liafuan loos ka laloos, ami aprende husi sira”, esplika Duarte.

Bainhira ko'alia kona-ba pozisaun CNRT bolu Governu defaktu, tanba Governu ida ne'ebé lidera husi Jenerál Taur Matan Ruak ne'e, momentu ne'eba hato'o ona karta demisaun ba Prezidente Repúblika, maibé lahatene tanba sá mak seidauk husik kargu PM, ida ne'e mak sai konfuzaun ba CNRT. (*)

Tempotimor (Dili)-Portavoz Sindikatu Profesór RAEOA, Viçensio Cono hatete, durante tinan 7 profesór hamutuk 116 husi Reziaun Administrativa Espesiál Oekussi Ambenu (RAEOA) seidauk hetan orsamentu retroativu.

Tempotimor (Dili)-Ministru Asuntu Parlamentar no Komunikasaun Sosiál (MAPKomS) interinu, Mericio Juvinal dos Reis ‘Akara’ klarifika, relasiona ho serimánia invetidura ba Prezidente Repúblika (PR), José Ramos Horta iha Tasitolu, inklui komemorasaun loron restaurasaun independénsia Timor-Leste ba dala-XX, ne'e Komisaun Organizadora(KO) oferese hotu Konvite ba Prezidente Partidu CNRT, Kay Rala Xanana Gusmão.